അക്ഷരങ്ങൾക്കായി ജീവിച്ച പരമേശ്വരൻ മാസ്റ്ററുടെ ഓർമകൾക്ക് കാൽ നൂറ്റാണ്ട് തികയുന്നു

താ​നൂ​ർ: അ​ക്ഷ​ര​ങ്ങ​ളെ​യും പു​സ്ത​ക​ങ്ങ​ളെ​യും അ​ത്ര​മേ​ൽ സ്നേ​ഹി​ച്ച മ​റ്റൊ​രാ​ളു​ണ്ടാ​കി​ല്ലെ​ന്ന് അ​ടു​ത്ത​റി​യു​ന്ന ഏ​തൊ​രാ​ൾ​ക്കും ബോ​ധ്യ​മാ​കും​വി​ധം ഒ​രു പു​രു​ഷാ​യു​സ്സ് മു​ഴു​വ​ൻ വാ​യ​ന​യെ പ്രോ​ത്സാ​ഹി​പ്പി​ക്കാ​നാ​യി ജീ​വി​തം ഉ​ഴി​ഞ്ഞു​വെ​ച്ച താ​നൂ​ർ പ​ര​മേ​ശ്വ​ര​ൻ മാ​സ്റ്റ​ർ ഓ​ർ​മ​യാ​യി​ട്ട് കാ​ൽ നൂ​റ്റാ​ണ്ട് തി​ക​യു​ന്നു. 1923ൽ ​താ​നൂ​രി​ലെ പ​ഴ​യ വ​ള​പ്പി​ൽ ക​ണ്ണ​ന്റെ​യും കു​ഞ്ഞി​ക്കാ​ളി​യു​ടെ​യും മ​ക​നാ​യി ജ​നി​ച്ച പ​ര​മേ​ശ്വ​ര​ന്റെ സ​ഞ്ചാ​രം കു​ട്ടി​ക്കാ​ലം മു​ത​ലേ അ​ക്ഷ​ര​ങ്ങ​ളോ​ടൊ​പ്പ​മാ​യി​രു​ന്നു. ജി​ല്ല​യി​ലെ ത​ന്നെ പ്ര​മു​ഖ ഗ്ര​ന്ഥാ​ല​യ​ങ്ങ​ളി​ലൊ​ന്നാ​യ താ​നൂ​ർ സ​ഞ്ചാ​ര ഗ്ര​ന്ഥാ​ല​യ​ത്തി​ന്റെ സ്ഥാ​പ​ക​നാ​യ പ​ര​മേ​ശ്വ​ര​ൻ കു​ട്ടി​ക്കാ​ലം മു​ത​ലേ പു​സ്ത​ക​ങ്ങ​ൾ വാ​യി​ക്ക​ലും വാ​യി​പ്പി​ക്ക​ലും ജീ​വി​ത ദൗ​ത്യ​മാ​യി ഏ​റ്റെ​ടു​ത്തി​രു​ന്നു.

അ​ക്ഷ​ര​ങ്ങ​ളോ​ടു​ള്ള ഈ ​വി​ദ്യാ​ർ​ഥി​യു​ടെ അ​ട​ങ്ങാ​ത്ത അ​ഭി​നി​വേ​ശ​ത്തി​നു​ള്ള അം​ഗീ​കാ​ര​മാ​യി എ​ട്ടാം ത​ര​ത്തി​ൽ പ​ഠി​ക്കു​മ്പോ​ഴേ ഡി.​എം.​ആ​ർ.​ടി സ്കൂ​ൾ എ​ന്ന​റി​യ​പ്പെ​ട്ടി​രു​ന്ന പ​ഴ​യ ദേ​വ​ധാ​ർ സ്കൂ​ളി​ൽ നെ​യ്ത്ത് അ​ധ്യാ​പ​ക​നാ​യി ജോ​ലി ല​ഭി​ച്ചി​രു​ന്നു. ഔ​പ​ചാ​രി​ക​മാ​യി സാ​ക്ഷ​ര​ത പ്ര​സ്ഥാ​ന​ങ്ങ​ൾ പി​റ​വി​യെ​ടു​ക്കു​ന്ന​തി​നും മു​മ്പേ സാ​ക്ഷ​ര​ത പ്ര​വ​ർ​ത്ത​ന​ങ്ങ​ൾ​ക്ക് നേ​തൃ​ത്വം ന​ൽ​കി താ​നൂ​രി​ന്റെ മു​ക്കു​മൂ​ല​ക​ളി​ൽ വാ​യ​ന പ്ര​ചാ​ര​ണ​വു​മാ​യി അ​ദ്ദേ​ഹം പ്ര​വ​ർ​ത്ത​ന​മാ​രം​ഭി​ച്ചി​രു​ന്നു. അ​ക്കാ​ല​ത്ത് അ​റു​പ​തോ​ളം കേ​ന്ദ്ര​ങ്ങ​ളി​ൽ അ​ക്ഷ​ര പ​ഠ​ന ക്ലാ​സു​ക​ളും നി​ശ പ​ഠ​ന ക്ലാ​സു​ക​ളും അ​ദ്ദേ​ഹം മു​ൻ​കൈ​യെ​ടു​ത്ത് ആ​രം​ഭി​ച്ചി​രു​ന്നു.

