തീ​രാ​തെ അ​ങ്ങാ​ടി​പ്പു​റ​ത്തെ ഗ​താ​ഗ​ത​കു​രു​ക്ക്

പെ​രി​ന്ത​ൽ​മ​ണ്ണ: കോ​ഴി​ക്കോ​ട്-​പാ​ല​ക്കാ​ട് ദേ​ശീ​യ​പാ​ത ക​ട​ന്നു​പോ​കു​ന്ന പെ​രി​ന്ത​ൽ​മ​ണ്ണ, അ​ങ്ങാ​ടി​പ്പു​റം ടൗ​ണു​ക​ളി​ൽ തു​ട​രു​ന്ന ഗ​താ​ഗ​ത​ക്കു​രു​ക്കി​ൽ വീ​ർ​പ്പു​മു​ട്ടി ജ​നം. ജ​ന​ജീ​വി​ത​ത്തെ ഇ​ത്ര​യേ​റെ ബാ​ധി​ച്ചി​ട്ടും പ​രി​ഹാ​ര​മാ​ർ​ഗ​ങ്ങ​ൾ​ക്ക് ശ്ര​മം ന​ട​ക്കു​ന്നി​ല്ല. നി​ല​മ്പൂ​ർ-​ഷൊ​ർ​ണൂ​ർ റെ​യി​ൽ​വേ പാ​ത​യി​ൽ അ​ങ്ങാ​ടി​പ്പു​റം ടൗ​ണി​ൽ പ്ര​തി​ദി​നം 16 ത​വ​ണ ​ഗേ​റ്റ് അ​ട​വാ​യി​രു​ന്നു ആ​ദ്യം തീ​രാ​ദു​രി​ത​മെ​ങ്കി​ൽ അ​ത് പ​രി​ഹ​രി​ക്കാ​ൻ 2014ൽ ​നി​ർ​മി​ച്ച മേ​ൽ​പാ​ല​മാ​ണ് ഇ​പ്പോ​ഴ​ത്തെ ദു​രി​തം.

വീ​തി​കു​റ​ഞ്ഞ പാ​ല​ത്തി​ൽ ദേ​ശീ​യ​പാ​ത​യി​ൽ ര​ണ്ടു ഭാ​ഗ​ത്തു​നി​ന്നും നി​ര​യാ​യി എ​ത്തു​ന്ന വാ​ഹ​ന​ങ്ങ​ൾ മ​റു​ക​ര പ​റ്റാ​ൻ കാ​ത്തു​കെ​ട്ടി കി​ട​ക്കേ​ണ്ടി​വ​രു​ന്ന​തും തി​ര​ക്കും ഗ​താ​ഗ​ത​ക്കു​രു​ക്ക് വ​ർ​ധി​പ്പി​ക്കു​ക​യാ​ണ്. ദേ​ശീ​യ​പാ​ത​യി​ൽ വാ​ഹ​ന​ഗ​താ​ഗ​ത​ത്തി​ന് ആ​നു​പാ​തി​ക​മാ​യി പാ​ല​ത്തി​ന് വീ​തി​യി​ല്ലെ​ന്ന​താ​ണ് വ​ലി​യ പ​രാ​തി. കു​രു​ക്ക് മ​റി​ക​ട​ക്കാ​ൻ 2010ൽ ​സ​ർ​ക്കാ​ർ അം​ഗീ​കാ​രം ന​ൽ​കി​യ ഓ​രാ​ടം​പാ​ലം മു​ത​ൽ മാ​ന​ത്തു​മം​ഗ​ലം വ​രെ​യു​ള്ള ബൈ​പാ​സും 15 വ​ർ​ഷ​മാ​യി ക​ട​ലാ​സി​ലാ​ണ്.

യാ​ഥാ​ർ​ഥ്യ​മാ​വു​മോ ഓ​രാടം​പാ​ലം-​മാ​ന​ത്തു​മം​ഗ​ലം ബൈ​പാ​സ്?

