ക​ടു​വ ഭീ​തി​യു​ടെ ര​ണ്ടാ​ഴ്ച; വ​ന​പാ​ല​ക​ർ​ക്ക് ത​ല​വേ​ദ​ന; നാ​ട്ടു​കാ​ർ​ക്ക് രോ​ഷം

ക​രു​വാ​ര​കു​ണ്ട്: ഭീ​തി​യു​ടെ ര​ണ്ടാ​ഴ്ച പി​ന്നി​ടു​മ്പോ​ഴും ഒ​ളി​ഞ്ഞും തെ​ളി​ഞ്ഞും നാ​ടൊ​ട്ടു​ക്ക് ഭ​യം പ​ര​ത്തി ക​ടു​വ. മ​ല​യോ​ര​ങ്ങ​ളി​ൽ സ്ഥാ​പി​ച്ച കാ​മ​റ​ക​ളി​ൽ അ​ധി​കം പ​തി​യാ​തെ​യും എ​ന്നാ​ൽ ജ​ന​വാ​സ കേ​ന്ദ്ര​ങ്ങ​ളി​ൽ വ​രെ ഇ​ട​ക്കി​ടെ വ​ന്നു​പോ​യും ക​ടു​വ ദ്രു​ത ക​ർ​മ​സേ​ന ഉ​ൾ​പ്പെ​ടെ​യു​ള്ള വ​ന​പാ​ല​ക​ർ​ക്ക് ത​ല​വേ​ദ​ന​യു​ണ്ടാ​ക്കു​ക​യാ​ണ്.

ഇ​ക്ക​ഴി​ഞ്ഞ 13ന് ​റാ​വു​ത്ത​ൻ​കാ​ട്ടി​ൽ ടാ​പ്പി​ങ് തൊ​ഴി​ലാ​ളി​യെ ഇ​ര​യാ​ക്കി​യ ക​ടു​വ പി​ന്നീ​ട് മ​ല​യോ​ര​ത്ത് വ​ട്ടം ക​റ​ങ്ങു​ന്ന​താ​ണ് ക​ണ്ട​ത്. ക​ണ്ണ​ത്ത് മ​ല​വാ​ര​ത്തി​ലെ പോ​ത്ത​ൻ​കാ​ട്ടി​ലും ആ​ർ​ത്ത​ല​യി​ലും ക​റ​ങ്ങി പി​ന്നീ​ട് മ​ദാ​രി എ​സ്റ്റേ​റ്റി​ലും സു​ൽ​ത്താ​ന എ​സ്റ്റേ​റ്റി​ലു​മെ​ത്തി. അ​വി​ടെ​നി​ന്ന് കു​ണ്ടോ​ട എ​സ്റ്റേ​റ്റി​ലും അ​ടു​ത്ത ദി​വ​സം ക​ൽ​ക്കു​ണ്ട് വ​ഴി സി.​ടി എ​സ്റ്റേ​റ്റി​ലു​മെ​ത്തി. ഇ​വി​ടെ​യെ​ല്ലാം തൊ​ഴി​ലാ​ളി​ക​ളു​ടെ​യോ യാ​ത്രി​ക​രു​ടെ​യോ ക​ണ്ണി​ൽ​പെ​ട്ട ക​ടു​വ പ​ക്ഷെ വ​നം​വ​കു​പ്പി​ന്റെ കാ​മ​റ​യി​ൽ ഒ​ന്നോ ര​ണ്ടോ വ​ട്ട​മേ പ​തി​ഞ്ഞു​ള്ളൂ.

തോ​ക്കു​മാ​യി തെ​ര​ഞ്ഞു ന​ട​ക്കു​ന്ന അ​റു​പ​തോ​ളം വ​ന​പാ​ല​ക​രി​ൽ ഒ​രാ​ളു​ടെ ക​ണ്ണി​ൽ പോ​ലും പ​തി​ഞ്ഞി​ല്ലെ​ന്ന​തും അ​ദ്ഭു​ത​മാ​ണ്. മ​ദാ​രി, സു​ൽ​ത്താ​ന, കു​ണ്ടോ​ട, സി.​ടി എ​സ്റ്റേ​റ്റു​ക​ളി​ൽ ക​ടു​വ​യെ ക​ണ്ടു എ​ന്ന​റി​ഞ്ഞ​പ്പോ​ഴെ​ല്ലാം ഓ​ടി​യെ​ത്തി​യ ദ്രു​ത​ക​ർ​മ സേ​ന​യു​ടെ തോ​ക്കി​ന് മു​ന്നി​ൽ മാ​ത്രം ക​ടു​വ​യെ​ത്തി​യി​ല്ല. റാ​വു​ത്ത​ൻ​കാ​ട്,മ​ദാ​രി,കു​നി​യ​ൻ​മാ​ട് എ​ന്നി​വി​ട​ങ്ങ​ളി​ൽ സ്ഥാ​പി​ച്ച കൂ​ടു​ക​ളി​ലും ക​യ​റി​യി​ല്ല.