കൂ​ടാ​തെ മ​ഹി​ള സ​മാ​ജ​ങ്ങ​ളും വ​യോ​ജ​ന പ​ഠ​ന കേ​ന്ദ്ര​ങ്ങ​ളും സ്ഥാ​പി​ച്ചും സാ​ക്ഷ​ര​ത പ്ര​വ​ർ​ത്ത​ന​ങ്ങ​ൾ​ക്ക് അ​ദ്ദേ​ഹം നേ​തൃ​ത്വം ന​ൽ​കി. പി​താ​വി​ന്റെ ക​ട​യി​ൽ ര​ജി​സ്റ്റ​ർ സൂ​ക്ഷി​ച്ച് ആ​ളു​ക​ൾ​ക്ക് പു​സ്ത​ക​ങ്ങ​ൾ സൈ​ക്കി​ളി​ൽ എ​ത്തി​ച്ചു ന​ൽ​കി വാ​യി​പ്പി​ച്ചി​രു​ന്ന ആ ​ചെ​റു​പ്പ​ക്കാ​ര​ന്റെ നേ​തൃ​ത്വ​ത്തി​ലാ​ണ് 1937ൽ ​പ്ര​ശ​സ്ത​മാ​യ താ​നൂ​ർ സ​ഞ്ചാ​ര ഗ്ര​ന്ഥാ​ല​യം പി​റ​വി​യെ​ടു​ക്കു​ന്ന​ത്. ചെ​റി​യ രീ​തി​യി​ൽ തു​ട​ങ്ങി​യ ഗ്ര​ന്ഥാ​ല​യം വ​ർ​ഷ​ങ്ങ​ൾ​ക്ക് മു​മ്പ് ഭേ​ദ​പ്പെ​ട്ട കെ​ട്ടി​ട​ത്തി​ലേ​ക്ക് മാ​റി​യെ​ങ്കി​ലും കൂ​ടു​ത​ൽ സൗ​ക​ര്യ​ങ്ങ​ളോ​ടെ​യു​ള്ള പു​തി​യ കെ​ട്ടി​ടം അ​നി​വാ​ര്യ​മാ​കും വി​ധം ഗ്ര​ന്ഥാ​ല​യം പു​രോ​ഗ​മി​ച്ചി​ട്ടു​ണ്ട്.

അ​ക്ഷ​ര​ങ്ങ​ൾ​ക്കാ​യി ജീ​വി​ക്കു​ന്ന പ​ര​മേ​ശ്വ​ര​ൻ എ​ന്ന യു​വാ​വി​നെ​പ്പ​റ്റി കേ​ട്ട​റി​ഞ്ഞ ഗ്ര​ന്ഥ​ശാ​ല പ്ര​സ്ഥാ​ന​ത്തി​ന്റെ സ്ഥാ​പ​ക​ൻ പി.​എ​ൻ. പ​ണി​ക്ക​ർ അ​ദ്ദേ​ഹ​ത്തെ നേ​രി​ൽ സ​ന്ദ​ർ​ശി​ക്കു​ക​യും ജി​ല്ല​യി​ലെ ഗ്ര​ന്ഥ​ശാ​ല പ്ര​സ്ഥാ​ന​ത്തി​ന്റെ ചു​മ​ത​ല അ​ദ്ദേ​ഹ​ത്തി​ന് കൈ​മാ​റു​ക​യും ചെ​യ്തു. ജി​ല്ല​യി​ലു​ട​നീ​ളം നാ​ൽ​പ​തോ​ളം ഗ്ര​ന്ഥാ​ല​യ​ങ്ങ​ൾ അ​ദ്ദേ​ഹം മു​ൻ​കൈ​യെ​ടു​ത്ത് സ്ഥാ​പി​ച്ച​തി​ന് പു​റ​മേ അ​നേ​കം മ​റ്റു ഗ്ര​ന്ഥാ​ല​യ​ങ്ങ​ളു​ടെ പി​റ​വി​ക്കു പി​ന്നി​ലും അ​ദ്ദേ​ഹ​ത്തി​ന്റെ പി​ന്തു​ണ​യു​ണ്ടാ​യി​രു​ന്നു. ജി​ല്ല​യി​ൽ​നി​ന്ന് ഗ്ര​ന്ഥ​ശാ​ല സം​ഘ​ത്തി​ൽ ര​ജി​സ്റ്റ​ർ ചെ​യ്ത ആ​ദ്യ ഗ്ര​ന്ഥാ​ല​യ​വും പ​ര​മേ​ശ്വ​ര​ൻ മാ​സ്റ്റ​ർ സ്ഥാ​പി​ച്ച താ​നൂ​ർ സ​ഞ്ചാ​ര ഗ്ര​ന്ഥാ​ല​യ​മാ​യി​രു​ന്നു.

