മരുന്നുകൾക്ക് ഗുണനിലവാരമില്ല; ഏഴ് മാസത്തിനിടെ ആറിരട്ടി വർധന

മ​ല​പ്പു​റം: രാ​ജ്യ​ത്ത് ഗു​ണ​നി​ല​വാ​ര പ​രി​ശോ​ധ​ന​യി​ൽ പ​രാ​ജ​യ​​പ്പെ​ടു​ന്ന മ​രു​ന്നു​ക​ളു​​ടെ എ​ണ്ണം വ​ർ​ധി​ക്കു​ന്നു. ഈ ​വ​ർ​ഷം ജൂ​ലൈ വ​രെ​യു​ള്ള ആ​ദ്യ ഏ​ഴ് മാ​സ​ങ്ങ​ളി​ൽ ഡ്ര​ഗ് റ​ഗു​ലേ​റ്റ​റ​ർ​മാ​ർ സാ​മ്പി​ളെ​ടു​ത്ത് കേ​ന്ദ്ര, സം​സ്ഥാ​ന ലാ​ബു​ക​ളി​ൽ പ​രി​ശോ​ധി​ച്ച മ​രു​ന്നു​ക​ളി​ൽ 661 എ​ണ്ണ​മാ​ണ് നി​ല​വാ​ര​മി​ല്ലെ​ന്ന് ക​ണ്ടെ​ത്തി​യ​ത്. ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വി​ൽ റി​പ്പോ​ർ​ട്ട് ചെ​യ്ത 113 ​എ​ണ്ണ​ത്തി​ൽ​നി​ന്ന് ആ​റ് മ​ട​ങ്ങ് വ​ർ​ധ​ന​യാ​ണ് ഇ​ത്ത​വ​ണ രേ​ഖ​പ്പെ​ടു​ത്തി​യ​ത്.

ആ​റ് വ​ർ​ഷ​ത്തെ എ​സ്.​എ​സ്.​ക്യു കേ​സു​ക​ളു​ടെ എ​ണ്ണ​മെ​ടു​ത്താ​ലും 2025ലേ​ത് ഏ​റ്റ​വും ഉ​യ​ർ​ന്ന നി​ല​യി​ലാ​ണ്. ക​ഴി​ഞ്ഞ ആ​ഗ​സ്റ്റി​ൽ മാ​ത്രം 94 മ​രു​ന്നു​ക​ൾ ഗു​ണ​നി​ല​വാ​ര​മി​ല്ലെ​ന്ന് ക​ണ്ടെ​ത്തി​യ​താ​യി സെ​ൻ​ട്ര​ൽ ഡ്ര​ഗ്സ് സ്റ്റാ​ൻ​ഡേ​ർ​ഡ് ക​ൺ​ട്രോ​ൾ ഓ​ർ​ഗ​നൈ​സേ​ഷ​ൻ അ​റി​യി​ച്ചു. സെ​ൻ​ട്ര​ൽ ലാ​ബു​ക​ളി​ൽ പ​രി​ശോ​ധി​ച്ച 32 മ​രു​ന്നു​ക​ളും സം​സ്ഥാ​ന ലാ​ബി​ൽ പ​രി​ശോ​ധി​ച്ച 62 മ​രു​ന്നു​ക​ളു​മാ​ണ് എ​സ്.​എ​സ്.​ക്യു എ​ന്ന് ക​ണ്ടെ​ത്തി​യ​ത്. ജെ.​ബി കെ​മി​ക്ക​ൽ​സ് ആ​ന്റ് ഫാ​ർ​മ​സ്യൂ​ട്ടി​ക്ക​ൽ​സി​ന്റെ 400 മി​ല്ലി​ഗ്രാം മെ​ട്രോ​ണി​ഡാ​സോ​ൾ ടാ​ബ്‌​ലെ​റ്റ്​ ഐ.​പി, സ്മി​ലാ​ക്സ് ഹെ​ൽ​ത്ത്കെ​യ​ർ ഡ്ര​ഗ്സി​ന്റെ അ​യ​ൺ, ഫോ​ളി​ക് ആ​സി​ഡ് സി​റ​പ്പ്, അ​ഗ്രോ​ൺ റെ​മ​ഡീ​സി​ന്റെ ടോ​ബ്രാ​മൈ​സി​ൻ ഐ ​ഡ്രോ​പ്പ്സ്, ഫ​സ്റ്റ്മെ​ഡ് തെ​റാ​പ്യൂ​ട്ടി​ക്‌​സി​ന്റെ റാ​ബെ​പ്രാ​സോ​ൾ സോ​ഡി​യം ടാ​ബ്‌​ലെ​റ്റ്, പാ​ര​സെ​റ്റ​മോ​ൾ, അ​സെ​ക്ലോ​ഫെ​നാ​ക് ടാ​ബ്‌​ലെ​റ്റ് എ​ന്നി​വ​യും ബ​ജാ​ജ് ഫോ​ർ​മു​ലേ​ഷ​ൻ​സി​ന്റെ പാ​ന്റോ​പ്രാ​സോ​ൾ 40 മി​ല്ലി​ഗ്രാം എ​ന്നി​വ ഗു​ണ​നി​ല​വാ​ര പ​രി​ശോ​ധ​ന​യി​ൽ പ​രാ​ജ​യ​പ്പെ​ട്ടു.

