പൊ​ന്നാ​നി ന​ഗ​ര​സ​ഭ ബ​ജ​റ്റ്; ടൂ​റി​സം വി​ക​സ​ന​ത്തിനും ല​ഹ​രി വി​മു​ക്ത ന​ഗ​ര​ത്തിനും മു​ഖ്യ​ പ​രി​ഗ​ണ​ന

പൊ​ന്നാ​നി: ടൂ​റി​സം മേ​ഖ​ല​യി​ൽ നൂ​ത​ന പ​ദ്ധ​തി​ക​ൾ​ക്കും ല​ഹ​രി വി​മു​ക്ത ന​ഗ​ര​ത്തി​നും സാ​ന്ത്വ​ന പ​രി​പാ​ല​ന​ത്തി​നും സ​മ​ഗ്ര വി​ക​സ​ന​ത്തി​നും ഊ​ന്ന​ൽ ന​ൽ​കി​യു​ള്ള പൊ​ന്നാ​നി ന​ഗ​ര​സ​ഭ​യു​ടെ 2025-26 വാ​ർ​ഷി​ക ബ​ജ​റ്റി​ന് ഭ​ര​ണ സ​മി​തി ഐ​ക​ക​ണ്ഠേ​ന അം​ഗീ​കാ​രം ന​ൽ​കി. ല​ഹ​രി വി​മു​ക്ത പൊ​ന്നാ​നി സാ​ധ്യ​മാ​ക്കാ​ൻ എ​ല്ലാ വി​ഭാ​ഗ​ത്തി​ലു​മു​ള്ള ആ​ബാ​ല​വൃ​ദ്ധം ജ​ന​ങ്ങ​ളു​ടെ​യും പ​ങ്കാ​ളി​ത്ത​ത്തോ​ടെ അ​തി​തീ​വ്ര ക​ർ​മ​പ​ദ്ധ​തി​ക്കാ​ണ് മു​ൻ​ഗ​ണ​ന ന​ൽ​കു​ന്ന​ത്.

വി​ദ്യാ​ല​യ​ങ്ങ​ൾ കേ​ന്ദ്രീ​ക​രി​ച്ച് ര​ണ്ടു മാ​സ​ത്തി​ലൊ​രി​ക്ക​ൽ മെ​ഡി​ക്ക​ൽ പ​രി​ശോ​ധ​ന​യും ര​ക്ത പ​രി​ശോ​ധ​ന​യും ഉ​റ​പ്പു വ​രു​ത്തു​ന്ന ക്യാ​മ്പു​ക​ൾ സം​ഘ​ടി​പ്പി​ക്കും. ഉ​പ​യോ​ഗി​ക്കു​ന്ന​വ​രെ ക​ണ്ടെ​ത്തു​ന്ന മു​റ​ക്ക് കൗ​ൺ​സി​ലി​ങ്, ചി​കി​ത്സ എ​ന്നി​വ​ക്കാ​യി ഡീ​അ​ഡി​ക്ഷ​ൻ കേ​ന്ദ്രം ആ​രം​ഭി​ക്കാ​ൻ 50 ല​ക്ഷം രൂ​പ ഫ​ണ്ട് വ​ക​യി​രു​ത്തി.