അ​ങ്ങാ​ടി​പ്പു​റം, പെ​രി​ന്ത​ൽ​മ​ണ്ണ ന​ഗ​ര​ങ്ങ​ളി​ൽ തു​ട​രു​ന്ന രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ന് പ​രി​ഹാ​ര​മാ​യാ​ണ് ദേ​ശീ​യ​പാ​ത​യി​ൽ അ​ങ്ങാ​ടി​പ്പു​റം ഓ​രാ​ടം​പാ​ല​ത്തി​നു സ​മീ​പം തു​ട​ങ്ങി വ​ല​മ്പൂ​ർ വ​ഴി മാ​ന​ത്തു​മം​ഗ​ല​ത്ത് എ​ത്തു​ന്ന ബൈ​പാ​സ് ആ​ലോ​ചി​ക്കു​ന്ന​ത്. 4.4 കി.​മീ ദൂ​രം പു​തി​യ റോ​ഡ് നി​ർ​മി​ക്ക​ണം. റെ​യി​ൽ​വേ​യു​ടെ എ​ഴു​ക​ണ്ണി​പ്പാ​ല​ത്തി​ന് സ​മീ​പം പാ​ത മു​റി​ച്ചു ക​ട​ക്ക​ണം. ഹെ​ക്ട​ർ ക​ണ​ക്കി​ന് കൃ​ഷി​യി​ടം നി​ക​ത്തി​യും വേ​ണം റോ​ഡ് നി​ർ​മി​ക്കാ​ൻ. ന്യാ​യ​വി​ല​ക്ക് ഭൂ​മി ല​ഭി​ക്കും.

പ​ക്ഷേ, സ​ർ​ക്കാ​റി​ന് ഫ​ണ്ടി​ല്ല. 250 കോ​ടി രൂ​പ​യെ​ങ്കി​ലും മ​തി​പ്പു ചെ​ല​വു ക​ണ​ക്കാ​ക്കു​ന്ന പ​ദ്ധ​തി​യെ പ​റ്റി 15 വ​ർ​ഷ​ത്തി​നി​ട​യി​ൽ ജ​ന​പ്ര​തി​നി​ധി​ക​ളോ സ​ർ​ക്കാ​റോ പ​റ​യു​ക തെ​ര​ഞ്ഞെ​ടു​പ്പ് പ്ര​ചാ​ര​ണ വേ​ള​യി​ൽ മാ​ത്രം. പെ​രി​ന്ത​ൽ​മ​ണ്ണ, അ​ങ്ങാ​ടി​പ്പു​റം, വ​ല​മ്പൂ​ർ വി​ല്ലേ​ജു​ക​ളി​ലാ​യി 36 ഹെ​ക്ട​ർ സ്വ​കാ​ര്യ ഭൂ​മി ഏ​റ്റെ​ടു​ക്ക​ണം. 56 സ​ർ​വേ ന​മ്പ​രു​ക​ളി​ലാ​യി കി​ട​ക്കു​ന്ന ഭൂ​മി​യു​ടെ പ്രാ​ഥ​മി​ക പ​രി​ശോ​ധ​ന വ​രെ റ​വ​ന്യൂ ഉ​ദ്യോ​ഗ​സ്ഥ​രെ വെ​ച്ച് ന​ട​ത്തി.

