ഡോ​ക്ട​ർ​മാ​രു​ടെ ക്വാ​ർ​ട്ടേ​ഴ്സ് ഇ​ടി​ച്ചു​നി​ര​ത്തി; ഇ​നി വ​യോ​ജ​ന പാ​ർ​ക്ക്

വേ​ങ്ങ​ര: വേ​ങ്ങ​ര സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ലെ ഡോ​ക്ട​ർ​മാ​രു​ടെ കാ​ല​പ്പ​ഴ​ക്കം ചെ​ന്ന ക്വാ​ർ​ട്ടേ​ഴ്സ് ഇ​ടി​ച്ചു​നി​ര​ത്തി. ജീ​ർ​ണാ​വ​സ്ഥ​യി​ലാ​യി​രു​ന്ന ഈ ​കെ​ട്ടി​ടം പൊ​ളി​ച്ചു​മാ​റ്റി പ​ക​രം വ​യോ​ജ​ന​ങ്ങ​ൾ​ക്ക് പാ​ർ​ക്കും വാ​ഹ​ന പാ​ർ​ക്കി​ങ്ങി​നും സൗ​ക​ര്യ​പ്പെ​ടു​ത്താ​നാ​ണ് വേ​ങ്ങ​ര ബ്ലോ​ക്ക് പ​ഞ്ചാ​യ​ത്തി​ന്റെ നീ​ക്ക​മെ​ന്ന​റി​യു​ന്നു. പ​തി​റ്റാ​ണ്ടു​ക​ൾ​ക്ക് മു​മ്പേ കി​ട​ത്തി ചി​കി​ത്സ​യും സ്ത്രീ ​രോ​ഗ വി​ഭാ​ഗ​വു​മൊ​ക്കെ കാ​ര്യ​ക്ഷ​മ​മാ​യി ന​ട​ന്നി​രു​ന്ന ഈ ​ആ​ശു​പ​ത്രി​ക്ക് മൂ​ന്നു​നി​ല​ക​ളി​ലാ​യി വ​മ്പ​ൻ കെ​ട്ടി​ടം നി​ർ​മി​ച്ചെ​വെ​ങ്കി​ലും പ​ഴ​യ പ്ര​താ​പ​ത്തി​ലേ​ക്ക് തി​രി​ച്ചു​പോ​വാ​ൻ ക​ഴി​ഞ്ഞി​ട്ടി​ല്ല. ബ്ലോ​ക്കി​ലെ മു​ഴു​വ​ൻ പ​ഞ്ചാ​യ​ത്തു​ക​ളി​ലെ​യും ആ​ളു​ക​ൾ​ക്ക് ആ​ശ്ര​യ​മാ​യി​രു​ന്ന ഈ ​ആ​തു​രാ​ല​യ​ത്തി​ൽ സൗ​ക​ര്യ​ങ്ങ​ൾ ഇ​പ്പോ​ഴും തു​ലോം കു​റ​വാ​ണ്.

ഡ​യാ​ലി​സി​സ് സെ​ന്റ​ർ വ​രു​മെ​ന്ന പ്ര​തീ​ക്ഷ​യി​ലാണ് കെട്ടിടം നി​ർ​മി​ച്ചത്. എന്നാൽ കെ​ട്ടി​ട​ത്തി​ൽ ഡ​യാ​ലി​സി​സ് സെ​ന്റ​ർ തു​ട​ങ്ങു​ന്ന​തി​ന് സ​ർ​ക്കാ​രി​ന്റെ ഭാ​ഗ​ത്തു​നി​ന്നും സാ​ങ്കേ​തി​ക ത​ട​സ്സ​ങ്ങ​ളു​ണ്ടെ​ന്ന് ബ്ലോ​ക്ക് അം​ഗം സി.​എം. അ​സീ​സ് ഉ​ൾ​പ്പെ​ടെ​യു​ള്ള​വ​ർ പ​റ​യു​ന്നു. കി​ട​ത്തി ചി​കി​ത്സ കാ​ര്യ​ക്ഷ​മ​മ​ല്ലാ​ത്ത​തി​നാ​ൽ ഡോ​ക്ട​ർ​മാ​ർ ആ​ശു​പ​ത്രി​ക്ക​ടു​ത്ത് താ​മ​സി​ക്കേ​ണ്ട ആ​വ​ശ്യ​വും വ​രു​ന്നി​ല്ല. അ​തു​കൊ​ണ്ട് കൂ​ടി​യാ​ണ് ക്വാ​ർ​ട്ടേ​ഴ്‌​സു​ക​ൾ നി​ന്നി​ട​ത്ത് വ​യോ​ജ​ന പാ​ർ​ക്ക് നി​ർ​മി​ക്കാ​ൻ തീ​രു​മാ​നി​ച്ച​തെ​ന്ന് ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ബെ​ൻ​സീ​റ ടീ​ച്ച​ർ ‘മാ​ധ്യ​മ’​ത്തോ​ട് പ​റ​ഞ്ഞു.

പാ​ർ​ക്കി​നോ​ട​നു​ബ​ന്ധി​ച്ച് ഓ​പ​ൺ ജി​ംനേ​ഷ്യ​വും നി​ർ​മി​ക്കാ​ൻ പ​ദ്ധ​തി​യു​ണ്ടെ​ന്ന് ബ​ന്ധ​പ്പെ​ട്ട​വ​ർ പ​റ​യു​ന്നു.