രാ​ജ്യ​ര​ക്ഷ​ക്ക് ത​യാ​റു​ണ്ടോ? യുവാക്കളെ പ്ര​തി​രോ​ധ സേ​ന​ക​ളി​ലേ​ക്ക​ട​ക്കം നി​യ​മ​നം ല​ഭി​ക്കാ​ൻ പ്രാപ്തരാക്കാൻ പരിശീലനം നൽകി ജനമൈത്രി പൊലീസിൻറെ ഇൻസൈറ്റ്

താ​നൂ​ർ: പ്ര​തി​രോ​ധ സേ​ന​ക​ളി​ലേ​ക്ക​ട​ക്കം നി​യ​മ​നം ല​ഭി​ക്കാ​ൻ താ​നൂ​രി​ലെ​യും പ​രി​സ​ര പ്ര​ദേ​ശ​ങ്ങ​ളി​ലെ​യും യു​വാ​ക്ക​ളെ സ​ജ്ജ​രാ​ക്കു​ക​യെ​ന്ന ല​ക്ഷ്യ​ത്തോ​ടെ ജ​ന​മൈ​ത്രി പൊ​ലീ​സ് ആ​രം​ഭി​ച്ച ഇ​ൻ​സൈ​റ്റ് പ​രി​ശീ​ല​ന പ​ദ്ധ​തി ശ്ര​ദ്ധ നേ​ടു​ന്നു. 2023ൽ ​താ​നൂ​ർ ഡി​വൈ.​എ​സ്.​പി​യാ​യി​രു​ന്ന വി.​വി. ബെ​ന്നി​യാ​ണ് താ​നൂ​ർ ഫി​ഷ​റീ​സ് സ്കൂ​ൾ ഗ്രൗ​ണ്ട് കേ​ന്ദ്രീ​ക​രി​ച്ച് ഇ​ൻ​സൈ​റ്റ് പ​രി​ശീ​ല​ന പ​ദ്ധ​തി​യാ​രം​ഭി​ച്ച​ത്. താ​നൂ​ർ ഡി​വൈ.​എ​സ്.​പി പി. ​പ്ര​മോ​ദി​നാ​ണ് പ​ദ്ധ​തി ചു​മ​ത​ല. ശാ​രീ​രി​ക​ക്ഷ​മ​ത നേ​ടാ​നു​ള്ള കാ​യി​ക പ​രി​ശീ​ല​ന​വും മ​ത്സ​ര പ​രീ​ക്ഷ​ക​ൾ​ക്കു​ള്ള പ്ര​ത്യേ​ക ക്ലാ​സു​ക​ളും സൗ​ജ​ന്യ​മാ​യി ല​ഭ്യ​മാ​ക്കു​ന്ന പ​ദ്ധ​തി​യി​ലൂ​ടെ നി​ര​വ​ധി യു​വാ​ക്ക​ളാ​ണ് വി​വി​ധ സേ​ന​വി​ഭാ​ഗ​ങ്ങ​ളി​ൽ ജോ​ലി നേ​ടി​യ​ത്. ബ​ഹു​ഭൂ​രി​ഭാ​ഗ​വും തീ​ര​ദേ​ശ​ത്തു​നി​ന്നു​മു​ള്ള യു​വാ​ക്ക​ളാ​ണ്.

രാ​വി​ലെ ആ​റി​നാ​രം​ഭി​ക്കു​ന്ന കാ​യി​ക പ​രി​ശീ​ല​ന​ത്തി​ന് ശേ​ഷം ഏ​ഴു​മു​ത​ൽ 8.30 വ​രെ​യാ​ണ് വി​വി​ധ മ​ത്സ​ര​പ​രീ​ക്ഷ​ക​ൾ​ക്കു​ള്ള സൗ​ജ​ന്യ പ​രി​ശീ​ല​നം. ചേ​രൂ​ലാ​ൽ ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ നി​ന്ന് കാ​യി​കാ​ധ്യാ​പ​ക​നാ​യി വി​ര​മി​ച്ച ഇ.​പി. ഹ​നീ​ഫ​യു​ടെ​യും അ​ഫ്സ​ലി​ന്റെ​യും നേ​തൃ​ത്വ​ത്തി​ലാ​ണ് പ​രി​ശീ​ല​നം ന​ട​ക്കു​ന്ന​ത്. താ​നൂ​ർ ന​ഗ​ര​സ​ഭ കൂ​ടാ​തെ, പ​ര​പ്പ​ന​ങ്ങാ​ടി ന​ഗ​ര​സ​ഭ, താ​നാ​ളൂ​ർ, നി​റ​മ​രു​തൂ​ർ, വെ​ട്ടം പ​ഞ്ചാ​യ​ത്തു​ക​ളി​ൽ​നി​ന്നും പ​രി​ശീ​ല​ന​ത്തി​നാ​യി യു​വാ​ക്ക​ൾ എ​ത്തു​ന്നു​ണ്ടെ​ന്നും അ​ദ്ദേ​ഹം പ​റ​ഞ്ഞു. ക​ഴി​ഞ്ഞ​വ​ർ​ഷം അ​ഞ്ചു പേ​ർ​ക്കാ​ണ് ഈ ​പ​ദ്ധ​തി​യി​ലൂ​ടെ സൈ​ന്യ​ത്തി​ൽ പ്ര​വേ​ശ​നം നേ​ടാ​നാ​യ​ത്. ഈ ​വ​ർ​ഷം ഇ​തു​വ​രെ ഏ​ഴു​പേ​ർ​ക്ക് ജോ​ലി ല​ഭി​ച്ചു.

