ഒളിമ്പ്യൻ ഇർഫാനെ ആദരിച്ചു

കീഴുപറമ്പ്: ടോക്യോ ഒളിമ്പിക്സിൽ ഇന്ത്യയെ പ്രതിനിധീകരിച്ച്​ 20 മീറ്റർ നടത്ത മത്സരത്തിൽ പങ്കെടുത്ത ഒളിമ്പ്യൻ കെ.ടി. ഇർഫാനെ കുനിയിൽ അൻവാറുൽ ഇസ്​ലാം അറബിക്​ കോളജ് സ്​റ്റാഫ് കൗൺസിൽ നേതൃത്വത്തിൽ ആദരിച്ചു. കഴിഞ്ഞദിവസമാണ് ഇർഫാൻ ഒളിമ്പിക്സ് മത്സരത്തിനുശേഷം ജന്മനാടായ കീഴുപറമ്പിൽ എത്തിയത്.

പ്രിൻസിപ്പൽ ശാക്കിർ ബാബു കുനിയിൽ ഇർഫാ​െൻറ വീട്ടിലെത്തി ഉപഹാരം നൽകി.

കോളജ് പ്രസിഡൻറ്​ പ്രഫ. കെ.എ. നാസർ, എൻ.എസ്.എസ് പ്രോഗ്രാം ഓഫിസർ അഷ്റഫ് , ലൈബ്രറിയൻ പി.പി. അബ്​ദുൽ അസീസ്, ലൈബ്രറി അസി. കെ.ഇ. ജലാലുദ്ദീൻ, കെ.എ.സി.എം.എസ് എ ജില്ല കൗൺസിലർ കെ.ടി. ജാഫർ അൻവാരി തുടങ്ങിയവർ പങ്കെടുത്തു.