അ​നു​ദി​നം മാ​റു​ന്ന പൊ​ന്നാ​നി​യു​ടെ ടൂ​റി​സം വി​ക​സ​ന സാ​ധ്യ​ത​ക​ൾ വി​ക​സി​പ്പി​ക്കാ​നും പൊ​ന്നാ​നി​യെ ടൂ​റി​സം ഹ​ബ്ബാ​ക്കു​ന്ന​തി​നു​മു​ള്ള പ​ദ്ധ​തി ബ​ജ​റ്റി​ലു​ണ്ട്. പു​ളി​ക്ക​ക്ക​ട​വി​ൽ അ​ഡ്വ​ഞ്ച​ർ ടൂ​റി​സം, നി​ള​യോ​ര ടൂ​റി​സം ബ്രി​ഡ്ജി​ന് സ​മീ​പം വ​യോ​ജ​ന​ങ്ങ​ൾ​ക്കും കു​ട്ടി​ക​ൾ​ക്കു​മാ​യി ഹാ​പ്പി​ന​സ് പാ​ർ​ക്ക് എ​ന്നി​വ നി​ർ​മി​ക്കും. ന​ഗ​ര​സ​ഭ ക​ണ്ടെ​ത്തി​യ ഭൂ​ര​ഹി​ത​രാ​യ മു​ഴു​വ​ൻ അ​തി​ദ​രി​ദ്ര​ർ​ക്കും ഭൂ​മി വാ​ങ്ങി വീ​ടു​ക​ൾ നി​ർ​മി​ച്ചു ന​ൽ​കും.

ദേ​ശീ​യ​പാ​ത 66ന്റെ ​നി​ർ​മാ​ണ​ത്തെ തു​ട​ർ​ന്ന് ഒ​റ്റ​പ്പെ​ട്ട് ഗ​താ​ഗ​ത​ത്തി​ന് പ്ര​യാ​സം അ​നു​ഭ​വി​ക്കു​ന്ന പു​തു​പൊ​ന്നാ​നി, ഉ​റൂ​ബ് ന​ഗ​ർ, തെ​യ്യ​ങ്ങാ​ട്, ക​ണ്ടു​കു​റു​മ്പ​ക്കാ​വ് എ​ന്നി​വി​ട​ങ്ങ​ളി​ൽ ഫൂ​ട് ഓ​വ​ർ ബ്രി​ഡ്ജു​ക​ൾ നി​ർ​മി​ക്കാ​ൻ ഭൂ​മി ഏ​റ്റെ​ടു​ക്കും. പൊ​ന്നാ​നി ബ​സ് സ്റ്റാ​ൻ​ഡ് ന​വീ​ക​ര​ണ പ്ര​വൃ​ത്തി പൂ​ർ​ത്തീ​ക​രി​ക്കു​ന്ന​തോ​ടൊ​പ്പം ബ​സ് സ്റ്റാ​ൻ​ഡി​ൽ ഓ​ട്ടോ സ്റ്റാ​ൻ​ഡ് നി​ർ​മി​ക്കും.

