ഹംഗ്രി ഷാർക്കിനു പിന്നിലെ കുഞ്ഞുകൈകൾ; സ്വ​യം നി​ർ​മി​ച്ച ഗെ​യി​മു​ക​ളു​മാ​യി എ​ട്ടാം ക്ലാ​സു​കാ​ര​ൻ

കാ​ളി​കാ​വ്: സ്വ​യം നി​ർ​മി​ച്ച ഗെ​യി​മു​ക​ളു​മാ​യി എ​ട്ടാം ക്ലാ​സു​കാ​ര​ൻ ശ്ര​ദ്ധ​യാ​ക​ർ​ഷി​ക്കു​ന്നു. കാ​ളി​കാ​വ് വെ​ള്ളി​ലാം കു​ന്ന​ൻ ശി​ഹാ​ബു​ദ്ദീ​ന്റെ മ​ക​ൻ അ​ഭി​യാ​ൻ മു​ഹ​മ്മ​ദാ​ണ് വീ​ഡി​യോ​ക​ൾ യൂ ​ടൂ​ബി​ൽ പോ​സ്റ്റ് ചെ​യ്ത് വ​രു​മാ​നം ക​ണ്ടെ​ത്തു​ന്ന​ത്. ഒ​രു വ​ർ​ഷം മു​മ്പാ​ണ് ചാ​ന​ൽ തു​ട​ങ്ങി​യ​ത്. ഈ ​വ​ർ​ഷം ജ​നു​വ​രി​യി​ൽ പ​തി​ന​യ്യാ​യി​ര​വും മാ​ർ​ച്ചി​ൽ പ​തി​മൂ​വാ​യി​ര​വും രൂ​പ​യാ​ണ് കൊ​ച്ചു മി​ടു​ക്ക​ന് ല​ഭി​ച്ച​ത്. ഗെ​യിം ആ​പ്പു​ക​ൾ വ​ഴി ല​ഭി​ക്കു​ന്ന വി​വി​ധ ഗെ​യി​മു​ക​ൾ ഡൗ​ൺ ലോ​ഡ് ചെ​യ്ത് ആ​ക​ർ​ഷ​ക​മാ​യി എ​ഡി​റ്റ് ചെ​യ്ത് വി​വി​ധ പേ​രു​ക​ൾ ന​ൽ​കി പു​തി​യ ഗെ​യിം സ്പോ​ട്ടു​ക​ൾ നി​ർ​മി​ക്കു​ക​യാ​ണ് ചെ​യ്യു​ന്ന​ത്. ഇ​ത് സ്വ​ന്തം പേ​രി​ൽ തു​ട​ങ്ങി​യ വി.​ആ​ർ എ​ക്സ് ഗെ​യിം​സ് എ​ന്ന ചാ​ന​ലി​ൽ അ​പ് ലോ​ഡ് ചെ​യ്യും.

ഇ​തി​ന​കം 3.65 കെ ​സ​ബ്സ്ക്രൈ​ബേ​ഴ്സാ​ണ് അ​ഭി​യാ​ൻ മു​ഹ​മ്മ​ദ് നേ​ടി​യ​ത്. മൂ​ന്നൂ​റി​ല​ധി​കം ഗെ​യിം വീ​ഡി​യോ​ക​ളാ​ണ് സ്വ​ന്തം ചാ​ന​ലി​ൽ അ​പ് ലോ​ഡ് ചെ​യ്ത​ത്. ഹം​ഗ്രി ഷാ​ർ​ക് എ​ന്നാ​ണ് ഗെ​യിം ചാ​ന​ലി​ന്റെ പേ​ര്. ഫി​ലി​പ്പൈ​ൻ​സ്, ഇ​ൻ​ഡൊ​നേ​ഷ്യ, അ​മേ​രി​ക്ക തു​ട​ങ്ങി​യ രാ​ജ്യ​ങ്ങ​ളി​ൽ നി​ന്നാ​ണ് കു​ടു​ത​ൽ പ്ര​തി​ക​ര​ണം ല​ഭി​ക്കു​ന്ന​ത്.

മ​ക​ന്റെ ക​ഴി​വും ശൈ​ലി​യും ക​ണ്ടെ​ത്തി​യ മാ​താ​വ് ഫ​സീ​ല​യാ​ണ് യൂ​ടൂ​ബി​ൽ ചാ​ന​ൽ തു​ട​ങ്ങാ​ൻ സ​ഹാ​യി​ച്ച​ത്. തു​ട​ർ​ന്ന് ആ​ദ്യ​മാ​യി ല​ഭി​ച്ച വ​രു​മാ​നം ഉ​പ​യോ​ഗി​ച്ച് കു​ടും​ബ​ത്തി​ലെ എ​ല്ലാ​വ​ർ​ക്കും പെ​രു​ന്നാ​ളി​ന് വ​സ്ത്ര​ങ്ങ​ൾ വാ​ങ്ങി. സ്മാ​ർ​ട്ട് ഫോ​ണും വൈ ​ഫൈ ക​ണ​ക്ഷ​നും പി​താ​വ് ഒ​രു​ക്കി​ക്കൊ​ടു​ത്തി​ട്ടു​ണ്ട്. അ​ട​ക്കാ​ക്കു​ണ്ട് ക്ര​സ​ന്റ് ഹ​യ​ർ​സെ​ക്ക​ൻ​ഡ​റി​യി​ലെ എ​ട്ടാം ക്ലാ​സ് വി​ദ്യാ​ർ​ഥി​യാ​ണ് അ​ഭി​യാ​ൻ മു​ഹ​മ്മ​ദ്.