ഉ​റ​ക്ക​മൊ​ഴി​ച്ച് നാ​ട്ടു​കാ​ർ കാ​ത്തി​രു​ന്നു; കാ​ക്ക​ഞ്ചേ​രി​യി​ൽ ക​ക്കൂ​സ് മാ​ലി​ന്യം ത​ള്ളാ​നെ​ത്തി​യ വാ​ഹ​നം പി​ടി​യി​ൽ

വ​ള്ളി​ക്കു​ന്ന്: പ​തി​വാ​യി ക​ക്കൂ​സ് മാ​ലി​ന്യം ത​ള്ളു​ന്ന ദേ​ശീ​യ​പാ​ത കാ​ക്ക​ഞ്ചേ​രി​യി​ൽ നാ​ട്ടു​കാ​ർ ഉ​റ​ക്ക​മൊ​ഴി​ച്ച് കാ​ത്തി​രു​ന്ന​തോ​ടെ കെ​ണി​യി​ലാ​യ​ത് മാ​ലി​ന്യം ത​ള്ളാ​നെ​ത്തി​യ ടാ​ങ്ക​ർ ലോ​റി. മാ​ലി​ന്യം ത​ള്ളു​ന്ന​വ​രെ പി​ടി​കൂ​ട​ണ​മെ​ന്ന ഉ​റ​ച്ച നി​ല​പാ​ടി​ൽ നാ​ട്ടു​കാ​ർ ഉ​റ​ക്ക​മൊ​ഴി​ച്ച് കാ​വ​ലി​രു​ന്നു വ​രി​ക​യാ​യി​രു​ന്നു. ഇ​തി​നി​ട​യി​ലാ​ണ് വെ​ള്ളി​യാ​ഴ്ച പുലർച്ചെ ര​ണ്ട​ര​യോ​ടെ ക​ക്കൂ​സ് മാ​ലി​ന്യ​വു​മാ​യി ടാ​ങ്ക​ർ ലോ​റി കാ​ക്ക​ഞ്ചേ​രി സ​ർ​വി​സ് റോ​ഡി​ൽ നി​ർ​ത്തു​ന്ന​ത് ശ്ര​ദ്ധ​യി​ൽ​പ്പെ​ട്ട​ത്. ക​ക്കൂ​സ് മാ​ലി​ന്യം താ​ഴ്ന്ന പ്ര​ദേ​ശ​ത്തേ​ക്ക് ഒ​ഴു​ക്കാ​ൻ തു​ട​ങ്ങി​യ​തോ​ടെ വി​വി​ധ​യി​ട​ങ്ങ​ളി​ലാ​യി പ​തി​യി​രു​ന്ന 25ഓ​ളം വ​രു​ന്ന യു​വാ​ക്ക​ള്‍ സം​ഘ​ടി​ച്ചെ​ത്തു​ക​യാ​യി​രു​ന്നു.