കി​ഫ്ബി വ​ഴി പ​ദ്ധ​തി പൂ​ർ​ത്തി​യാ​ക്കാ​ൻ ആ​ലോ​ചി​ച്ച​തും ന​ട​ന്നി​ല്ല. കി​ഫ്ബി ഉ​ദ്യോ​ഗ​സ്ഥ​ർ വ​ന്ന് പ​രി​ശോ​ധി​ച്ച് ബൈ​പാ​സി​ന്റെ സാ​ധ്യ​ത പ​ഠി​ച്ച് റി​പ്പോ​ർ​ട്ട് ന​ൽ​കി. ആ​ശു​പ​ത്രി ന​ഗ​ര​ത്തി​ൽ ദീ​ർ​ഘ​നേ​രം റോ​ഡ് നി​ശ്ച​ല​മാ​വു​ന്ന​തി​ലെ ബു​ദ്ധി​മു​ട്ടി​ന് പ​രി​ഹാ​ര​മാ​ണ് ബൈ​പാ​സ്. മു​ഖ്യ​മ​ന്ത്രി​യും മ​ന്ത്രി​മാ​രും പ​ങ്കെ​ടു​ത്ത ന​വ​കേ​ര​ള സ​ദ​സ്സി​ലും പ​ല​രും വി​ഷ​യം ഉ​ന്ന​യി​ച്ചു. യു.​ഡി.​എ​ഫ് ഭ​ര​ണ​കാ​ല​ത്താ​ണ് 2014ൽ ​അ​ങ്ങാ​ടി​പ്പു​റം മേ​ൽ​പ്പാ​ലം നി​ർ​മി​ച്ച​ത്. അ​തി​ന് മു​മ്പ് വി.​എ​സ് ഭ​ര​ണ​കാ​ല​ത്ത് പ​രി​ഗ​ണ​ന​യി​ലു​ള്ള​താ​ണ് ഓ​രാ​ടം​പാ​ലം-​മാ​ന​ത്തു​മം​ഗ​ലം ബൈ​പാ​സ്.

ഓ​രാടം​പാ​ലം-​വൈ​ലോ​ങ്ങ​ര ബൈ​പാ​സി​ന് ക​ല്ലി​ട്ടി​ട്ട് ര​ണ്ടു വ​ർ​ഷം

അ​ങ്ങാ​ടി​പ്പു​റം ടൗ​ണി​ലേ​ക്ക് വ​ളാ​ഞ്ചേ​രി, കോ​ട്ട​ക്ക​ൽ റോ​ഡ് ചേ​രു​മ്പോ​ഴു​ണ്ടാ​വു​ന്ന ഗ​താ​ഗ​ത​ക്കു​രു​ക്ക് വ​ലി​യ ത​ല​വേ​ദ​ന​യാ​ണ്. ഈ ​റോ​ഡ് അ​ങ്ങാ​ടി​പ്പു​റം ടൗ​ണി​ൽ ചേ​രാ​തെ ര​ണ്ടു കി.​മീ പി​ന്നി​ൽ ഓ​രാ​ടം​പാ​ല​ത്തി​ന് സ​മീ​പം ചേ​രു​ന്ന വി​ധ​ത്തി​ലാ​ണ് ഓ​രാ​ടം​പാ​ലം-​വൈ​ലോ​ങ്ങ​ര ബൈ​പാ​സ്. ഒ​രു കി​ലോ​മീ​റ്റ​റി​ൽ താ​ഴെ​യേ ബൈ​പാ​സി​ന് നീ​ള​മു​ള്ളൂ.

റോ​ഡ് വ​ന്നാ​ൽ വ​ളാ​ഞ്ചേ​രി, കോ​ട്ട​ക്ക​ൽ ഭാ​ഗ​ങ്ങ​ളി​ൽ​നി​ന്ന് മ​ല​പ്പു​റം, കോ​ഴി​ക്കോ​ട്, മ​ഞ്ചേ​രി ഭാ​ഗ​ങ്ങ​ളി​ലേ​ക്ക് പോ​വു​ന്ന വാ​ഹ​ന​ങ്ങ​ൾ അ​ങ്ങാ​ടി​പ്പു​റം ടൗ​ണി​ൽ പ്ര​വേ​ശി​ക്കേ​ണ്ട​തി​ല്ല. മാ​ത്ര​മ​ല്ല, വ​ളാ​ഞ്ചേ​രി, കോ​ട്ട​ക്ക​ൽ ഭാ​ഗ​ങ്ങ​ളി​ൽ​നി​ന്ന് വ​രു​ന്ന പെ​രി​ന്ത​ൽ​മ​ണ്ണ, പാ​ല​ക്കാ​ട് ഭാ​ഗ​ത്തേ​ക്കു​ള്ള വാ​ഹ​ന​ങ്ങ​ൾ തി​ര​ക്കു​ള്ള ടൗ​ണി​ൽ ദേ​ശീ​യ​പാ​ത മു​റി​ച്ചു ക​ട​ക്കേ​ണ്ടി​യും വ​രി​ല്ല.

