കി​ളി​ക്കു​ന്നുകാ​വ് പാ​റ​ക്ക​ട​വി​ൽ മു​ങ്ങി​മ​ര​ണം തുടർക്കഥ; അ​ധി​കൃ​ത​ർ​ക്ക് നി​സ്സം​ഗ​ത

പു​ലാ​മ​ന്തോ​ൾ: ചെ​മ്മ​ല​ശ്ശേ​രി കി​ളി​ക്കു​ന്ന്കാ​വ് പാ​റ​ക്ക​ട​വി​ൽ മു​ങ്ങി​മ​ര​ണം തു​ട​ർ​ക്ക​ഥ​യാ​കു​മ്പോ​ഴും അ​ധി​കൃ​ത​ർ​ക്ക് നി​സ്സം​ഗ​ത. നി​ര​വ​ധി പേ​ർ കു​ളി​ക്കാ​നും അ​ല​ക്കാ​നും ഉ​പ​യോ​ഗി​ക്കു​ന്ന​തി​ന് പു​റ​മെ കി​ളി​ക്കു​ന്ന് കാ​വ് ക്ഷേ​ത്ര​ത്തി​ല ആ​റാ​ട്ട് ക​ട​വ് കൂ​ടി​യാ​ണി​ത്. വാ​വ് ദി​ന​ങ്ങ​ളി​ലും മ​റ്റ് ദി​വ​സ​ങ്ങ​ളി​ലും പി​തൃ​ത​ർ​പ്പ​ണ​ത്തി​നും മ​റ്റും ജി​ല്ല​ക്ക​ക​ത്തും പു​റ​ത്തു​നി​ന്നു​മാ​യി ധാ​രാ​ളം​പേ​ർ എ​ത്താ​റു​ണ്ട്.

അ​ഗാ​ധ​മാ​യ ക​യ​വും കു​ത്ത​നെ​യു​ള്ള വ​ഴു​ക്ക​ലോ​ടു​കൂ​ടി​യ പാ​റ​ക്കെ​ട്ടു​ക​ളും അ​പ​ക​ട സാ​ധ്യ​ത വ​ർ​ധി​പ്പി​ക്കു​ന്നു. കൊ​ടും​വേ​ന​ലി​ൽ പോ​ലും വ​റ്റാ​ത്ത ക​യ​വും ചു​ഴി​യു​മാ​ണി​വി​ടെ​യു​ള്ള​ത്. ക​ഴി​ഞ്ഞ ദി​വ​സം ക​യ​ത്തി​ൽ മു​ങ്ങി​യ ര​ണ്ട് കു​ട്ടി​ക​ളെ ര​ക്ഷി​ക്കാ​നി​റ​ങ്ങി​യ വി​ള​യൂ​ർ സ്വ​ദേ​ശി വെ​ള്ള​ത്തി​ൽ മു​ങ്ങി​മ​രി​ച്ചി​രു​ന്നു. കൂ​ടാ​തെ ക​ഴി​ഞ്ഞ സെ​പ്റ്റം​ബ​റി​ൽ ഇ​തേ ക​ട​വി​ൽ ഗൃ​ഹ​പ്ര​വേ​ശ​ത്തി​ൽ പ​ങ്കെ​ടു​ക്കാ​ൻ വ​ന്ന മൂ​ർ​ക്ക​നാ​ട് സ്വ​ദേ​ശി​യും മു​ങ്ങി​മ​രി​ച്ചു.

ക​ഴി​ഞ്ഞ വ​ർ​ഷം ക​ർ​ക്ക​ട​ക വാ​വു​ബ​ലി​ക്കെ​ത്തി​യ മ​ധ്യ​വ​യ​സ്ക​യെ അ​ഗ്നി​ശ​മ​ന​സേ​ന​യാ​ണ് ക​യ​ത്തി​ൽ നി​ന്ന് ര​ക്ഷ​പ്പെ​ടു​ത്തി​യ​ത്. ഇ​തി​നു മു​മ്പും ധാ​രാ​ളം അ​പ​ക​ട​ങ്ങ​ൾ ന​ട​ന്ന സ്ഥ​ല​ത്ത് സു​ര​ക്ഷ വേ​ലി​ക​ൾ സ്ഥാ​പി​ക്ക​ണ​മെ​ന്നും നി​ല​വി​ലു​ള്ള ക​ട​വ് വി​പു​ലീ​ക​രി​ച്ച് അ​വി​ടെ ഇ​റ​ങ്ങി കു​ളി​ക്കാ​നു​ള്ള സൗ​ക​ര്യം ഒ​രു​ക്ക​ണ​മെ​ന്നു​മു​ള്ള നാ​ട്ടു​കാ​രു​ടെ വ​ർ​ഷ​ങ്ങ​ളാ​യു​ള്ള ആ​വ​ശ്യ​ത്തോ​ട് അ​ധി​കൃ​ത​ർ മു​ഖം തി​രി​ക്കു​ന്ന​തി​ൽ പ്ര​ദേ​ശ​ത്ത് വ​ൻ പ്ര​തി​ഷേ​ധം ഉ​യ​ർ​ന്നി​ട്ടു​ണ്ട്.