പേ​പ്പ​റു​ക​ളി​ൽനി​ന്ന് ഇ​നി ചെ​ടി​ക​ൾ മു​ള​പൊ​ട്ടും; ക​ണ്ടെ​ത്ത​ലു​മാ​യി പൊ​ന്നാ​നി എം.​ഇ.​എ​സ് കോ​ള​ജ് വി​ദ്യാ​ർ​ഥി​ക​ൾ

പൊ​ന്നാ​നി: ‘കു​ള വാ​ഴ ഏ​റി​യാ​ൽ കു​ളം ന​ശി​ച്ചു’ എ​ന്ന​ത് നാ​ട്ടി​ൻ പു​റ​ങ്ങ​ളി​ലെ ഒ​രു പ്ര​യോ​ഗ​മാ​ണ്. എ​ന്നാ​ൽ ഈ ​കു​ള​വാ​ഴ ഉ​പ​യോ​ഗി​ച്ച് പേ​പ്പ​ർ നി​ർ​മി​ക്കാ​മെ​ന്നും അ​ത്ത​രം പേ​പ്പ​റു​ക​ളി​ൽ നി​ന്ന് ചെ​റി​യ ചെ​ടി​ക​ൾ മു​ള​പ്പി​ച്ചെ​ടു​ക്കാ​മെ​ന്നും ക​ണ്ടെ​ത്തി​യി​രി​ക്കു​ക​യാ​ണ് എം.​ഇ.​എ​സ് പൊ​ന്നാ​നി കോ​ള​ജി​ലെ ഒ​രു കൂ​ട്ടം വി​ദ്യാ​ർ​ഥി​ക​ൾ.

അ​ധി​നി​വേ​ശ സ​സ്യ​മാ​യ കു​ള വാ​ഴ ന​മ്മു​ടെ ത​ണ്ണീ​ർ ത​ട​ങ്ങ​ളി​ൽ തി​ങ്ങി വ​ള​രു​ന്ന​ത് ഓ​ക്സി​ജ​ൻ ല​ഭ്യ​ത കു​റ​യാ​നും ജ​ല ജീ​വി​ക​ൾ ന​ശി​ക്കാ​നും കാ​ര​ണ​മാ​കാ​റു​ണ്ട്. കു​ള​വാ​ഴ ഉ​പ​യോ​ഗി​ച്ച് പ്ര​കൃ​തി സൗ​ഹൃ​ദ ഉ​ൽ​പ്പ​ന്ന​ങ്ങ​ൾ നി​ർ​മി​ക്കു​ക​യെ​ന്ന​താ​ണ് ഇ​വ​യു​ടെ ശ​ല്യം നി​യ​ന്ത്രി​ക്കാ​നു​ള്ള മി​ക​ച്ച പോം​വ​ഴി. സാ​ധാ​ര​ണ പേ​പ്പ​ർ നി​ർ​മാ​ണ രീ​തി വ​ന ന​ശീ​ക​ര​ണ​ത്തി​ന് കാ​ര​ണ​മാ​കു​ന്ന​തി​നാ​ൽ കു​ള​വാ​ഴ പോ​ലു​ള്ള ക​ള സ​സ്യ​ങ്ങ​ൾ ഇ​തി​നാ​യി ഉ​പ​യോ​ഗി​ക്കു​ന്ന​ത് പ​രി​സ്ഥി​തി​ക്ക് ഗു​ണ​ക​ര​വു​മാ​ണ്.

സെ​ല്ലു​ലോ​സ് കൂ​ടു​ത​ൽ അ​ട​ങ്ങി​യ കു​ള വാ​ഴ​യു​ടെ ത​ണ്ടി​ൽ നി​ന്നും ഉ​ണ്ടാ​ക്കി​യെ​ടു​ത്ത പ​ൾ​പ്പി​ൽ നി​ന്നാ​ണ് വി​ദ്യാ​ർ​ഥി​ക​ൾ പേ​പ്പ​ർ നി​ർ​മി​ച്ച​ത്. പേ​പ്പ​ർ നി​ർ​മാ​ണ സ​മ​യ​ത്ത് വി​ത്തു​ക​ൾ ഉ​ൾ​പ്പെ​ടു​ത്താ​നും അ​ത് വി​ജ​യ​ക​ര​മാ​യി മു​ള​പ്പി​ച്ചെ​ടു​ക്കാ​നും വി​ദ്യാ​ർ​ഥി​ക​ൾ​ക്ക് സാ​ധി​ച്ചു. ബോ​ട്ട​ണി വി​ഭാ​ഗം അ​ധ്യാ​പ​ക​ൻ ഡോ. ​മു​സ്ഫി​ർ മെ​ഹ​ബൂ​ബി​ന്റെ മേ​ൽ​നോ​ട്ട​ത്തി​ൽ അ​വ​സാ​ന വ​ർ​ഷ വി​ദ്യാ​ർ​ഥി​ക​ളാ​യ ജി​ഷ്ണു, അ​ന​ഘ, അ​ർ​ഷാ, ശ​ബാ​ന, റി​ഫ എ​ന്നി​വ​രാ​ണ് ഇ​ത്ത​രം ഒ​രു പേ​പ്പ​ർ വി​ക​സി​പ്പി​ച്ചെ​ടു​ത്ത​ത്. പ​ദ്ധ​തി വ്യാ​വ​സാ​യി​കാ​ടി​സ്ഥാ​ന​ത്തി​ൽ വി​ക​സി​പ്പി​ക്കാ​നാ​വു​മോ എ​ന്ന പ​രീ​ക്ഷ​ണ​ത്തി​ലാ​ണ് ബോ​ട്ട​ണി വി​ഭാ​ഗം.