ഓ​രാ​ടം​പാ​ലം-​വൈ​ലോ​ങ്ങ​ര ബൈ​പാ​സി​ന് പു​തു​ക്കി​യ അ​ലൈ​ന്‍മെ​ന്റി​ന്റെ അ​ടി​സ്ഥാ​ന​ത്തി​ൽ സ​ർ​വേ ന​ട​പ​ടി​യും ക​ല്ലി​ട​ലും ന​ട​ത്തി​യി​ട്ട് ര​ണ്ടു വ​ർ​ഷ​മാ​യി. പു​തി​യ അ​ലൈ​ൻ​മെ​ന്റ് 2023 മേ​യ് 24നാ​ണ് അം​ഗീ​ക​രി​ച്ച​ത്. ഏ​താ​നും ദി​വ​സം ക​ഴി​ഞ്ഞ് 2023 ജൂ​ൺ 17ന് ​റോ​ഡി​ന് ക​ല്ലി​ട​ലും ക​ഴി​ഞ്ഞു. 2016ല്‍ 12.62 ​കോ​ടി രൂ​പ കി​ഫ്ബി​യി​ല്‍നി​ന്ന് അ​നു​വ​ദി​ച്ച് ഉ​ത്ത​ര​വാ​യ​താ​ണ്.

പി​ന്നീ​ട് 16.09 കോ​ടി​യാ​ക്കി ഉ​യ​ർ​ത്തി. നി​ർ​മാ​ണ ചു​മ​ത​ല റോ​ഡ്സ് ആ​ൻ​ഡ് ബ്രി​ഡ്ജ​സ് ഡ​വ​ലപ്മെ​ന്റ് കോ​ർ​പ​റേ​ഷ​നെ ഏ​ൽ​പ്പി​ച്ചു. ഭൂ​മി ഏ​റ്റെ​ടു​ത്ത് നി​ർ​മാ​ണം തു​ട​ങ്ങാ​ൻ അ​നാ​വ​ശ്യ കാ​ല​താ​മ​സ​ത്തി​ലാ​ണ് ഇ​പ്പോ​ഴും പ​ദ്ധ​തി. റോ‍ഡി​ന്റെ വീ​തി നേ​ര​ത്തെ നി​ശ്ച​യി​ച്ചി​രു​ന്ന 12 മീ​റ്റ​റി​ല്‍ നി​ന്നും 13.60 മീ​റ്റ​റാ​യി വ​ർ​ധി​ച്ചു.

ഇ​ത് ഗ​താ​ഗ​ത​ക്കു​രു​ക്കി​ന് വ​ലി​യ പ​രി​ഹാ​ര​മാ​കും. ഫ​ണ്ടി​ങ് അ​നു​മ​തി ല​ഭി​ച്ച സാ​ഹ​ച​ര്യ​ത്തി​ല്‍ പു​തു​ക്കി​യ അ​ലൈ​ൻ​മെ​ന്റ് പ്ര​കാ​ര​മാ​ണ് സ​ർ​വേ ന​ട​പ​ടി​യും ക​ല്ലി​ട​ലും ന​ട​ന്ന​ത്‌. ഭൂ​മി ഏ​റ്റെ​ടു​ക്ക​ൽ അ​ട​ക്കം ന​ട​പ​ടി​ക​ൾ വേ​ഗ​ത്തി​ലാ​ക്കി എ​ത്ര​യും വേ​ഗം പ​ദ്ധ​തി ന​ട​പ്പാ​ക്കു​മെ​ന്നാ​യി​രു​ന്നു ഉ​ദ്യോ​ഗ​സ്ഥ​രു​ടെ​യും ജ​ന​പ്ര​തി​നി​ധി​ക​ളു​ടെ​യും ഉ​റ​പ്പ്.