വ​യോ​ജ​ന​ങ്ങ​ൾ​ക്കാ​യി മൊ​ബൈ​ൽ ലാ​ബ്, വി​നോ​ദ​യാ​ത്ര, വ​യോ ക്ല​ബു​ക​ൾ എ​ന്നി​വ പ്രാ​വ​ർ​ത്തി​ക​മാ​ക്കും. സാ​ന്ത്വ​ന പ​രി​ച​ര​ണ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി പാ​ലി​യേ​റ്റി​വ് ഗ്രി​ഡ് പ്രാ​വ​ർ​ത്തി​ക​മാ​ക്കും. ഓ​ല​പ്പു​ര​ക​ളു​ടെ മേ​ൽ​ക്കൂ​ര ന​വീ​ക​ര​ണം, ഭി​ന്ന​ശേ​ഷി​ക്കാ​ർ​ക്കു​ള്ള സ​ഹാ​യ ഉ​പ​ക​ര​ണ​ങ്ങ​ൾ ന​ൽ​ക​ൽ, പ്രി​വി​ലേ​ജ് കാ​ർ​ഡ് ന​ൽ​ക​ൽ, വി​നോ​ദ യാ​ത്ര, മ​ത്സ്യ തൊ​ഴി​ലാ​ളി​ക​ൾ​ക്ക് ഐ​സ് ബോ​ക്സ്, ക​ച്ച​വ​ട​ത്തി​ന് ടൂ​വീ​ല​ർ, ക​ന്നു​കാ​ലി ഇ​ൻ​ഷു​റ​ൻ​സ്, അ​ഗ്രി ക്ല​ബു​ക​ൾ, വ​നി​ത​ക​ൾ​ക്ക് സ്വ​യം​തൊ​ഴി​ൽ സം​രം​ഭ​ങ്ങ​ൾ, ചേ​രി-​പു​റ​മ്പോ​ക്ക് നി​വാ​സി​ക​ളു​ടെ പു​ന​ര​ധി​വാ​സ പ​ദ്ധ​തി, പ​ട്ടി​ക​ജാ​തി സ​ങ്കേ​ത​ങ്ങ​ളു​ടെ ഭൗ​തി​ക സാ​ഹ​ച​ര്യം മെ​ച്ച​പ്പെ​ടു​ത്ത​ൽ, ‘നാ​ട്ടു​പൊ​ലി​ക’ കാ​ർ​ഷി​ക-​അ​നു​ഷ്ഠാ​ന ക​ലാ​മേ​ള, സാം​സ്കാ​രി​കോ​ത്സ​വം, റോ​ഡു​ക​ൾ ഗ​താ​ഗ​ത യോ​ഗ്യ​മാ​ക്ക​ൽ, ശു​ചി​ത്വ ന​ഗ​രം, സു​ന്ദ​ര ന​ഗ​രം മാ​ലി​ന്യ​നി​ർ​മാ​ർ​ജ​ന പ​രി​പാ​ടി​ക​ൾ, ജ​ലാ​ശ​യ​ങ്ങ​ളു​ടെ ന​വീ​ക​ര​ണം, പ​രി​സ്ഥി​തി സം​ര​ക്ഷ​ണം തു​ട​ങ്ങി പ​ദ്ധ​തി​ക​ളാ​ണ് ഉ​ൾ​ക്കൊ​ള്ളി​ച്ചി​ട്ടു​ള്ള​ത്.

ന​ഗ​ര​സ​ഭ ചെ​യ​ർ​മാ​ൻ ശി​വ​ദാ​സ് ആ​റ്റു​പു​റ​ത്തി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന ബ​ജ​റ്റ് സ​മ്മേ​ള​ന​ത്തി​ൽ ന​ഗ​ര​സ​ഭ വൈ​സ് ചെ​യ​ർ​പേ​ഴ്സ​ൻ ബി​ന്ദു സി​ദ്ധാ​ർ​ഥ​ൻ ബ​ജ​റ്റ് അ​വ​ത​രി​പ്പി​ച്ചു. കൗ​ൺ​സി​ല​ർ​മാ​രാ​യ വി.​പി. സു​രേ​ഷ്, ഷ​ബ്ന ആ​സ്മി, റീ​ന പ്ര​കാ​ശ​ൻ, അ​ബ്ദു​ൽ റ​ഷീ​ദ്, ഷാ​ഫി, അ​നു​പ​മ മു​ര​ളീ​ധ​ര​ൻ, ഇ​ക്ബാ​ൽ, അ​യി​ഷ അ​ബ്ദു, സു​ധ അ​ശോ​ക​ൻ, ഫ​ർ​ഹാ​ൻ, അ​ബ്ദു​ൽ ല​ത്തീ​ഫ്, ഷ​ഹ്‌​ല നി​സാ​ർ, അ​ബ്ദു​ൽ സ​ലാം, സ്ഥി​രം സ​മി​തി ചെ​യ​ർ​മാ​ൻ​മാ​രാ​യ ടി. ​മു​ഹ​മ്മ​ദ് ബ​ഷീ​ർ, ഒ.​ഒ. ഷം​സു, അ​ജീ​ന ജ​ബ്ബാ​ർ, ര​ജീ​ഷ് ഊ​പ്പാ​ല, ഷീ​ന സു​ദേ​ശ​ൻ എ​ന്നി​വ​ർ ച​ർ​ച്ച​യി​ൽ പ​ങ്കെ​ടു​ത്തു.