മ​ല​പ്പു​റ​ത്ത്​ അ​തി​ദ​രി​ദ്ര​രു​ടെ പ​ട്ടി​ക​യി​ലു​ള്ള​ത് ​18022 കു​ടും​ബാം​ഗ​ങ്ങ​ൾ

മ​ല​പ്പു​റം: ജി​ല്ല​യി​ലെ അ​തി​ദാ​രി​ദ്ര നി​ർ​മാ​ർ​ജ​ന പ​ദ്ധ​തി​യു​ടെ 94 ശ​ത​മാ​നം പൂ​ർ​ത്തി​യാ​യി. ജി​ല്ല​യി​ലെ 8553 കു​ടും​ബ​ങ്ങ​ളി​ൽ നി​ന്നാ​യി 18022 കു​ടും​ബാം​ഗ​ങ്ങ​ളാ​ണ് അ​തി​ദ​രി​ദ്ര​രു​ടെ പ​ട്ടി​ക​യി​ൽ ഉ​ൾ​പ്പെ​ട്ടി​ട്ടു​ള്ള​ത്. ഇ​വ​ര്‍ക്കാ​യി 7699 മൈ​ക്രോ പ്ലാ​നു​ക​ളാ​ണ് ദാ​രി​ദ്ര്യ നി​ർ​മാ​ർ​ജ​ന​ത്തി​നാ​യി ത​ദ്ദേ​ശ സ്ഥാ​പ​ന​ങ്ങ​ൾ വ​ഴി ന​ട​പ്പാ​ക്കു​ന്ന​ത്. 2021ൽ ​എ​ല്ലാ ത​ദ്ദേ​ശ സ്ഥാ​പ​ന​ങ്ങ​ളി​ലും സ​ർ​വേ ന​ട​ത്തി ക​ണ്ടെ​ത്തി​യ ഗു​ണ​ഭോ​ക്താ​ക്ക​ളു​ടെ പ​ട്ടി​ക അ​താ​ത് ഭ​ര​ണ സ​മി​തി​ക​ൾ പ​രി​ശോ​ധി​ച്ച് അ​ന്തി​മ തീ​ർ​പ്പാ​ക്കി​യ​താ​ണ്. സു​ര​ക്ഷി​ത​മാ​യ വാ​സ​സ്ഥ​ലം ഒ​രു​ക്കു​ന്ന മൈ​ക്രോ പ്ലാ​നി​ൽ 133 എ​ണ്ണം മാ​ത്ര​മാ​ണ് ജി​ല്ല​യി​ൽ ഇ​നി പൂ​ർ​ത്തി​യാ​വാ​നു​ള്ള​ത്.

