ഉദ്ഘാടനത്തിനൊരുങ്ങി മെഡിക്കൽ കോളജിലെ വിവിധ പദ്ധതികൾ

മ​ഞ്ചേ​രി: ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പൂ​ർ​ത്തി​യാ​ക്കി​യ വി​വി​ധ പ​ദ്ധ​തി​ക​ളു​ടെ ഉ​ദ്ഘാ​ട​നം ഈ ​മാ​സം 11ന് ​ന​ട​ക്കും. വൈ​കീ​ട്ട് അ​ഞ്ചി​ന് ആ​രോ​​ഗ്യ മ​ന്ത്രി വീ​ണ ജോ​ർ​ജ് ഉ​ദ്ഘാ​ട​നം ചെ​യ്യ​ും. വൈ​റോ​ള​ജി ലാ​ബ്, അ​ത്യാ​ധു​നി​ക സം​വി​ധാ​ന​ങ്ങ​ളോ​ടെ ഒ​രു​ക്കി​യ ‘ല​ക്ഷ്യ’ ലേ​ബ​ർ റൂ​മു​ക​ൾ, സി.​ടി സ്കാ​ൻ യൂ​നി​റ്റ്, റേ​ഡി​യോ​ള​ജി ബ്ലോ​ക്ക്, ഹോ​സ്റ്റ​ൽ ബ്ലോ​ക്ക്, ഓ​ഡി​റ്റോ​റി​യം, ഇ​ന്‍റേ​ണ​ൽ റോ​ഡു​ക​ൾ, വെ​യ്റ്റി​ങ് റൂം, ​പു​തി​യ പ​വ​ർ​ഹൗ​സ് തു​ട​ങ്ങി വി​വി​ധ പ​ദ്ധ​തി​ക​ളാ​ണ് സ​മ​ർ​പ്പി​ക്കു​ന്ന​ത്.

1.20 കോ​ടി രൂ​പ ചെ​ല​വ​ഴി​ച്ചാ​ണ് ‘ല​ക്ഷ്യ’ ലേ​ബ​ർ റൂം ​ഒ​രു​ക്കി​യ​ത്. ​ഗ​ർ​ഭി​ണി​ക​ൾ​ക്ക് മി​ക​ച്ച സേ​വ​നം ഉ​റ​പ്പാ​ക്കു​ക എ​ന്ന ഉ​ദ്ദേ​ശ്യത്തോ​ടു​കൂ​ടി ലോ​കാ​രോ​ഗ്യ സം​ഘ​ട​ന​യും കേ​ന്ദ്ര ആ​രോ​ഗ്യ​മ​ന്ത്രാ​ല​യ​വും നാ​ഷ​ന​ൽ ഹെ​ൽ​ത്ത് മി​ഷ​നും ന​ട​പ്പാ​ക്കു​ന്ന പ​ദ്ധ​തി​യാ​ണ് ‘ല​ക്ഷ്യ’. വെ​ന്‍റി​ലേ​റ്റ​ർ സൗ​ക​ര്യ​ത്തോ​ടെ​യു​ള്ള ഐ.​സി.​യു, അ​ത്യാ​ധു​നി​ക തി​യ​റ്റ​ർ, ലേ​ബ​ർ റൂം, ​സെ​പ്റ്റി​ക് ലേ​ബ​ർ റൂം, ​ഓ​ട്ടോ ക്ലേ​വ് റൂം, ​സ്റ്റെ​റൈ​ൽ ആ​ൻ​ഡ് നോ​ൺ സ്റ്റെ​റൈ​ൽ ആ​ൻ​ഡ് നോ​ൺ സ്റ്റെ​റൈ​ൽ റൂം, ​ഡോ​ക്ട​ർ​മാ​ർ​ക്കും ന​ഴ്സു​മാ​ർ​ക്കും പ്ര​ത്യേ​ക മു​റി​ക​ൾ തു​ട​ങ്ങി​യ സൗ​ക​ര്യ​ങ്ങ​ൾ ഇ​തി​ന്റെ ഭാ​ഗ​മാ​യു​ണ്ട്.