തി​ക​ഞ്ഞ ഗാ​ന്ധി​യ​ൻ കൂ​ടി​യാ​യി​രു​ന്ന അ​ദ്ദേ​ഹം ഖാ​ദി പ്ര​ചാ​ര​ണ​ത്തി​നും ഉ​പ​ഭോ​ക്തൃ അ​വ​കാ​ശ​ങ്ങ​ൾ​ക്ക് വേ​ണ്ടി​യും പ്ര​വ​ർ​ത്തി​ക്കാ​ൻ സ​മ​യം ക​ണ്ടെ​ത്തി​യി​രു​ന്നു. അ​ദ്ദേ​ഹ​ത്തി​ന്റെ നേ​തൃ​ത്വ​ത്തി​ൽ 1980 മു​ത​ൽ പു​റ​ത്തി​റ​ങ്ങി​യി​രു​ന്ന വെ​ട്ടം മാ​സി​ക​യും ശ്ര​ദ്ധേ​യ​മാ​യി​രു​ന്നു.

പു​തി​യ എ​ഴു​ത്തു​കാ​ർ​ക്ക​ട​ക്കം ഇ​ടം ന​ൽ​കി ശ്ര​ദ്ധ​യ​മാ​യ ഉ​ള്ള​ട​ക്ക​ത്തോ​ടെ പ്ര​സി​ദ്ധീ​ക​രി​ച്ചി​രു​ന്ന വെ​ട്ടം മാ​സി​ക​ക്ക് കേ​ര​ള​ത്തി​ലു​ട​നീ​ളം ത​പാ​ൽ വ​രി​ക്കാ​രു​ണ്ടാ​യി​രു​ന്നു. ഒ​റ്റ​ക്കി​രു​ന്ന് ത​പാ​ലി​ൽ അ​യ​ക്കേ​ണ്ട മാ​സി​ക​ളു​ടെ അ​ഡ്ര​സ്സ് റാ​പ്പ​ർ ത​യാ​റാ​ക്കു​ന്ന പ​ര​മേ​ശ്വ​ര​ൻ മാ​ഷി​ന്റെ ഓ​ർ​മ​ച്ചി​ത്രം അ​ദ്ദേ​ഹ​ത്തി​ന്റെ പി​ൻ​ത​ല​മു​റ ഇ​ന്നും ഓ​ർ​ത്തെ​ടു​ക്കു​ന്നു. മാ​സി​ക​ക്ക് വേ​ണ്ടി ഒ​റ്റ​യാ​ൾ പ്ര​യ​ത്നം ന​ട​ത്തി​യ മാ​ഷി​ന്റെ വി​യോ​ഗ​ത്തി​ന് ശേ​ഷ​വും മ​ക​ൾ പി.​വി. ശ്രീ​രാ​ജാ​മ​ണി​യു​ടെ നേ​തൃ​ത്വ​ത്തി​ൽ മാ​സി​ക പ്ര​സി​ദ്ധീ​ക​രി​ച്ചു​വ​ന്നെ​ങ്കി​ലും സാ​ങ്കേ​തി​ക പ്ര​യാ​സ​ങ്ങ​ളെ തു​ട​ർ​ന്ന് പ്ര​സി​ദ്ധീ​ക​ര​ണം നി​ല​ക്കു​ക​യാ​യി​രു​ന്നു. കേ​ര​ള സ​ർ​ക്കാ​ർ പ്ര​ഥ​മ പി.​എ​ൻ. പ​ണി​ക്ക​ർ സ്മാ​ര​ക പു​ര​സ്കാ​രം പ്ര​ഖ്യാ​പി​ച്ച​പ്പോ​ൾ അ​ർ​ഹ​ത​ക്കു​ള്ള അം​ഗീ​കാ​ര​മാ​യി ആ​ദ്യ പു​ര​സ്കാ​രം ഏ​റ്റു​വാ​ങ്ങി​യ​തും പ​ര​മേ​ശ്വ​ര​ൻ മാ​ഷാ​യി​രു​ന്നു. 2000 ജ​നു​വ​രി 15ന് ​വി​ട വാ​ങ്ങി​യ അ​ദ്ദേ​ഹ​ത്തി​ന്റെ ജ​ന്മ​ദി​ന​മാ​യ ഫെ​ബ്രു​വ​രി 16ന് ​അ​നു​സ്മ​ര​ണ സ​മ്മേ​ള​നം വി​പു​ല​മാ​യ രീ​തി​യി​ൽ സം​ഘ​ടി​പ്പി​ക്കാ​നു​ള്ള ഒ​രു​ക്ക​ത്തി​ലാ​ണ് അ​നു​സ്മ​ര​ണ സ​മി​തി​യും ഗ്ര​ന്ഥ​ശാ​ല പ്ര​വ​ർ​ത്ത​ക​രും.