വ​ലി​യോ​റ വാ​ക്കി​ക്ക​യം റെ​ഗു​ലേ​റ്റ​ർ നി​ർ​മാ​ണം; പൂ​ർ​ത്തീ​ക​രി​ക്കാ​ൻ മ​നു​ഷ്യാ​വ​കാ​ശ ക​മീ​ഷ​ൻ ഉ​ത്ത​ര​വ്

വേ​ങ്ങ​ര: വേ​ങ്ങ​ര, ഊ​ര​കം, ക​ണ്ണ​മം​ഗ​ലം, പ​റ​പ്പൂ​ർ, തെ​ന്ന​ല, പെ​രു​മ​ണ്ണ, ക്ലാ​രി, പ​ഞ്ചാ​യ​ത്തു​ക​ളു​ടെ കു​ടി​വെ​ള്ള സ്രോ​ത​സ്സാ​യ ക​ട​ലു​ണ്ടി​പ്പു​ഴ​യി​ലെ വ​ലി​യോ​റ പാ​ണ്ടി​ക​ശാ​ല​യി​ൽ മൂ​ന്നു​വ​ർ​ഷം മു​മ്പ് നി​ർ​മാ​ണം പൂ​ർ​ത്തി​യാ​യ വാ​ക്കി​ക്ക​യം റെ​ഗു​ലേ​റ്റ​റി​ന്റെ അ​നു​ബ​ന്ധ പ്ര​വൃ​ത്തി​ക​ൾ പൂ​ർ​ത്തി​യാ​ക്കാ​ൻ കേ​ര​ള സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​ൻ ഉ​ത്ത​ര​വി​ട്ടു. ഇ​ത് സം​ബ​ന്ധി​ച്ച് ജ​ല​സേ​ച​ന വി​ഭാ​ഗം ചീ​ഫ് എ​ൻ​ജി​നീ​യ​ർ​ക്കും ജ​ല​നി​ധി എ​ക്സി​ക്യൂ​ട്ടീ​വ് ഡ​യ​റ​ക്ട​ർ​ക്കും ക​മ്മീ​ഷ​ൻ നി​ർ​ദേ​ശം ന​ൽ​കി.

വ​ലി​യോ​റ വാ​ക്കി​ക്ക​യം റ​ഗു​ലേ​റ്റ​റി​ന്‍റെ അ​നു​ബ​ന്ധ പ്ര​വ​ർ​ത്തി​ക​ൾ പൂ​ർ​ത്തീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് വേ​ങ്ങ​ര ഗ്രാ​മ​പ​ഞ്ചാ​യ​ത്ത് അം​ഗം യൂ​സു​ഫ​ലി വ​ലി​യോ​റ മ​നു​ഷ്യാ​വ​കാ​ശ ക​മീ​ഷ​ന് ന​ൽ​കി​യ പ​രാ​തി​യെ തു​ട​ർ​ന്നാ​ണ് ഉ​ത്ത​ര​വ്. റെ​ഗു​ലേ​റ്റ​റി​ന്റെ അ​നു​ബ​ന്ധ പ്ര​വൃ​ത്തി​യാ​യ 21 മീ​റ്റ​ർ പാ​ർ​ശ്വ​ഭി​ത്തി നി​ർ​മാ​ണം ഇ​നി​യും പൂ​ർ​ത്തി​യാ​യി​ട്ടി​ല്ല.

ഇ​തു​മൂ​ലം മ​ണ്ണും മ​ര​ങ്ങ​ളും പു​ഴ​യി​ലേ​ക്ക് ഇ​ടി​ഞ്ഞി​രു​ന്നു. റെ​ഗു​ലേ​റ്റ​റി​ന്റെ പ്ര​വൃ​ത്തി​ക​ൾ​ക്കാ​യി പു​ഴ​യി​ലേ​ക്ക് ക്രെ​യി​നും മ​ണ്ണു​മാ​ന്തി​യ​ന്ത്ര​ങ്ങ​ളു​മെ​ല്ലാം കൊ​ണ്ടു​പോ​കാ​ൻ സ്വ​കാ​ര്യ​വ്യ​ക്തി​ക​ളു​ടെ സ്ഥ​ല​മെ​ടു​ത്താ​ണ് പ​ഞ്ചാ​യ​ത്ത് റോ​ഡ് വി​തി​കൂ​ട്ടി​യ​ത്. ഇ​വി​ടെ സം​ര​ക്ഷ​ണ ഭി​ത്തി നി​ർ​മി​ക്കേ​ണ്ട​തു​ണ്ട്.

