കെ.​എ​സ്.​ആ​ർ.​ടി.​സി മലപ്പുറം ഡി​പ്പോ കോം​പ്ല​ക്‌​സി​ന്റെ ഒ​ന്നാം​ഘ​ട്ട നി​ർ​മാ​ണം പൂ​ർ​ത്തി​യാ​യി

ഉ​ദ്ഘാ​ട​നം 27ന് ഓ​ഫി​സ് പ്ര​വ​ർ​ത്ത​നം പൂ​ർ​ണ​മാ​യും പു​തി​യ കോം​പ്ല​ക്‌​സി​ലേ​ക്ക് മാ​റ്റും യാ​ത്ര​ക്കാ​ർ​ക്ക് ഇ​രി​ക്കാ​ൻ എ.​സി ലോ​ഞ്ച് പാ​ർ​ക്കിങ് യാ​ർ​ഡി​ന്റെ പ​ണി​ പൂ​ർ​ത്തി​യാ​യി ​മ​ല​പ്പു​റം: കെ.​എ​സ്.​ആ​ർ.​ടി.​സി മ​ല​പ്പു​റം ഡി​പ്പോ കോം​പ്ല​ക്‌​സി​ന്റെ ഒ​ന്നാം​ഘ​ട്ട നി​ർ​മാ​ണം പൂ​ർ​ത്തി​യാ​യി. ഉ​ദ്ഘാ​ട​നം ജൂ​ൺ 27ന് ​വൈ​കീ​ട്ട് ന​ട​ക്കും. പ​രി​പാ​ടി​യു​ടെ സം​ഘാ​ട​ക സ​മി​തി രൂ​പ​വ​ത്ക​ര​ണ യോ​ഗം 20ന് ​ഡി​പ്പോ​യി​ൽ ചേ​രും.

മേ​യ് മാ​സം അ​വ​സാ​ന​വാ​രം ഡി​പ്പോ തു​റ​ക്കാ​നാ​യി​രു​ന്നു നീ​ക്ക​മെ​ങ്കി​ലും പ​ണി പൂ​ർ​ത്തീ​ക​രി​ക്കാ​ൻ കാ​ല​താ​മ​സ​മെ​ടു​ത്ത​തും നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പ് പ്ര​ഖ്യാ​പി​ക്കു​ക​യും ചെ​യ്‌​ത​തോ​ടെ ഉ​ദ്ഘാ​ട​നം നീ​ട്ടു​ക​യാ​യി​രു​ന്നു. ബ​സു​ക​ൾ ക​ട​ന്നു​വ​രു​ന്ന ഡി​പ്പോ വ​ള​പ്പി​ൽ പൂ​ർ​ണ​മാ​യും പൂ​ട്ടു​ക​ട്ട​ക​ൾ വി​രി​ച്ചു.

ഉ​ദ്ഘാ​ട​ന​ത്തി​ന്റെ ഭാ​ഗ​മാ​യി ഓ​ഫി​സ് പ്ര​വ​ർ​ത്ത​നം പൂ​ർ​ണ​മാ​യും പു​തി​യ കോം​പ്ല​ക്‌​സി​ലേ​ക്ക് മാ​റ്റും. ബ​സു​ക​ൾ പാ​ർ​ക്ക് ചെ​യ്യാ​നു​ള്ള യാ​ർ​ഡി​ന്റെ പ​ണി​യും പൂ​ർ​ത്തി​യാ​യി. യാ​ത്ര​ക്കാ​ർ​ക്ക് ഇ​രി​ക്കാ​ൻ എ.​സി ലോ​ഞ്ച്, ശു​ചി​മു​റി​ക​ൾ എ​ന്നി​വ​യും ഡി​പ്പോ​യി​ലു​ണ്ടാ​കും. പി. ​ഉ​ബൈ​ദു​ല്ല എം.​എ​ൽ.​എ​യു​ടെ ആ​സ്‌​തി വി​ക​സ​ന ഫ​ണ്ടി​ൽ നി​ന്ന​നു​വ​ദി​ച്ച ര​ണ്ട് കോ​ടി രൂ​പ​യും കെ.​എ​സ്.​ആ​ർ.​ടി.​സി അ​നു​വ​ദി​ച്ച 90 ല​ക്ഷം രൂ​പ​യും ഉ​പ​യോ​ഗി​ച്ചാ​ണ് ഒ​ന്നാം​ഘ​ട്ട പ്ര​വൃ​ത്തി പൂ​ർ​ത്തി​യാ​ക്കി​യ​ത്.

ഒ​ന്ന​ര​വ​ർ​ഷം കൊ​ണ്ട് നി​ർ​മാ​ണം പൂ​ർ​ത്തി​യാ​ക്കു​ക എ​ന്ന ല​ക്ഷ്യ​ത്തോ​ടെ 2016 ജ​നു​വ​രി ര​ണ്ടി​നാ​യി​രു​ന്നു മ​ല​പ്പു​റം ഡി​പ്പോ ടെ​ർ​മി​ന​ലി​ന് ത​റ​ക്ക​ല്ലി​ട്ട​ത്. ര​ണ്ടാം​ഘ​ട്ട പ​ണി ഉ​ട​ൻ ആ​രം​ഭി​ക്കും. മ​ണ്ണ് നീ​ക്ക​ൽ അ​ട​ക്കം പ്രാ​ഥ​മി​ക ജോ​ലി​ക​ൾ​ക്കാ​യി എം.​എ​ൽ.​എ ഫ​ണ്ടി​ൽ​നി​ന്ന് അ​ഞ്ച് ല​ക്ഷം രൂ​പ അ​നു​വ​ദി​ച്ചി​ട്ടു​ണ്ട്.

ഡി​പ്പോ​യു​ടെ ചു​റ്റു​മ​തി​ലി​ന്റെ പ്ര​വൃ​ത്തി​യും ന​ട​ന്നു​വ​രി​ക​യാ​ണ്. സാ​മ്പ​ത്തി​ക പ്ര​തി​സ​ന്ധി കാ​ര​ണം പ​ണി പൂ​ർ​ത്തി​യാ​കാ​ൻ കാ​ല​ങ്ങ​ളെ​ടു​ത്തെ​ങ്കി​ലും തു​റ​ക്കു​ന്ന​തോ​ടെ കെ.​എ​സ്‌.​ആ​ർ.​ടി.​സി​ക്ക് വ​ലി​യ വ​രു​മാ​നം ല​ഭി​ക്കു​മെ​ന്നാ​ണ് പ്ര​തീ​ക്ഷ. കോം​പ്ല​ക്സി​ലെ 10 മു​റി​ക​ളും ഒ​രു ഹാ​ളും ഇ​തി​ന​കം വാ​ട​ക​ക്ക് പോ​യി. അ​തി​ൽ നി​ന്നു​മാ​ത്രം മാ​സം ല​ക്ഷം രൂ​പ​യാ​ണ് വ​രു​മാ​നം പ്ര​തീ​ക്ഷി​ക്കു​ന്ന​ത്. മി​ഡി​ൽ​ഹി​ല്ലി​ൽ​നി​ന്ന് മ​ണ്ണെ​ടു​ത്ത് അ​ണ്ട​ർ ഗ്രൗ​ണ്ടി​ൽ പേ ​ആ​ൻ​ഡ് പാ​ർ​ക്ക് സം​വി​ധാ​നം ഒ​രു​ക്കി വ​രു​മാ​നം ഉ​ണ്ടാ​ക്കാ​നും പ​ദ്ധ​തി​യു​ണ്ട്.