കു​രു​ക്കു​ക​ൾ തീ​ർ​ന്നു; ചി​ങ്ക​ക്ക​ല്ലി​ലെ ഗീ​ത​യു​ടെ വീ​ട് നി​ർ​മാ​ണം തു​ട​ങ്ങി

കാ​ളി​കാ​വ്: പ​ത്ത് വ​ർ​ഷ​മാ​യി വീ​ടി​നാ​യി കാ​ത്തി​രി​ക്കു​ന്ന ചോ​ക്കാ​ട് ചി​ങ്ക​ക്ക​ല്ലി​ലെ ആ​ദി​വാ​സി കു​ടും​ബാം​ഗ​മാ​യ ഗീ​ത​യു​ടെ സ്വ​പ്ന​വീ​ട് യാ​ഥാ​ർ​ഥ്യ​മാ​വു​ന്നു. വീ​ടി​ന്‍റെ ചു​മ​ർ നി​ർ​മാ​ണം ക​ഴി​ഞ്ഞ ദി​വ​സം തു​ട​ങ്ങി. ആ​ദ്യ​ഘ​ട്ട​മാ​യി പ​ട്ടി​ക​വ​ർ​ഗ വ​കു​പ്പ് അ​നു​വ​ദി​ച്ച 1,20000 രൂ​പ ഉ​പ​യോ​ഗി​ച്ചാ​ണ് പ്ര​വൃ​ത്തി ന​ട​ത്തു​ന്ന​ത്.

നി​യ​മ​ക്കു​രു​ക്കു​ക​ൾ തീ​ർ​ത്താ​ണ് ഇ​വ​രു​ടെ വീ​ട് നി​ർ​മാ​ണ​ത്തി​ന് ന​ട​പ​ടി​യാ​വു​ന്ന​ത്. ഒ​മ്പ​ത് വ​ർ​ഷം മു​മ്പ് ചി​ങ്ക​ക്ക​ല്ലി​ൽ ഗീ​ത​യു​ടെ​യും ബ​ന്ധു സ​രോ​ജി​നി​യു​ടെ​യും വീ​ട് നി​ർ​മാ​ണം തു​ട​ങ്ങി​യെ​ങ്കി​ലും ത​റ നി​ർ​മി​ച്ച് ര​ണ്ടാം ഗ​ഡു​വി​നാ​യി ശ്ര​മി​ക്കു​ന്ന​തി​നി​ടെ വ​നം​വ​കു​പ്പ് ഇ​ട​പെ​ട്ട് നി​ർ​മാ​ണം ത​ട​ഞ്ഞു.

വീ​ടു​വെ​ക്കു​ന്ന സ്ഥ​ലം വ​ന​ഭൂ​മി​യി​ലാ​ണ് എ​ന്ന കാ​ര​ണ​മാ​ണ് പ​റ​ഞ്ഞ​ത്. അ​തി​നി​ടെ കാ​ട്ടാ​ന ആ​ക്ര​മ​ണ​ത്തി​ൽ ത​ല​നാ​രി​ഴ​ക്കാ​ണ് ഈ ​കു​ടും​ബം ര​ക്ഷ​പ്പെ​ട്ട​ത്. വ​ന​ത്തി​ന് സ​മീ​പം പ്ലാ​സ്റ്റി​ക് ഷീ​റ്റി​ന് താ​ഴെ പ​റ​ക്ക​മു​റ്റാ​ത്ത കു​ഞ്ഞു​ങ്ങ​ളു​മാ​യി ക​ഴി​ഞ്ഞ ഗീ​ത​യു​ടെ ദു​രി​ത​ത്തെ കു​റി​ച്ച് ‘മാ​ധ്യ​മം’ വാ​ർ​ത്ത​ക​ർ ന​ൽ​കി​യി​രു​ന്നു. സ​ന്ന​ദ്ധ സം​ഘ​ട​ന​ക​ളും രാ​ഷ്ട്രീ​യ പാ​ർ​ട്ടി​ക​ളും നി​ര​ന്ത​രം ഇ​വ​രു​ടെ വി​ഷ​യ​ത്തി​ൽ ഇ​ട​പെ​ട്ട​തി​ന്റെ ഫ​ല​മാ​യി വീ​ട് പ​ണി​യാ​ൻ വ​നം​വ​കു​പ്പി​ന്റെ നി​രോ​ധ​നം നീ​ങ്ങി.

തു​ട​ർ​ന്ന് വീ​ട് നി​ൽ​ക്കു​ന്ന സ്ഥ​ലം അ​ള​ന്ന് തി​രി​ച്ച് വ​നം മ​ന്ത്രി എ.​കെ ശ​ശീ​ന്ദ്ര​ൻ ഭൂ​മി​യു​ടെ കൈ​വ​ശ രേ​ഖ കൈ​മാ​റി. പ്ര​ശ്നം അ​വി​ടെ​യും തീ​ർ​ന്നി​ല്ല. വീ​ടി​ന് നേ​ര​ത്തെ ഐ.​ടി.​ഡി.​പി അ​നു​വ​ദി​ച്ച ഫ​ണ്ട് അ​പ്പോ​ഴേ​ക്കും കാ​ല​ഹ​ര​ണ​പ്പെ​ട്ടു. ലൈ​ഫ് ഭ​വ​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി ഫ​ണ്ട് ല​ഭ്യ​മാ​ക്കാ​മെ​ന്ന് അ​ധി​കൃ​ത​ർ ധാ​ര​ണ​യി​ലാ​യി. എ​ന്നാ​ൽ ലൈ​ഫ് പ​ദ്ധ​തി ലി​സ്റ്റി​ൽ ഇ​വ​രെ ഉ​ൾ​പ്പെ​ടു​ത്താ​ൻ ക​ഴി​ഞ്ഞി​ല്ല.

ട്രൈ​ബ​ൽ ഫ​ണ്ടി​ൽ​നി​ന്ന് വീ​ടി​ന് ഫ​ണ്ട് ല​ഭ്യ​മാ​ക്കാ​ൻ പി​ന്നീ​ട് പ​ട്ടി​ക​വ​ർ​ഗ വി​ക​സ​ന വ​കു​പ്പി​ന്റെ ഉ​ത്ത​ര​വ് ല​ഭി​ച്ചു. എ​ന്നാ​ൽ പ​ട്ടി​ക​വ​ർ​ഗ വ​കു​പ്പ് ഫ​ണ്ട് ല​ഭ്യ​ത​യു​ടെ കു​റ​വ് കാ​ര​ണം ഇ​വ​രു​ടെ വീ​ടി​നു​ള്ള ഫ​ണ്ടും വൈ​കി. ഒ​രു മാ​സം മു​മ്പാ​ണ് ഗീ​ത​യു​ടെ വീ​ടി​ന് 1,20000 രൂ​പ അ​നു​വ​ദി​ച്ച​ത്. അ​ടു​ത്ത ഗ​ഡു ഉ​ട​ൻ ല​ഭ്യ​മാ​ക്കു​മെ​ന്ന് അ​ധി​കൃ​ത​ർ അ​റി​യി​ച്ചി​ട്ടു​ണ്ട്.