1.96 കോ​ടി ചെ​ല​വി​ട്ടാ​ണ് വൈ​റോ​ള​ജി ലാ​ബ് യാ​ഥാ​ർ​ഥ്യ​മാ​ക്കി​യ​ത്. രാ​വി​ലെ ഒ​മ്പ​തു​മു​ത​ൽ വൈ​കീ​ട്ട് നാ​ലു​വ​രെ​യാ​ണ് പ​രി​ശോ​ധ​ന. അ​ടി​യ​ന്ത​ര പ്രാ​ധാ​ന്യ​മു​ള്ള സാ​മ്പി​ളു​ക​ൾ ഉ​ട​ൻ പ​രി​ശോ​ധി​ച്ച് റി​സ​ൾ​ട്ട് ന​ൽ​കും. നി​പ ബാ​ധി​ച്ച് ചി​കി​ത്സ​യി​ലാ​യി​രു​ന്ന​വ​രു​ടെ സ്ര​വ​ങ്ങ​ളെ​ല്ലാം ഈ ​ലാ​ബി​ലാ​ണ് പ​രി​ശോ​ധി​ച്ചി​രു​ന്ന​ത്.

ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കു​മു​ള്ള ഹോ​സ്റ്റ​ലു​ക​ൾ, അ​ധ്യാ​പ​ക അ​ന​ധ്യാ​പ​ക ഹോ​സ്റ്റ​ലു​ക​ൾ, റോ​ഡു​ക​ൾ, ഓ​ഡി​റ്റോ​റി​യം ഉ​ൾ​പ്പെ​ടെ 103 കോ​ടി ചെ​ല​വി​ട്ട് ആ​റ് കെ​ട്ടി​ട​ങ്ങ​ളാ​ണ് ഉ​ദ്ഘാ​ട​ന​ത്തി​ന് ത​യാ​റാ​യ​ത്. ഇ​ൻ​വെ​സ്റ്റി​ഗേ​ഷ​ൻ ആ​ൻ​ഡ് റേ​ഡി​യോ​ള​ജി ബ്ലോ​ക്ക് 1.10 കോ​ടി രൂ​പ ചെ​ല​വി​ട്ടാ​ണ് പൂ​ർ​ത്തി​യാ​ക്കി​യ​ത്. ഇ​തി​ന്‍റെ താ​ഴ​ത്തെ നി​ല​യി​ലാ​ണ് എം.​ആ​ർ.​ഐ യ​ന്ത്രം സ്ഥാ​പി​ക്കു​ന്ന​ത്.

പ്ര​ഫ​സ​ർ​മാ​ർ, വ​കു​പ്പ് മേ​ധാ​വി​ക​ൾ എ​ന്നി​വ​ർ​ക്ക് ഒ​ന്നാം​നി​ല​യി​ൽ മു​റി​ക​ൾ സ​ജ്ജ​മാ​ക്കും. ര​ണ്ടാം​നി​ല​യി​ൽ ഡെ​മോ​ൺ​സ്ട്രേ​ഷ​ൻ മു​റി​ക​ൾ, ടെ​ക്നീ​ഷ്യ​ൻ​സ്, സീ​നി​യ​ർ/- ജൂ​നി​യ​ർ റ​സി​ഡ​ന്റു​മാ​ർ എ​ന്നി​വ​ർ​ക്കു​ള്ള വി​ശ്ര​മ​മു​റി​ക​ളാ​കും. രോ​ഗി​ക​ൾ​ക്കും കൂ​ട്ടി​രി​പ്പു​കാ​ർ​ക്കു​മാ​യി വി​ശാ​ല​മാ​യ കാ​ത്തി​രി​പ്പ് കേ​ന്ദ്ര​വും സ​ജ്ജ​മാ​ക്കും. കേ​ര​ള ഹെ​ൽ​ത്ത് റി​സ​ർ​ച് ആ​ൻ​ഡ് വെ​ൽ​ഫെ​യ​ർ സൊ​സൈ​റ്റി (കെ.​എ​ച്ച്.​ആ​ർ.​ഡ.​ബ്ല്യു.​എ​സ്) മു​ഖേ​ന അ​ഞ്ച് കോ​ടി രൂ​പ ചെ​ല​വി​ലാ​ണ് സി.​ടി സ്കാ​ൻ യ​ന്ത്രം സ്ഥാ​പി​ച്ച​ത്. 128 സ്ലൈ​സ് നി​ല​വാ​ര​ത്തി​ലു​ള്ള ആ​ധു​നി​ക യ​ന്ത്ര​മാ​ണ് സ്ഥാ​പി​ച്ച​ത്. ക​ഴി​ഞ്ഞ​ദി​വ​സം ട്ര​യ​ൽ​റ​ൺ വി​ജ​യ​ക​ര​മാ​യി പൂ​ർ​ത്തി​യാ​ക്കി​യി​രു​ന്നു.