മ​നോ​ഹ​ര സെ​ൽ​ഫി പോ​യ​ന്‍റു​മാ​യി നി​ല​മ്പൂ​ർ ക​നോ​ലി ടൂ​റി​സം ക​വാ​ടം

നി​ല​മ്പൂ​ർ: ലോ​ക ടൂ​റി​സം ഭൂ​പ​ട​ത്തി​ൽ ഇ​ട​മു​ള്ള നി​ല​മ്പൂ​ർ ക​നോ​ലി പ്ലോ​ട്ട് ക​വാ​ട​ത്തി​ൽ അ​തി​മ​നോ​ഹ​ര സെ​ൽ​ഫി പോ​യ​ന്‍റ് നി​ർ​മാ​ണം പൂ​ർ​ത്തി​യാ​യി. പ്ര​ശ​സ്ത ശി​ൽ​പി നി​ല​മ്പൂ​ർ ഷെ​രീ​ഫാ​ണ് ക​ളി​മ​ണ്ണി​ൽ സെ​ൽ​ഫി പോ​യ​ന്‍റ് നി​ർ​മി​ച്ച​ത്. ‘ന​മ്മു​ടെ നി​ല​മ്പൂ​ർ’ എ​ന്നെ​ഴു​ത്തി ചേ​ർ​ക്ക​പ്പെ​ട്ട പോ​യ​ന്‍റ് ഏ​റെ ആ​ക​ർ​ഷ​ണീ​യ​മാ​ണ്. ഇ​തി​ലൂ​ടെ നി​ല​മ്പൂ​ർ ടൂ​റി​സ​ത്തി​നും ചു​ടു​മ​ൺ ചി​ത്ര​ക​ല​ക്കും പു​ത്ത​നു​ണ​ർ​വ് ന​ൽ​കാ​നാ​യി.

പ്ര​തി​ഫ​ലം വാ​ങ്ങാ​തെ​യാ​ണ് അ​ദ്ദേ​ഹം ചി​ത്ര​ക​ല പൂ​ർ​ത്തീ​ക​രി​ച്ച​ത്. തേ​ക്കി​ൻ നാ​ടി​ന്‍റെ പ്ര​കൃ​തി സൗ​ന്ദ​ര‍്യം, വ​ന്യ​ജീ​വി സ​മ്പ​ത്ത്, ഗോ​ത്ര​വാ​സി​ക​ൾ എ​ന്നി​വ​രാ​ണ് സെ​ൽ​ഫി പോ​യ​ന്‍റി​ൽ സ്ഥാ​നം പി​ടി​ച്ചി​ട്ടു​ള്ള​ത്. ര​ണ്ടു​മാ​സം സ​മ​യ​മെ​ടു​ത്താ​ണ് ക​ലാ​രൂ​പം പൂ​ർ​ത്തീ​ക​രി​ച്ച​ത്. ഒ​ന്ന​ര ല​ക്ഷ​ത്തോ​ളം രൂ​പ ചെ​ല​വ് വ​രു​ന്ന ടെ​റ​കോ​ട്ട സെ​ൽ​ഫി പോ​യ​ന്‍റ് നി​ല​മ്പൂ​രി​ന്‍റെ മു​ഖ​മു​ദ്ര വി​ളി​ച്ചോ​തു​ന്ന​താ​ണ്.

ടൂ​റി​സം ക​വാ​ട​ത്തി​ന്‍റെ ഒ​രു ഭാ​ഗ​ത്ത് സെ​ൽ​ഫി പോ​യ​ന്‍റും മ​റു​ഭാ​ഗ​ത്ത് 1930 ലെ ​നി​ല​മ്പൂ​ർ ചെ​ട്ട‍്യ​ങ്ങാ​ടി പ​ഴ​മ​യും പെ​രു​മ​യും മ​ണ്ണി​ൽ ചി​ത്രീ​ക​രി​ച്ച് ചി​ത്ര​ക​ല​യി​ലൂ​ടെ നി​ല​മ്പൂ​രി​നെ അ​ട​യാ​ള​പ്പെ​ടു​ത്തു​ക​യാ​ണ് ശി​ൽ​പി.

25 വ​ർ​ഷം മു​മ്പാ​ണ് ഷെ​രീ​ഫ് നി​ല​മ്പൂ​ർ സി​വി​ൽ എ​ൻ​ജി​നീ​യ​റി​ങ് മേ​ഖ​ല​യി​ൽ​നി​ന്ന് ചു​ടു​മ​ൺ ചി​ത്ര​നി​ർ​മി​തി​യി​ൽ എ​ത്തു​ന്ന​ത്. ആ​ധി​കാ​രി​ക​മാ​യി ശി​ൽ​പ​ക​ല പ​ഠി​ച്ചി​ട്ടി​ല്ലെ​ങ്കി​ലും ഷെ​രീ​ഫി​ന്‍റെ വി​ര​ലു​ക​ൾ​ക്ക് വ​ഴ​ങ്ങാ​ത്ത രൂ​പ​ങ്ങ​ളി​ല്ല. കേ​ര​ള ക​ലാ​മ​ണ്ഡ​ല​ത്തി​ലാ​ണ് ആ​ദ്യ​ത്തെ ചു​ടു​മ​ൺ ശി​ൽ​പം ചെ​യ്യു​ന്ന​ത്.

യു.​എ.​ഇ പ്ര​സി​ഡ​ന്‍റ്‌, പോ​പ്പ് സി​ങ​ർ കി​ങ് കി​നോ, ശ്രീ. ​ശ്രീ. ര​വി ശ​ങ്ക​ർ, അ​ല്ലു അ​ർ​ജു​ൻ, മ​മ്മൂ​ട്ടി, മോ​ഹ​ൻ​ലാ​ൽ തു​ട​ങ്ങി​യ​വ​രു​ടെ പോ​ർ​ട്രൈ​റ്റ് ക​ളി​മ​ണ്ണി​ൽ തീ​ർ​ത്ത് ലോ​ക ശ്ര​ദ്ധ നേ​ടി. ന​ബാ​ർ​ഡ് നാ​ഷ​ന​ൽ അ​വാ​ർ​ഡ്, റോ​ട്ട​റി ഇ​ന്റ​ർ​നാ​ഷ​ന​ൽ എ​ക്സ​ലെ​ൻ​സ് തു​ട​ങ്ങി​യ പു​ര​സ്‌​കാ​ര​ങ്ങ​ളും നേ​ടി​യി​ട്ടു​ണ്ട്.