ഈ ​ര​ണ്ടാ​ഴ്ച​ക്കി​ടെ ഏ​തെ​ങ്കി​ലും ജീ​വി​യെ വേ​ട്ട​യാ​ടി​യ ല​ക്ഷ​ണ​ങ്ങ​ൾ ക​ണ്ടി​ട്ടി​ല്ല. ഇ​ര​യു​ടെ അ​വ​ശി​ഷ്ട​ങ്ങ​ളും എ​വി​ടെ​യും ക​ണ്ടെ​ത്താ​നാ​യി​ല്ല. പ​ല സ​മ​യ​ങ്ങ​ളി​ലാ​യി അ​ട​ക്കാ​ക്കു​ണ്ട്, ക​രു​വാ​ര​കു​ണ്ട് ഭാ​ഗ​ങ്ങ​ളി​ൽ കാ​ണു​ന്ന ക​ടു​വ ഒ​ന്ന് ത​ന്നെ​യാ​ണോ എ​ന്നും വ്യ​ക്ത​മ​ല്ല. അ​ട​ക്കാ​ക്കു​ണ്ടി​ലെ കാ​മ​റ​യി​ൽ ഒ​രി​ക്ക​ൽ തെ​ളി​ഞ്ഞ ക​ടു​വ ആ​രോ​ഗ്യ​വാ​നാ​യി​രു​ന്നു എ​ന്നാ​ണ് പ​റ​ഞ്ഞി​രു​ന്ന​ത്. അ​തേ​സ​മ​യം ക​ഴി​ഞ്ഞ ദി​വ​സം ക​ൽ​ക്കു​ണ്ടി​ൽ ക​ണ്ട​ത് ക്ഷീ​ണി​ച്ച​തും ശോ​ഷി​ച്ച​തു​മാ​ണ്. വ​യ​സ്സാ​യി ഇ​ര​പി​ടി​ക്കാ​ൻ ശേ​ഷി​യി​ല്ലാ​ത്ത​തി​നാ​ലാ​വും കാ​ടി​റ​ങ്ങി​യ​ത് എ​ന്നും പ​റ​യ​പ്പെ​ടു​ന്നു.

ഏ​താ​യാ​ലും, ക​ടു​വ കൂ​ടു​ത​ൽ ജ​ന​വാ​സ കേ​ന്ദ്ര​ങ്ങ​ളി​ലേ​ക്കെ​ത്തി​യ​തോ​ടെ ജ​നം കൂ​ടു​ത​ൽ ഭീ​തി​യി​ലും രോഷത്തിലുമാണ്. എ​സ്റ്റേ​റ്റു​ക​ൾ മു​ഴു​വ​ൻ നി​ല​ച്ച മ​ട്ടാ​ണ്. സ്വ​കാ​ര്യ​തോ​ട്ട​ങ്ങ​ൾ പോ​ലും ര​ണ്ടാ​ഴ്ച​യാ​യി കാ​ടു​ക​യ​റു​ക​യാ​ണ്. അ​തി​നി​ടെ ക​ർ​ഷ​ക​രു​ടെ പേ​ടി​സ്വ​പ്ന​മാ​യി​രു​ന്ന പ​ന്നി, കു​ര​ങ്ങ് പോ​ലു​ള്ള​വ ഇ​പ്പോ​ൾ നാ​ട്ടി​ൻ​പു​റ​ങ്ങ​ളി​ൽ അ​ധി​കം കാ​ണു​ന്നി​ല്ലെ​ന്ന​തും ശ്ര​ദ്ധേ​യ​മാ​ണ്. ക​ടു​വ തോ​ട്ട​ങ്ങ​ളി​ലൂ​ടെ ക​റ​ങ്ങു​ന്ന​താ​വാം കാ​ര​ണ​മെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.