റോ​ഡ് വീ​തി കൂ​ട്ടാ​ൻ താ​ൽ​ക്കാ​ലി​ക​മാ​യി ഏ​റ്റെ​ടു​ത്ത സ്വ​കാ​ര്യ വ്യ​ക്തി​ക​ളൂ​ടെ സ്ഥ​ലം പൂ​ർ​വ​സ്ഥി​തി​യി​ലാ​ക്കാ​മെ​ന്ന ക​രാ​ർ ക​മ്പ​നി അ​ധി​കൃ​ത​രു​ടെ​യും ജ​ല​സേ​ച​ന വ​കു​പ്പ് ഉ​ദ്യോ​ഗ​സ്ഥ​രു​ടെ​യും വാ​ക്കാ​ലു​ള്ള ഉ​റ​പ്പും ന​ട​പ്പാ​യി​ട്ടി​ല്ല. എ​റ​ണാ​കു​ളം ആ​സ്ഥാ​ന​മാ​യ സെ​ഗൂ​റ ഫൗ​ണ്ടേ​ഷ​ൻ പ്രൈ​വ​റ്റ് ലി​മി​റ്റ​ഡ് എ​ന്ന ക​രാ​ർ ക​മ്പ​നി പ്ര​വൃ​ത്തി പാ​തി​വ​ഴി​യി​ൽ ഉ​പേ​ക്ഷി​ച്ചി​രു​ന്നു.

പ്രോ​ജ​ക്ട് ഓ​ഫി​സ് കെ​ട്ടി​ട​ത്തി​ന് കെ​ട്ടി​ട ന​മ്പ​റും വൈ​ദ്യു​തി ക​ണ​ക്ഷ​നും ല​ഭി​ക്കാ​ത്ത​തും റെ​ഗു​ലേ​റ്റ​റി​ന്റെ തു​ട​ർ​പ്ര​വ​ർ​ത്ത​ന​ത്തെ ബാ​ധി​ക്കു​ന്ന​താ​യി നാ​ട്ടു​കാ​ർ പ​റ​യു​ന്നു. ഇ​തു​മാ​യി ബ​ന്ധ​പ്പെ​ട്ട് ഇ​രു സ​ർ​ക്കാ​റി​ന്റെ കാ​ല​ത്തും ബ​ന്ധ​പ്പെ​ട്ട വ​കു​പ്പ് മ​ന്ത്രി​ക്കും ജ​ല​സേ​ച​ന-​ജ​ല​നി​ധി ഉ​ദ്യോ​ഗ​സ്ഥ​ർ​ക്കും എം.​എ​ൽ.​എ അ​ട​ക്ക​മു​ള്ള ജ​ന​പ്ര​തി​നി​ധി​ക​ൾ നി​ര​വ​ധി ത​വ​ണ പ​രാ​തി ന​ൽ​കി​യി​ട്ടും പ​രി​ഹാ​ര​മു​ണ്ടാ​യി​ട്ടി​ല്ല.

ലോ​ക​ബാ​ങ്ക് സ​ഹാ​യ​ത്തോ​ടെ 20 കോ​ടി രൂ​പ ചി​ല​വി​ൽ 2016ലാ​ണ് ബാ​ക്കി​ക്ക​യം റെ​ഗു​ലേ​റ്റ​ർ നി​ർ​മാ​ണ പ്ര​വ​ർ​ത്തി ആ​രം​ഭി​ച്ച​ത്. 2020ഓ​ടെ പ്ര​വൃ​ത്തി പൂ​ർ​ത്തീ​ക​രി​ച്ചെ​ങ്കി​ലും അ​നു​ബ​ന്ധ പ്ര​വ​ർ​ത്തി​ക​ൾ പൂ​ർ​ത്തീ​ക​രി​ച്ചി​ട്ടി​ല്ലാ​യി​രു​ന്നു. അ​നു​ബ​ന്ധ പ്ര​വൃ​ത്തി​ക​ൾ​ക്കാ​യു​ള്ള അ​ഞ്ചു കോ​ടി​യോ​ളം രൂ​പ​യു​ടെ എ​സ്റ്റി​മേ​റ്റ് ജ​ല​വി​ഭ​വ​വ​കു​പ്പ് മ​ന്ത്രി​യു​ടെ പ​രി​ഗ​ണ​ന​യി​ലാ​ണ്. മ​നു​ഷ്യാ​വ​കാ​ശ ക​മീ​ഷ​ൻ ഉ​ത്ത​ര​വാ​യ​തോ​ടെ തു​ട​ർ​പ്ര​വ​ർ​ത്ത​ന​ങ്ങ​ൾ​ക്ക് വേ​ഗ​ത കൂ​ടു​മെ​ന്നാ​ണ് പ്ര​തീ​ക്ഷ.