മെ​ഡി​ക്ക​ൽ കോ​ള​ജി​ൽ രാ​ത്രി​കാ​ല പോ​സ്റ്റ്മോ​ർ​ട്ടം നി​ർ​ത്താ​ൻ നീ​ക്കം

മ​ഞ്ചേ​രി: ഗ​വ.​മെ​ഡി​ക്ക​ൽ കോ​ള​ജ് ഫോ​റ​ൻ​സി​ക് വി​ഭാ​ഗം ജീ​വ​ന​ക്കാ​ർ ത​മ്മി​ലു​ള്ള പ​ട​ല​പ്പി​ണ​ക്കം മൂ​ലം രാ​ത്രി​കാ​ല പോ​സ്റ്റ്മോ​ർ​ട്ടം നി​ർ​ത്ത​ലാ​ക്കാ​ൻ നീ​ക്കം. ഫോ​റ​ൻ​സി​ക് വി​ഭാ​ഗം മേ​ധാ​വി​യും ചി​ല ഡോ​ക്ട​ർ​മാ​രും ഒ​രു വി​ഭാ​ഗ​വും മ​റ്റു ഡോ​ക്ട​ർ​മാ​ർ മ​റ്റൊ​രു വി​ഭാ​ഗ​വു​മാ​യി പ്ര​ശ്ന​ങ്ങ​ൾ നി​ല​നി​ൽ​ക്കു​ന്ന​താ​യാ​ണ് വി​വ​രം.

രാ​ത്രി​യി​ൽ പോ​സ്റ്റ്മോ​ർ​ട്ടം ന​ട​ത്ത​ണ​മെ​ന്നാ​ണ് വ​കു​പ്പ് മേ​ധാ​വി​യു​ടെ പ​ക്ഷം. എ​ന്നാ​ൽ ആ​വ​ശ്യ​മാ​യ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​തെ രാ​ത്രി​യി​ലും ജോ​ലി ചെ​യ്യാ​ൻ ആ​വി​ല്ലെ​ന്ന നി​ല​പാ​ടു​ള്ള ഡോ​ക്ട​ർ​മാ​രു​മു​ണ്ട്. ഇ​വ​ർ​ക്കി​ട​യി​ലെ പ്ര​ശ്ന​ങ്ങ​ൾ മൂ​ലം രാ​ത്രി​കാ​ല പോ​സ്റ്റ്മോ​ർ​ട്ടം നി​ല​ച്ച മ​ട്ടാ​ണ്. തി​രൂ​ർ ജി​ല്ല ആ​ശു​പ​ത്രി​യി​ലെ സാ​ങ്കേ​തി​ക ത​ട​സ്സ​ങ്ങ​ളെ തു​ട​ർ​ന്ന് ജി​ല്ല മെ​ഡി​ക്ക​ൽ ഓ​ഫി​സ​റു​ടെ നി​ർ​ദേ​ശ​പ്ര​കാ​രം രാ​ത്രി​കാ​ല പോ​സ്റ്റ്മോ​ർ​ട്ട​ത്തി​നാ​യി ര​ണ്ട് മൃ​ത​ദേ​ഹ​ങ്ങ​ൾ മ​ഞ്ചേ​രി​യി​ൽ എ​ത്തി​ച്ചെ​ങ്കി​ലും പോ​സ്റ്റ്മോ​ർ​ട്ടം ന​ട​ന്നി​ല്ല.

രാ​ത്രി​യി​ൽ പോ​സ്റ്റ്മോ​ർ​ട്ടം ന​ട​ത്തു​ന്ന​തി​നെ​തി​രെ ര​ണ്ട് ഫോ​റ​ൻ​സി​ക് സ​ർ​ജ​ൻ​മാ​ർ ആ​രോ​ഗ്യ​മ​ന്ത്രി​ക്ക് ന​ൽ​കി​യ പ​രാ​തി​യെ തു​ട​ർ​ന്ന് മെ​ഡി​ക്ക​ൽ കോ​ള​ജ് വൈ​സ് പ്രി​ൻ​സി​പ്പ​ലി​ന്റെ നേ​തൃ​ത്വ​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ന് ശേ​ഷം മെ​ഡി​ക്ക​ൽ വി​ദ്യാ​ഭ്യാ​സ ഡ​യ​റ​ക്ട​ർ​ക്ക് (ഡി.​എം.​ഇ) റി​പ്പോ​ർ​ട്ട് സ​മ​ർ​പ്പി​ച്ചി​രു​ന്നു. ഇ​തി​നു​ശേ​ഷം മ​ഞ്ചേ​രി​യി​ൽ രാ​ത്രി​കാ​ല പോ​സ്റ്റ്മോ​ർ​ട്ടം കാ​ര്യ​മാ​യി ന​ട​ന്നി​ട്ടി​ല്ല.