ജി​ല്ല​യി​ലെ ഭൂ​ര​ഹി​ത, ഭ​വ​ന​ര​ഹി​ത​രാ​യി​ട്ടു​ള്ള കു​ടും​ബ​ങ്ങ​ൾ​ക്ക് ഭൂ​മി ക​ണ്ടെ​ത്താ​നാ​യി ഏ​റ​നാ​ട് താ​ലൂ​ക്കി​ലെ പു​ൽ​പ്പ​റ്റ വി​ല്ലേ​ജി​ൽ 180 സെ​ന്‍റ്, പൊ​ന്നാ​നി താ​ലൂ​ക്കി​ലെ എ​ഴു​വ​ൻ​തു​രു​ത്തി വി​ല്ലേ​ജി​ൽ 37 സെ​ന്‍റ്, തി​രൂ​ര​ങ്ങാ​ടി താ​ലൂ​ക്കി​ലെ പെ​രു​വ​ള്ളൂ​ർ വി​ല്ലേ​ജി​ൽ 15 സെ​ന്‍റ്, നെ​ടു​വ വി​ല്ലേ​ജി​ൽ 10 സെ​ന്‍റ്, പെ​രി​ന്ത​ൽ​മ​ണ്ണ താ​ലൂ​ക്കി​ലെ പു​ലാ​മ​ന്തോ​ൾ വി​ല്ലേ​ജി​ൽ 162 സെ​ന്‍റ്​ എ​ന്നി​ങ്ങ​നെ​യാ​ണ് ക​ണ്ടെ​ത്തി​യി​ട്ടു​ള്ള​ത്. ഇ​തി​ല്‍ പു​ൽ​പ്പ​റ്റ വി​ല്ലേ​ജി​ലെ 180 സെ​ന്‍റ്​ ഭൂ​മി 37 കു​ടും​ബ​ങ്ങ​ള്‍ക്കും എ​ഴു​വ​ൻ​തു​രു​ത്തി വി​ല്ലേ​ജി​ലെ 37 സെ​ന്‍റ്​ ഭൂ​മി 10 കു​ടും​ബ​ങ്ങ​ള്‍ക്കും അ​നു​വ​ദി​ക്കാ​നാ​യി പ്ലോ​ട്ടു​ക​ളാ​ക്കി തി​രി​ച്ച് ന​റു​ക്കെ​ടു​പ്പ് പൂ​ര്‍ത്തി​യാ​ക്കി പ​ട്ട​യം ന​ല്‍കു​ന്ന​തി​നു​ള്ള ന​ട​പ​ടി ആ​രം​ഭി​ച്ചി​ട്ടു​ണ്ട്. തി​രൂ​ര​ങ്ങാ​ടി താ​ലൂ​ക്കി​ലേ​യും പെ​രി​ന്ത​ൽ​മ​ണ്ണ താ​ലൂ​ക്കി​ലേ​യും ഭൂ​മി പ​തി​ച്ച് ന​ൽ​കാ​നു​ള്ള ന​ട​പ​ടി​ക്ര​മ​ങ്ങ​ൾ പു​രോ​ഗ​തി​യി​ലാ​ണ്. ജി​ല്ല​യി​ൽ ഭ​ക്ഷ​ണം ആ​വ​ശ്യ​മു​ള്ള 3479 ആ​ളു​ക​ളി​ൽ മു​ഴു​വ​ൻ പേ​ർ​ക്കും ഭ​ക്ഷ​ണം എ​ത്തി​ക്കാ​ൻ സാ​ധി​ച്ചി​ട്ടു​ണ്ടെ​ന്നും സ​ർ​ക്കാ​ർ അ​വ​കാ​ശ​പ്പെ​ടു​ന്നു.

വ​രു​മാ​നം ആ​വ​ശ്യ​മു​ള്ള 877 പേ​രി​ൽ മു​ഴു​വ​ൻ പേ​ർ​ക്കും കു​ടും​ബ​ശ്രീ വ​ഴി​യും വി​വി​ധ പ​ദ്ധ​തി​ക​ളി​ലൂ​ടെ​യും തൊ​ഴി​ൽ ല​ഭ്യ​മാ​ക്കി വ​രു​മാ​നം ഉ​റ​പ്പാ​ക്കി​യെ​ന്നും അ​ധി​കൃ​ത​ർ പ​റ​യു​ന്നു. 2025 ന​വം​ബ​ർ ഒ​ന്ന് കേ​ര​ള​പ്പി​റ​വി ദി​ന​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ കേ​ര​ള​ത്തെ അ​തി​ദ​രി​ദ്ര​രി​ല്ലാ​ത്ത സം​സ്ഥാ​ന​മാ​യി പ്ര​ഖ്യാ​പി​ക്കും. ത​ദ്ദേ​ശ​സ്ഥാ​പ​ന​ങ്ങ​ൾ വ​ഴി​യും വി​വി​ധ വ​കു​പ്പു​ക​ളു​ടെ ചി​ട്ട​യാ​യ പ്ര​വ​ർ​ത്ത​ന​ങ്ങ​ൾ വ​ഴി​യു​മാ​ണ് കേ​ര​ളം ഈ ​നേ​ട്ടം കൈ​വ​രി​ക്കു​ന്ന​ത്. 1973- 74ൽ 59.8 ​ശ​ത​മാ​നം അ​തി​ദ​രി​ദ്ര​രാ​ണ് സം​സ്ഥാ​ന​ത്ത് ഉ​ണ്ടാ​യി​രു​ന്ന​ത്. ദീ​ർ​ഘ​വീ​ക്ഷ​ണ​ത്തോ​ടെ​യു​ള്ള പ്ര​വ​ർ​ത്ത​ന​ങ്ങ​ൾ വ​ഴി 1993 -94 ൽ 25.4 ​ശ​ത​മാ​ന​മാ​യി മാ​റി. പി​ന്നീ​ട് അ​ത് 11.3 ശ​ത​മാ​നം ആ​യി കു​റ​യു​ക​യും ചെ​യ്തു.