കോ​ർ​മ​ൻ ക​ട​പ്പു​റം സ്വ​ദേ​ശി​ക​ളാ​യ ബി.​പി. മു​ഹ​മ്മ​ദ് അ​ഷ്‌​ഫ​ർ, കെ.​പി. മു​ഹ​മ്മ​ദ് ഫ​രീ​ദ്, വെ​ട്ടം സ്വ​ദേ​ശി കെ. ​മ​ബി​ൻ, ചീ​രാ​ൻ ക​ട​പ്പു​റം സ്വ​ദേ​ശി കെ.​കെ. ഷാ​നു, ചാ​ഞ്ചേ​രി​പ്പ​റ​മ്പി​ലെ പി.​പി. നി​തി​ൻ​ഷാ, ചി​റ​ക്ക​ൽ സ്വ​ദേ​ശി ടി. ​വ​രു​ൺ, മോ​ര്യ​യി​ലെ എം.​കെ. അ​രു​ൺ എ​ന്നി​വ​രാ​ണ് ഈ ​വ​ർ​ഷം അ​ഗ്നി വീ​റു​ക​ളാ​യി ഇ​ന്ത്യ​ൻ ആ​ർ​മി​യി​ലെ​ത്തി​യ​ത്.

ഇ​ന്ത്യ​ൻ ആ​ർ​മി​യി​ലേ​ക്ക് പ്ര​വേ​ശ​നം ല​ഭി​ച്ച യു​വാ​ക്ക​ൾ​ക്ക് നാ​ട്ടു​കാ​രു​ടെ നേ​തൃ​ത്വ​ത്തി​ൽ സ്വീ​ക​ര​ണ​വും സം​ഘ​ടി​പ്പി​ച്ചു. സ്വീ​ക​ര​ണ​യോ​ഗം മു​ൻ താ​നൂ​ർ ഡി​വൈ.​എ​സ്‌.​പി വി.​വി. ബെ​ന്നി ഉ​ദ്ഘാ​ട​നം ചെ​യ്തു. മു​ൻ ന​ഗ​ര​സ​ഭ ചെ​യ​ർ​മാ​ൻ പി.​പി. ഷം​സു​ദ്ദീ​ൻ അ​ധ്യ​ക്ഷ​ത വ​ഹി​ച്ചു. താ​നൂ​ർ ഡി​വൈ.​എ​സ്.​പി പി. ​പ്ര​മോ​ദ് നി​യ​മ​നം നേ​ടി​യ​വ​രെ മെ​ഡ​ൽ അ​ണി​യി​ച്ച് ആ​ദ​രി​ച്ചു. ന​ഗ​ര​സ​ഭ കൗ​ൺ​സി​ല​ർ​മാ​രാ​യ നി​സാ​മു​ദ്ദീ​ൻ, വി.​പി. ബ​ഷീ​ർ, ആ​ബി​ദ് വ​ട​ക്ക​യി​ൽ, പ​രി​ശീ​ല​ക​രാ​യ ഇ.​പി. ഹ​നീ​ഫ, അ​ഫ്സ​ൽ, എ.​എ​സ്.​ഐ സ​ലേ​ഷ്, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഷൈ​ജേ​ഷ്, ശാ​ക്കി​ർ തു​ട​ങ്ങി​യ​വ​ർ സം​സാ​രി​ച്ചു. ഇ​ൻ​സൈ​റ്റ് പു​തി​യ ബാ​ച്ചി​ലേ​ക്കു​ള്ള അ​ഡ്മി​ഷ​നും ഇ​തി​ന​കം ആ​രം​ഭി​ച്ചി​ട്ടു​ണ്ട്. ല​ഹ​രി​ക്കെ​തി​രെ പൊ​ലീ​സ് ആ​രം​ഭി​ച്ച ബോ​ധ​വ​ത്ക​ര​ണ പ​രി​പാ​ടി​യി​ൽ ഇ​ൻ​സൈ​റ്റി​നേ​യും ഭാ​ഗ​മാ​ക്കാ​നു​ള്ള ആ​ലോ​ച​ന​യു​ണ്ടെ​ന്ന് ഡി​വൈ.​എ​സ്.​പി പ​റ​ഞ്ഞു.