മ​ല​പ്പു​റം: എ​ടു​ത്താ​ൽ പൊ​ങ്ങാ​ത്ത പ​ണി​യു​ണ്ട്. പേ​രി​ൽ ടീ​ച്ച​റു​മു​ണ്ട്. എ​ന്നാ​ൽ കി​ട്ടു​ന്ന ശ​മ്പ​ളം കൊ​ണ്ട് ജീ​വി​തം മു​ന്നോ​ട്ടു​കൊ​ണ്ടു​പോ​വാ​ൻ പാ​ടു​പെ​ടു​ക​യാ​ണ്​ അം​ഗ​ൻ​വാ​ടി ജീ​വ​ന​ക്കാ​ർ. അം​ഗ​ൻ​വാ​ടി അ​ധ്യാ​പ​ക​ർ​ക്ക്​ കേ​ര​ള സ​ർ​ക്കാ​റി​ന്‍റെ വി​ഹി​ത​മാ​യി 5,800 രൂ​പ​യും കേ​ന്ദ്ര​ത്തി​ന്റെ 4,500 രൂ​പ​യും ത​ദ്ദേ​ശ സ്ഥാ​പ​ന​ങ്ങ​ളു​ടെ 2,200 രൂ​പ​യും ചേ​ർ​ത്ത്​ 12,500 രൂ​പ​യാ​ണ്​ വേ​ത​നം ന​ൽ​കു​ന്ന​ത്. ഹെ​ൽ​പ​ർ​മാ​ർ​ക്ക് 8,750 രൂ​പ​യാ​ണ് (ദി​വ​സം 291) ഓ​ണ​റേ​റി​യ​മാ​യി ല​ഭി​ക്കു​ന്ന​ത്. ഇ​തു​ത​ന്നെ ഒ​ന്നി​ച്ച് ല​ഭി​ക്കു​ന്നു​മി​ല്ല. തൊ​ഴി​ലു​റ​പ്പ് പ​ദ്ധ​തി​യി​ൽ ദി​വ​സം 346 രൂ​പ കൂ​ലി ഉ​ണ്ടാ​യി​രി​ക്കെ​യാ​ണ് അം​ഗ​ൻ​വാ​ടി ഹെ​ൽ​പ​ർ​മാ​ർ​ക്ക് അ​തി​ലും കു​റ​ഞ്ഞ തു​ക ല​ഭി​ക്കു​ന്ന​ത്.

എം.​കെ. മു​നീ​ർ സാ​മൂ​ഹി​ക ക്ഷേ​മ മ​ന്ത്രി​യാ​യി​രി​ക്കെ 2011-16 കാ​ല​യ​ള​വി​ൽ അം​ഗ​ൻ​വാ​ടി അ​ധ്യാ​പ​ക​രു​ടെ ശ​മ്പ​ളം 1,531ൽ​നി​ന്ന് വ​ർ​ധി​പ്പി​ച്ച് 10,000 രൂ​പ​യാ​ക്കി​യി​രു​ന്നു. എ​ന്നാ​ൽ പി​ന്നീ​ടു​ള്ള ഒ​മ്പ​ത്​ വ​ർ​ഷ​ത്തി​നി​ടെ ആ​​കെ കൂ​ട്ടി​യ​ത്​ 3,000 രൂ​പ​യോ​ളം മാ​ത്ര​മാ​ണ്.

അ​തേ​സ​മ​യം, സ​മാ​ന ജോ​ലി ചെ​യ്യു​ന്ന പ്രീ​പ്രൈ​മ​റി സ്കൂ​ൾ ടീ​ച്ച​ർ​മാ​ർ​ക്കും ആ​യ​മാ​ർ​ക്കും15,000 രൂ​പ വീ​തം വ​ർ​ധി​പ്പി​ക്കാ​നും 13 വ​ർ​ഷ​ത്തെ കു​ടി​ശ്ശി​ക ന​ൽ​കാ​നും കോ​ട​തി ഉ​ത്ത​ര​വാ​യി​ട്ടു​ണ്ട്. സ​ർ​ക്കാ​ർ സ്കൂ​ളു​ക​ളി​ൽ പി.​ടി.​എ ന​ട​ത്തു​ന്ന പ്രീ​പ്രൈ​മ​റി ടീ​ച്ച​ർ​മാ​രു​ടെ വേ​ത​നം 12,500ൽ​നി​ന്ന് 15,000 വ​ർ​ധി​പ്പി​ച്ച് 27,500 രൂ​പ​യും 7500 രൂ​പ ന​ൽ​കി​യി​രു​ന്ന ആ​യ​മാ​ർ​ക്ക് 15,000 രൂ​പ വ​ർ​ധി​പ്പി​ച്ച് 22,500 രൂ​പ​യും ന​ൽ​ക​ണ​മെ​ന്നാ​ണ്​ കോ​ട​തി ഉ​ത്ത​ര​വ്. സ​മാ​ന രീ​തി​യി​ൽ അം​ഗ​ൻ​വാ​ടി ജീ​വ​ന​ക്കാ​രെ​യും സ​ർ​ക്കാ​ർ പ​രി​ഗ​ണി​ക്ക​ണ​മെ​ന്നാ​ണ്​ ആ​വ​ശ്യം.