വാ​ഹ​ന​ത്തി​ന് മു​ന്നി​ലേ​ക്കെ​ത്തി ത​ട​യു​ന്ന​ത് അ​പ​ക​ട​മാ​ണെ​ന്ന് മ​ന​സ്സി​ലാ​ക്കി​യ യു​വാ​ക്ക​ള്‍ ടാ​ങ്ക​ർ ലോ​റി നി​ര്‍ത്തി​യ​തി​ന്റെ മീ​റ്റ​റു​ക​ള്‍ക്ക​പ്പു​റം റോ​ഡി​ലൂ​ടെ ക​ട​ന്നു​പോ​കു​ന്ന ക​ണ്ടെ​യ്‌​ന​ര്‍ ലോ​റി ത​ട​സ്സ​മാ​യി നി​ര്‍ത്തി​ച്ചാ​ണ് ത​ട​യാ​ന്‍ നീ​ക്കം ന​ട​ത്തി​യ​ത്. അ​പ​ക​ടം മ​ന​സ്സി​ലാ​ക്കി​യ മാ​ലി​ന്യ ലോ​റി വ​ന്ന വ​ഴി​ക്ക് ത​ന്നെ തി​രി​ച്ച് ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും നാ​ട്ടു​കാ​ർ സം​ഘ​ടി​ച്ച​തോ​ടെ പ്ര​തി​രോ​ധ​ത്തി​ലാ​യി. ഇ​തോ​ടെ വാ​ഹ​നം ആ​റു​വ​രി​പ്പാ​ത​യു​ടെ മ​തി​ലി​ല്‍ വി​ല​ങ്ങ​നെ ഇ​ടി​ച്ചു​നി​ര്‍ത്തി ഡ്രൈ​വ​റും സ​ഹാ​യി​യും ചാ​വി​യെ​ടു​ത്ത് ഓ​ടി ര​ക്ഷ​പ്പെ​ടു​ക​യാ​യി​രു​ന്നു. നാ​ട്ടു​കാ​ര്‍ പി​ന്തു​ട​ര്‍ന്നെ​ങ്കി​ലും പൈ​ല​റ്റ് വാ​ഹ​ന​മെ​ന്നോ​ണം ത​ത്സ​മ​യം എ​ത്തി​യ കാ​റി​ല്‍ ക​യ​റി​യാ​ണ് ഇ​വ​ര്‍ ര​ക്ഷ​പ്പെ​ട്ട​തെ​ന്ന് നാ​ട്ടു​കാ​ര്‍ പ​റ​ഞ്ഞു. വാ​ഹ​ന​ത്തി​ന്റെ ചാ​വി​യി​ല്ലാ​ത്ത​തി​നാ​ൽ സ​ർ​വി​സ് റോ​ഡി​ൽ കി​ട​ന്ന ടാ​ങ്ക​ർ ലോ​റി മാ​റ്റാ​നാ​യി​ല്ല.

എ​ൻ.​എ​ച്ച് നി​ർ​മാ​ണ ക​മ്പ​നി​യു​ടെ വാ​ഹ​നം ഉ​പ​യോ​ഗി​ച്ച് മാ​റ്റി​യ ശേ​ഷ​മാ​ണ് മ​ണി​ക്കൂ​റു​ക​ളോ​ളം നീ​ണ്ട ഗ​താ​ഗ​ത ത​ട​സ്സം ഒ​ഴി​വാ​യ​ത്. കെ.​എ​ല്‍ 32 ബി 3878 ​എ​ന്ന ന​മ്പ​ര്‍ പ്ലേ​റ്റ് ഘ​ടി​പ്പി​ച്ച ടാ​ങ്ക​ര്‍ ലോ​റി​യി​ല്‍ ന​മ്പ​ർ വ്യ​ക്ത​മാ​വാ​തി​രി​ക്കാ​ൻ മ​ഞ്ഞ പെ​യി​ന്റ​ടി​ച്ച നി​ല​യി​ലാ​യി​രു​ന്നു. ടാ​ങ്ക​ർ ലോ​റി തേ​ഞ്ഞി​പ്പ​ലം പൊ​ലീ​സ് ക​സ്റ്റ​ഡി​യി​ലെ​ടു​ത്തു. വാ​ഹ​ന ഉ​ട​മ​യെ തി​രി​ച്ച​റി​ഞ്ഞ​താ​യി പൊ​ലീ​സ് പ​റ​ഞ്ഞു. ഗ്രാ​മ പ​ഞ്ചാ​യ​ത്ത് സ്ഥി​രം സ​മി​തി അ​ധ്യ​ക്ഷ​രാ​യ ഉ​ഷ തോ​മ​സ്, ഇ​ഖ്ബാ​ല്‍ പൈ​ങ്ങോ​ട്ടൂ​ര്‍ എ​ന്നി​വ​രും തേ​ഞ്ഞി​പ്പ​ലം പൊ​ലീ​സും സ്ഥ​ല​ത്തെ​ത്തി. ഇ​ത്ത​ര​ത്തി​ല്‍ പി​ടി​ക്ക​പ്പെ​ടു​ന്ന വാ​ഹ​ന​ങ്ങ​ള്‍ക്ക് ചെ​റി​യ പി​ഴ ഈ​ടാ​ക്കി വി​ട്ട​യ​ക്കു​ന്ന​തി​ന് പ​ക​രം വാ​ഹ​നം ക​ണ്ട് കെ​ട്ടു​ന്ന​തു​ള്‍പ്പെ​ടെ ക​ര്‍ശ​ന ന​ട​പ​ടി​യെ​ടു​ക്കാ​ന്‍ പൊ​ലീ​സ് ത​യാ​റാ​ക​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു.