കാ​ട്ടു​പ​ന്നി​ക​ളെ കൊ​ല്ലാ​ൻ ന​ട​പ​ടി ക​ടു​പ്പി​ച്ച് നിലമ്പൂർ ന​ഗ​ര​സ​ഭ

നി​ല​മ്പൂ​ർ: ശ​ല്യ​കാ​രാ​യ കാ​ട്ടു​പ​ന്നി​ക​ളെ വെ​ടി​വെ​ച്ച് കൊ​ല്ലാ​ൻ ന​ട​പ​ടി​യു​മാ​യി നി​ല​മ്പൂ​ർ ന​ഗ​ര​സ​ഭ. ശ​നി​യാ​ഴ്ച ചേർന്ന ന​ഗ​ര​സ​ഭ കൗ​ൺ​സി​ൽ യോ​ഗ​ത്തി​ലാ​ണ് ന​ട​പ​ടി ക​ടു​പ്പി​ക്കാ​ൻ ഭ​ര​ണ​സ​മ​തി തീ​രു​മാ​നം. വൈ​സ് ചെ​യ​ർ​പേ​ഴ്സ​ൻ അ​രു​മ ജ​യ​കൃ​ഷ്ണ​നാ​ണ് ബോ​ർ​ഡ് യോ​ഗ​ത്തി​നു​ശേ​ഷം തീ​രു​മാ​നം അ​റി​യി​ച്ച​ത്. ആ​ഗ​സ്റ്റ് അ​ഞ്ചി​ന് മു​മ്പാ​യി ന​ഗ​ര​സ​ഭ പ​രി​ധി​യി​ൽ ക​ർ​ഷ​ക​ർ​ക്ക് ശ​ല്യ​ക്കാ​രാ​യി മാ​റി​യ മു​ഴു​വ​ൻ കാ​ട്ടു​പ​ന്നി​ക​ളെ​യും വെ​ടി​വെ​ച്ച് കൊ​ല്ലും.

ഇ​തി​നാ​യി തോ​ക്ക് ലൈ​സ​ൻ​സു​ള്ള അം​ഗീ​കൃ​ത ഷൂ​ട്ട​ർ​മാ​രെ നി​യ​മി​ച്ചു. ഷൂ​ട്ട​ർ​മാ​ർ​ക്ക് വെ​ടി​വെ​ച്ച് കൊ​ല്ലു​ന്ന ഓ​രോ കാ​ട്ടു​പ​ന്നി​ക്ക് 1500 രൂ​പ​യും ജ​ഡം കു​ഴി​ച്ചി​ടു​ന്ന​തി​ന് 2000 രൂ​പ​യും അ​നു​വ​ദി​ക്കും. കാ​ട്ടു​പ​ന്നി ശ​ല്യം അ​തി​രൂ​ക്ഷ​മാ​യ സാ​ഹ​ച​ര്യ​ത്തി​ലാ​ണ് ന​ട​പ​ടി. ത​ദ്ദേ​ശ സ്വ​യം ഭ​ര​ണ സ്ഥാ​പ​ന​ങ്ങ​ൾ​ക്ക് ശ​ല്യ​ക്കാ​രാ​യ കാ​ട്ടു​പ​ന്നി​ക​ളെ വെ​ടി​വെ​ച്ച് കൊ​ല്ലാ​ൻ സ​ർ​ക്കാ​ർ ന​ൽ​കി​യ അ​നു​മ​തി പ​ര​മാ​വ​ധി പ്ര​യോ​ജ​ന​പ്പെ​ടു​ത്തി​യാ​യി​രി​ക്കും ന​ട​പ​ടി. ഡി​വി​ഷ​ൻ കൗ​ൺ​സി​ല​ർ​മാ​ർ, ക​ർ​ഷ​ക​ർ എ​ന്നി​വ​ർ​ക്ക് കാ​ട്ടു​പ​ന്നി ശ​ല‍്യ​ത്തെ​കു​റി​ച്ച് ന​ഗ​ര​സ​ഭ​യെ അ​റി​യി​ക്കാം.

തെ​രു​വ് നായ്ക്കളുടെ എ​ണ്ണം വ​ർ​ധി​ച്ച സാ​ഹ​ച​ര്യ​ത്തി​ൽ അ​വ​ശ​രാ​യ നാ​യ്ക്ക​ളെ ദ​യാ​വ​ധ​ത്തി​ന് ഇ​ര​യാ​ക്കു​ന്ന പദ്ധതി ന​ട​പ്പാ​ക്കു​മെ​ന്ന് വൈ​സ് ചെ​യ​ർ​പേ​ഴ്സ​ൻ അ​രു​മ ജ​യ​കൃ​ഷ്ണ​ൻ പ​റ​ഞ്ഞു. തെ​രു​വ് നാ​യ​്ക്ക​ൾ കൂ​ട്ടം​കൂ​ടി നി​ൽ​ക്കു​ന്ന 29 ഇ​ട​ങ്ങ​ൾ ക​ണ്ടെ​ത്തി​യി​ട്ടു​ണ്ട്.

വെ​റ്റ​റി​ന​റി സ​ർ​ജ​ൻ ഉ​ൾ​പ്പെ​ട്ട സം​ഘം പ​രി​ശോ​ധി​ച്ച് അ​വ​ശ​രാ​യി ക​ണ്ടെ​ത്തു​ന്ന നാ​യ്ക്ക​ളെ ദ​യാ​വ​ധ​ത്തി​ന് ഇ​ര​യാ​ക്കും. വാ​ർ​ത്ത സ​മ്മേ​ള​ന​ത്തി​ൽ ന​ഗ​ര​സ​ഭ സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​ൻ​മാ​രാ​യ പി.​എം. ബ​ഷീ​ർ, ക​ക്കാ​ട​ൻ റ​ഹീം, സ്ക്ക​റി​യ ക്നാ​തോ​പ്പി​ൽ എ​ന്നി​വ​രും പ​ങ്കെ​ടു​ത്തു.