പെ​രി​ന്ത​ൽ​മ​ണ്ണ: അ​ങ്ങാ​ടി​പ്പു​റം മേ​ൽ​പാ​ല​ത്തി​ലും ടൗ​ണി​ലും തു​ട​രു​ന്ന രൂ​ക്ഷ​മാ​യ ഗ​താ​ഗ​ത​ക്കു​രു​ക്കും റോ​ഡ് ത​ക​ർ​ച്ച​യും ചൂ​ണ്ടി​ക്കാ​ട്ടി ഇ​തു​വ​ഴി​യു​ള്ള സ്വ​കാ​ര്യ ബ​സു​ക​ൾ 26 മു​ത​ൽ പ​ണി മു​ട​ക്കും. സ്വ​കാ​ര്യ ബ​സ് തൊ​ഴി​ലാ​ളി​ക​ൾ അ​നി​ശ്ചി​ത​കാ​ല സ​മ​രം ന​ട​ത്താ​നാ​ണ് തീ​രു​മാ​നം. ദേ​ശീ​യ​പാ​ത​യി​ൽ അ​ങ്ങാ​ടി​പ്പു​റ​ത്തെ ഗ​താ​ഗ​ത​ക്കു​രു​ക്കി​ന് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ട്ട് വി​വി​ധ സം​ഘ​ട​ന​ക​ളും ബ​സ് തൊ​ഴി​ലാ​ളി​ക​ളും അ​ധി​കാ​രി​ക​ൾ​ക്ക് പ​ല​ത​വ​ണ പ​രാ​തി ന​ൽ​കി​യെ​ങ്കി​ലും ഒ​രു​വി​ധ പ​രി​ഹാ​ര​വും ഉ​ണ്ടാ​യി​ട്ടി​ല്ല.

പെ​രി​ന്ത​ൽ​മ​ണ്ണ​യി​ൽ​നി​ന്ന് പു​റ​പ്പെ​ടു​ന്ന മ​ഞ്ചേ​രി, മ​ല​പ്പു​റം, കോ​ട്ട​ക്ക​ൽ, വ​ളാ​ഞ്ചേ​രി, വ​ല​മ്പൂ​ർ, കൂ​ട്ടി​ൽ എ​ന്നി​വി​ട​ങ്ങ​ളി​ലേ​ക്കു​ള്ള ബ​സു​ക​ളാ​ണ് സ​ർ​വി​സ് നി​ർ​ത്തു​ന്ന​ത്. ഉ​ൾ​പ്ര​ദേ​ശ​ങ്ങ​ളി​ലേ​ക്കു​ള്ള മു​ഴു​വ​ൻ സ്വ​കാ​ര്യ ബ​സു​ക​ളും സ​ർ​വി​സ് നി​ർ​ത്തി​വെ​ക്കും. മേ​ൽ​പാ​ല​ത്തി​ലെ നി​ല​വി​ലെ കു​രു​ക്കും പാ​ല​ത്തി​ന് മു​ന്നി​ൽ രൂ​പ​പ്പെ​ട്ട വ​ലി​യ കു​ഴി​ക​ളും കാ​ര​ണം ഗ​താ​ഗ​ത​ക്കു​രു​ക്ക്‌ രൂ​ക്ഷ​മാ​ണ്. സ​ർ​വി​സ് സ​മ​യ​ക്ര​മം പാ​ലി​ച്ച് ഓ​ടാ​ൻ ക​ഴി​യു​ന്നി​ല്ല. നി​ല​വി​ൽ കി​ട്ടി​ക്കൊ​ണ്ടി​രി​ക്കു​ന്ന വേ​ത​ന​ത്തി​ൽ വ​ലി​യ തോ​തി​ലു​ള്ള കു​റ​വും വ​ലി​യ മാ​ന​സി​ക സം​ഘ​ർ​ഷ​വും നേ​രി​ടു​ന്നു.

ആ​ശു​പ​ത്രി ന​ഗ​രം എ​ന്ന​റി​യ​പ്പെ​ടു​ന്ന പെ​രി​ന്ത​ൽ​മ​ണ്ണ​യി​ലേ​ക്ക് രോ​ഗി​ക​മാ​യി വ​രു​ന്ന ആം​ബു​ല​ൻ​സു​ക​ൾ​ക്കും ഇ​ത് വ​ഴി ക​ട​ന്നു​പോ​കു​ന്ന ആ​യി​ര​ക​ണ​ക്കി​ന് യാ​ത്ര​ക്കാ​ർ​ക്കും നി​ത്യ​ദു​രി​ത​ത്തി​ന് പ​രി​ഹാ​രം കാ​ണേ​ണ്ട ബ​ന്ധ​പ്പെ​ട്ട അ​ധി​കാ​രി​ക​ൾ ഗു​രു​ത​ര​മാ​യ അ​ലം​ഭാ​വ​മാ​ണ് കാ​ണി​ക്കു​ന്ന​ത്. ഇ​തി​ൽ പ്ര​തി​ഷേ​ധി​ച്ചാ​ണ് അ​നി​ശ്ചി​ത​കാ​ല സ​മ​ര​വു​മാ​യി മു​ന്നോ​ട് പോ​വാ​ൻ നി​ർ​ബ​ന്ധി​ത​രാ​യ​തെ​ന്ന് ബ​സ് തൊ​ഴി​ലാ​ളി പ്ര​തി​നി​ധി​ക​ൾ അ​റി​യി​ച്ചു.

ക​ട്ട​പ​തി​ക്ക​ൽ മ​ഴ​ക്ക് മു​മ്പ് ചെ​യ്തി​ല്ല

അ​ങ്ങാ​ടി​പ്പു​റം: മേ​ല്‍പാ​ലം അ​വ​സാ​നി​ക്കു​ന്നി​ട​ത്ത് തു​ട​ര്‍ച്ച​യാ​യു​ണ്ടാ​കു​ന്ന കു​ഴി​ക​ൾ കാ​ര​ണം വ​ലി​യ ഗ​താ​ഗ​ത​ക്കു​രു​ക്ക് ത​ട​യാ​ൻ ക​ട്ട പ​തി​ക്ക​ൽ പ​ദ്ധ​തി ആ​വി​ഷ്ക​രി​ച്ചെ​ങ്കി​ലും മ​ഴ​ക്ക് മു​മ്പ് ന​ട​പ്പാ​ക്കി​യി​ല്ല. ഈ ​ഭാ​ഗ​ത്ത് ക​ട്ട പ​തി​ക്കു​ന്ന​തി​ന് ഫ​ണ്ട് അ​നു​വ​ദി​ച്ചി​ട്ടു​ണ്ട്. പ​ദ്ധ​തി​ക്ക് അ​ഞ്ചു​മാ​സം മു​മ്പ് ഭ​ര​ണാ​നു​മ​തി​യും സാ​ങ്കേ​തി​കാ​നു​മ​തി​യും ല​ഭ്യ​മാ​ക്കി​യ​താ​ണ്.

മാ​ർ​ച്ച് 14ന് ​ടെ​ൻ​ഡ​ർ ന​ട​പ​ടി പൂ​ർ​ത്തി​യാ​ക്കി പ്ര​വൃ​ത്തി ആ​രം​ഭി​ക്കു​ന്ന​തി​നു​ള്ള ശ്ര​മ​ങ്ങ​ൾ ആ​രം​ഭി​ച്ച​താ​ണ്. വേ​ണ്ട സാ​വ​കാ​ശം ല​ഭി​ച്ചി​ട്ടും പ്ര​വൃ​ത്തി തു​ട​ങ്ങി​യി​ല്ല. എ​ന്നാ​ൽ, പി​ന്നീ​ട് പ​ദ്ധ​തി ന​ട​പ്പാ​ക്കു​ന്ന​ത് നീ​ണ്ടു​പോ​യി. ഇ​തു​സം​ബ​ന്ധി​ച്ച് പൊ​തു​മ​രാ​മ​ത്ത് ദേ​ശീ​യ​പാ​ത വി​ഭാ​ഗം ഉ​ദ്യോ​ഗ​സ്ഥ​ർ, ത​ഹ​സി​ൽ​ദാ​ർ, അ​ങ്ങാ​ടി​പ്പു​റം ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്റ്, പൊ​ലീ​സ് ഉ​ദ്യോ​ഗ​സ്ഥ​ർ എ​ന്നി​വ​രു​ടെ യോ​ഗം ജൂ​ൺ മൂ​ന്നി​ന് മ​ഞ്ഞ​ളാം​കു​ഴി അ​ലി എം.​എ​ൽ.​എ​യു​ടെ സാ​ന്നി​ധ്യ​ത്തി​ൽ ചേ​ർ​ന്നി​രു​ന്നു. കു​റ​ഞ്ഞ ദൂ​രം മാ​ത്ര​മാ​ണ് ക​ട്ട പ​തി​ക്കാ​ൻ. കു​ഴി​ക​ളി​ൽ വെ​ള്ളം നി​ന്ന് ഗ​താ​ഗ​തം ത​ക​രാ​റി​ലാ​യി.

റോ​ഡ് ത​ക​ർ​ച്ച​യും ഗ​താ​ഗ​ത​ക്കു​രു​ക്കും ജ​ന​ങ്ങ​ൾ നി​ത്യേ​ന ഉ​യ​ർ​ത്തു​ന്നു​ണ്ട്. ജി​ല്ല ക​ലക്ട​റു​ടെ അ​നു​മ​തി​യോ​ടെ വാ​ഹ​ന ഗ​താ​ഗ​ത​ത്തി​ന് നി​യ​ന്ത്ര​ണം ഏ​ർ​പ്പെ​ടു​ത്തി പ്ര​വൃ​ത്തി ന​ട​ത്താ​നാ​ണ് തീ​രു​മാ​നം. 25ന് ​ക​ല​ക്ട​റു​ടെ സാ​ന്നി​ധ്യ​ത്തി​ൽ യോ​ഗം ചേ​രാ​നും തീ​രു​മാ​നി​ച്ച​താ​ണ്. റോ​ഡി​ൽ ഗ​താ​ഗ​ത ക്ര​മീ​ക​ര​ണം ഏ​ർ​പ്പെ​ടു​ത്തി ത​ക​ർ​ന്ന ഭാ​ഗ​ത്ത് ക​ട്ട പ​തി​ക്കാ​ൻ ഉ​ട​ൻ ന​ട​പ​ടി​യു​ണ്ടാ​വു​മെ​ന്ന് റോ​ഡ് ത​ക​ർ​ച്ച സം​ബ​ന്ധി​ച്ച് പ​രാ​തി ഉ​ന്ന​യി​ച്ച നാ​ട്ടു​കാ​രോ​ട് ദേ​ശീ​യ പാ​ത വി​ഭാ​ഗം അ​റി​യി​ച്ചി​രു​ന്നു.