വീണ്ടും കടുവ; പു​ല്ല​ങ്കോ​ട് എ​സ്റ്റേ​റ്റി​ൽ തൊ​ഴി​ലാ​ളി​യു​ടെ മു​ന്നി​ൽ പ​ശു​വി​നെ ആ​ക്ര​മി​ച്ചു

കാ​ളി​കാ​വ്: പു​ല്ല​ങ്കോ​ട് എ​സ്റ്റേ​റ്റി​ൽ വീ​ണ്ടും ക​ടു​വ ആ​ക്ര​മ​ണം. മേ​യാ​ൻ വി​ട്ട പ​ശു​വി​നെ ക​ടു​വ ആ​ക്ര​മി​ച്ച് പ​രി​ക്കേ​ൽ​പ്പി​ച്ചു. ശ​നി​യാ​ഴ്ച രാ​വി​ലെ 11.30 ഓ​ടെ​യാ​ണ് ക​ടു​വ പ​ശു​വി​നെ ആ​ക്ര​മി​ച്ച​ത്. ക​ടി​യേ​റ്റ പ​ശു പ്രാ​ണ​ര​ക്ഷാ​ർ​ഥം പി​ട​യു​ന്ന​ത് ക​ണ്ട് മേ​യ്ക്കാ​ൻ കൊ​ണ്ടു​വ​ന്ന ത​യ്യി​ൽ നാ​സ​ർ വ​ടി​ക​ളു​മാ​യി ഓ​ടി​യെ​ത്തി ബ​ഹ​ളം വെ​ച്ച​തോ​ടെ ക​ടു​വ കാ​ട്ടി​ലേ​ക്ക് ഓ​ടി​മ​റ​ഞ്ഞു.

എ​ട​ക്കാ​ട് വ​നം ഇ​തി​ന​ടു​ത്താ​ണ്. എ​സ്റ്റേ​റ്റ് ബം​ഗ്ലാ​വി​ന് സ​മീ​പം 52 ഏ​രി​യ​യി​ൽ 2010 പ്ലാ​ന്റേ​റേ​ഷ​ൻ ഭാ​ഗ​ത്താ​ണ് എ​സ്റ്റേ​റ്റ് തൊ​ഴി​ലാ​ളി കു​മ്മാ​ളി ഖാ​ലി​ദി​ന്റെ ഉ​ട​മ​സ്ഥ​ത​യി​ലു​ള്ള പ​ശു​വി​നെ ക​ടു​വ ക​ടി​ച്ച് പ​രി​ക്കേ​ൽ​പ്പി​ച്ച​ത്. പ​ശു​വി​ന്റെ ക​ഴു​ത്തി​ൽ ഇ​രു​ഭാ​ഗ​ളി​ലും ആ​ഴ​ത്തി​ൽ മു​റി​വേ​റ്റി​ട്ടു​ണ്ട്. ക​ടി​യേ​റ്റ പ​ശു അ​വ​ശ​നി​ല​യി​ലാ​ണ്. വാ​ഹ​ന​ത്തി​ലാ​ണ് ക​യ​റ്റി​യാ​ണ് താ​ഴെ എ​ത്തി​ച്ച​ത്.

ഏ​താ​ണ്ട് പ​ത്ത് മീ​റ്റ​ർ അ​ക​ലെ വ​ച്ചാ​ണ് ക​ടു​വ​യെ ക​ണ്ട​തെ​ന്ന് നാ​സ​ർ പ​റ​ഞ്ഞു. ശ​നി​യാ​ഴ്ച ഈ ​ഭാ​ഗ​ത്ത് ടാ​പ്പി​ങ് ഉ​ണ്ടാ​യി​രു​ന്നി​ല്ല. ഇ​പ്പോ​ൾ ക​ടു​വ ആ​ക്ര​മ​ണം ന​ട​ന്ന​തി​ന്റെ 500 മീ​റ്റ​ർ മീ​റ്റ​ർ അ​ടു​ത്ത് വ​രെ രാ​വി​ലെ ടാ​പ്പി​ങ് തൊ​ഴി​ലാ​ളി​ക​ൾ ജോ​ലി​യെ​ടു​ത്ത് മ​ട​ങ്ങി​യ​താ​ണ്. ക​ഴി​ഞ്ഞ ജ​നു​വ​രി​യി​ൽ പു​ല്ല​ങ്കോ​ട് റ​ബ​ർ എ​സ്റ്റേ​റ്റി​ൽ ക​ടു​വ​യി​റ​ങ്ങി​യി​രു​ന്നു.

എ​സ്റ്റേ​റ്റ് മാ​നേ​ജ​രു​ടെ ബം​ഗ്ലാ​വി​നു സ​മീ​പ​ത്ത് കാ​ട്ടു​പ​ന്നി​യെ പി​ടി​കൂ​ടി ഭ​ക്ഷി​ച്ചി​രു​ന്നു. സൈ​ല​ന്റ്‌​വാ​ലി​യി​ൽ​നി​ന്ന് വാ​ള​ക്കാ​ട് വ​ഴി അ​ട്ടി വ​ന മേ​ഖ​ല​യി​ലൂ​ടെ​യാ​ണ് ക​ടു​വ എ​ത്തു​ന്ന​തെ​ന്നാ​ണ് ക​രു​ത​പ്പെ​ടു​ന്ന​ത്. കേ​ര​ള എ​സ്റ്റേ​റ്റ് പാ​ന്ത​റ​യി​ൽ​നി​ന്ന് ചെ​ങ്കോ​ട് മ​ല​വാ​ര​ത്തി​ലൂ​ടെ പു​ല്ല​ങ്കോ​ടി​ലേ​ക്ക് പ്ര​വേ​ശി​ക്കാ​നും എ​ളു​പ്പ​മാ​ണ്.