കൂ​ടു​ത​ൽ അം​ഗ​ൻ​വാ​ടി​ക​ൾ മ​ല​പ്പു​റ​ത്ത്

സം​സ്ഥാ​ന​ത്ത് 33,115 അം​ഗ​ൻ​വാ​ടി​ക​ളും 66,000ത്തോ​ളം ജീ​വ​ന​ക്കാ​രു​മു​ണ്ട്. ഇ​തി​ൽ മ​ല​പ്പു​റം ജി​ല്ല​യി​ലാ​ണ് കൂ​ടു​ത​ൽ. മ​ല​പ്പു​റ​ത്ത്​ 3,808 അം​ഗ​ൻ​വാ​ടി​ക​ളും ആ​റാ​യി​ര​ത്തി​ല​ധി​കം ജീ​വ​ന​ക്കാ​രു​മു​ണ്ട്. രാ​വി​ലെ മു​ത​ൽ വൈ​കീ​ട്ട് 3.30 വ​രെ അം​ഗ​ൻ​വാ​ടി​യി​ലും ശേ​ഷം ഇ​രു​ട്ടു​വോ​ളം പ്ര​ദേ​ശ​ത്തെ വീ​ടു​ക​ൾ പോ​യി ഗ​ർ​ഭി​ണി​ക​ൾ, കൗ​മാ​ര​ക്കാ​ർ, കു​ത്തി​വെ​പ്പ് എ​ടു​ത്ത​വ​ർ, എ​ടു​ക്കാ​ത്ത​വ​ർ തു​ട​ങ്ങി നാ​ട്ടി​ലെ മു​ഴു​വ​ൻ വി​വ​ര​വും ശേ​ഖ​രി​ച്ച് റി​പ്പോ​ർ​ട്ട് ന​ൽ​കു​ക​യും വേ​ണം. ത​ദ്ദേ​ശ സ്ഥാ​പ​ന​ങ്ങ​ളു​ടെ​യ​ട​ക്കം വി​വി​ധ വ​കു​പ്പു​ക​ളു​ടെ എ​ടു​ത്താ​ൽ പൊ​ങ്ങാ​ത്ത ജോ​ലി ഭാ​ര​മാ​ണ് ഇ​വ​രു​ടെ ചു​മ​ലി​ലു​ള്ള​ത്. ഈ ​ബ​ജ​റ്റി​ലെ​ങ്കി​ലും വേ​ത​ന വ​ർ​ധ​ന​വ് ഉ​ണ്ടാ​യി​രി​ക്കു​മെ​ന്ന പ്ര​തീ​ക്ഷ​യി​ലാ​യി​രു​ന്നു ജീ​വ​ന​ക്കാ​ർ. എ​ന്നാ​ൽ ഇ​വ​രു​ടെ വേ​ത​ന വ​ർ​ധ​ന​വി​നെ​ക്കു​റി​ച്ച്​ ഇ​ക്കു​റി​യും പ​രാ​മ​ർ​ശ​മൊ​ന്നു​മു​ണ്ടാ​യി​ല്ല. ഭാ​രി​ച്ച പ​ണി​യെ​ടു​ക്കു​ന്ന അം​ഗ​ൻ​വാ​ടി ജീ​വ​ന​ക്കാ​രെ ചേ​ർ​ത്ത്​​പി​ടി​ച്ച്​ അ​ർ​ഹ​മാ​യ ആ​നു​കൂ​ല്യ​ങ്ങ​ൾ ന​ൽ​ക​ണ​മെ​ന്നാ​ണ്​ ആ​വ​ശ്യം.