സീ ​ല​ബോ​റ​ട്ട​റീ​സി​ന്റെ അ​മി​കാ​സി​ൻ സ​ൾ​ഫേ​റ്റ് ഇ​ഞ്ച​ക്ഷ​ൻ ഐ.​പി 500 മി​ല്ലി ഗ്രാം, ​ടോ​ബ്രാ​മൈ​സി​ൻ ഒ​ഫ്താ​ൽ​മി​ക് ലാ​യ​നി എ​ന്നി​വ​യും അ​ല​ക്‌​സ ഫാ​ർ​മ​സ്യൂ​ട്ടി​ക്ക​ൽ​സി​ന്റെ ആം​പി​സി​ലി​ൻ ട്രൈ​ഹൈ​ഡ്രേ​റ്റ് ആ​ന്റ് ബ്രോം​ഹെ​ക്‌​സി​ൻ ഹൈ​ഡ്രോ​ക്ലോ​റൈ​ഡ് കാ​പ്‌​സ്യൂ​ൾ, സാ​യ് പാ​ര​ന്റ​റ​ൽ​സി​ന്റെ അ​യ​ൺ സു​ക്രോ​സ് ഇ​ഞ്ച​ക്ഷ​ൻ, ക്ലി​ൻ​ഡാ​മൈ​സി​ൻ ഇ​ഞ്ച​ക്ഷ​ൻ, പൊ​തു​മേ​ഖ​ലാ സ്ഥാ​പ​ന​മാ​യ ഹി​ന്ദു​സ്ഥാ​ൻ ആ​ൻ​റി​ബ​യോ​ട്ടി​ക്സ് ലി​മി​റ്റ​ഡി​ന്റെ സെ​ഫ്റ്റ്രി​യാ​ക്‌​സോ​ൺ ഇ​ഞ്ച​ക്ഷ​ൻ, സ്കോ​ട്ട് എ​ഡി​ൽ ഫാ​ർ​മ​സി​യ ലി​മി​റ്റ​ഡി​ൽ നി​ന്നു​ള്ള ആ​ൽ​ബെ​ൻ​ഡാ​സോ​ൾ ടാ​ബ്‌​ലെ​റ്റ്, മോ​റെ​പെ​ൻ ല​ബോ​റ​ട്ട​റീ​സി​ന്റെ റാ​ബെ​പ്രാ​സോ​ൾ ടാ​ബ്‌​ലെ​റ്റ്, ആ​ൽ​ബ​ർ​ട്ട് ഡേ​വി​ഡ് ലി​മി​റ്റ​ഡി​ന്റെ അ​മി​നോ ആ​സി​ഡു​ക​ൾ, മി​ന​റ​ൽ​സ് കാ​പ്‌​സ്യൂ​ൾ എ​ന്നി​വ​യും ഗു​ണ​നി​ല​വാ​ര പ​രി​ശോ​ധ​ന​യി​ൽ പ​രാ​ജ​യ​പ്പെ​ട്ട​വ​യി​ൽ ഉ​ൾ​പ്പെ​ടു​ന്നു. ഡ്ര​ഗ്സ് ക​ൺ​ട്രോ​ള​ർ ജ​ന​റ​ലി​ന്റെ​യും (ഡി.​സി.​ജി.​​ഐ) ഡ്ര​ഗ്സ് ക​ൺ​സ​ൾ​ട്ടേ​റ്റീ​വ് ക​മ്മി​റ്റി​യു​ടെ​യും (ഡി.​സി.​സി) ക​ർ​ശ​നി​ർ​ദ്ദേ​ശ​മു​ണ്ടാ​യി​ട്ടും കേ​ര​ള​മ​ട​ക്കം 15 സം​സ്ഥാ​ന​ങ്ങ​ൾ ആ​ഗ​സ്റ്റി​ൽ എ​ൻ.​എ​സ്.​ക്യു മ​രു​ന്നു​ക​ളു​ടെ പ​ട്ടി​ക കേ​ന്ദ്ര​ത്തി​ന് സ​മ​ർ​പ്പി​ച്ചി​ല്ലെ​ന്ന് സി.​ഡി.​എ​സ്.​സി.​ഒ പ​റ​യു​ന്നു.