2024 സെ​പ്റ്റം​ബ​റി​ലാ​ണ് മ​ഞ്ചേ​രി മെ​ഡി​ക്ക​ൽ കോ​ള​ജി​ൽ രാ​ത്രി​കാ​ല പോ​സ്റ്റ്മോ​ർ​ട്ടം തു​ട​ങ്ങി​യ​ത്. ഡി​സം​ബ​ർ വ​രെ കാ​ര്യ​ക്ഷ​മ​മാ​യി ന​ട​പ​ടി​ക​ൾ തു​ട​ർ​ന്നു. ഇ​തി​ന​കം 37 മൃ​ത​ദേ​ഹ​ങ്ങ​ൾ രാ​ത്രി​യി​ലാ​ണ് പോ​സ്റ്റ്മോ​ർ​ട്ടം ന​ട​ത്തി​യ​ത്.

വ​കു​പ്പ് മേ​ധാ​വി ഉ​ൾ​പ്പെ​ടെ ആ​റ് ഡോ​ക്ട​ർ​മാ​ർ നി​ല​വി​ൽ ഫോ​റ​ൻ​സി​ക് വി​ഭാ​ഗ​ത്തി​ലു​ണ്ട്. മ​തി​യാ​യ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​തെ രാ​ത്രി​യി​ലും പോ​സ്റ്റ്മോ​ർ​ട്ടം ചെ​യ്യു​ന്ന​തി​നെ​തി​രെ ഫോ​റ​ൻ​സി​ക് സ​ർ​ജ​ൻ​മാ​രാ​യ ഡോ.​ടി.​പി. ആ​ന​ന്ദ്, ഡോ.​ര​ഹ​നാ​സ് എ​ന്നി​വ​ർ കോ​ട​തി​യി​ൽ ഹ​ര​ജി സ​മ​ർ​പ്പി​ച്ചു.

ആ​വ​ശ്യ​മാ​യ സൗ​ക​ര്യ​ങ്ങ​ൾ ഒ​രു​ക്കാ​തെ ഈ ​ര​ണ്ട് ഡോ​ക്ട​ർ​മാ​രെ​യും രാ​ത്രി​യി​ൽ പോ​സ്റ്റ്മോ​ർ​ട്ടം ചെ​യ്യാ​ൻ നി​ർ​ബ​ന്ധി​ക്ക​രു​തെ​ന്ന കോ​ട​തി​യു​ടെ അ​നു​കൂ​ല വി​ധി സ​മ്പാ​ദി​ക്കു​ക​യും ചെ​യ്തു. ഇ​തോ​ടെ ഒ​രു വി​ഭാ​ഗം ഡോ​ക്ട​ർ​മാ​ർ പ​ക​ലും രാ​ത്രി​യും സേ​വ​നം ചെ​യ്യേ​ണ്ടി​വ​രി​ക​യും ഒ​രു വി​ഭാ​ഗ​ത്തി​ന് രാ​ത്രി​കാ​ല പോ​സ്റ്റ്മോ​ർ​ട്ടം ബാ​ധ​ക​മാ​കാ​തി​രി​ക്കു​ക​യും ചെ​യ്തു. ഇ​ത് ഡോ​ക്ട​ർ​മാ​ർ​ക്കി​ട​യി​ൽ പ്ര​യാ​സം സൃ​ഷ്ടി​ച്ചു. രാ​ത്രി​കാ​ല പോ​സ്റ്റ്മോ​ർ​ട്ടം മ​ര​ണ​പ്പെ​ട്ട​വ​രു​ടെ ബ​ന്ധു​ക്ക​ൾ​ക്ക് ഏ​റെ ആ​ശ്വാ​സ​മാ​യി​രു​ന്നു.