ഇല്ലങ്ങളിലും മനകളിലും തൃക്കാക്കരയപ്പനെ കുടിയിരുത്തി

ആ​ന​ക്ക​ര: അ​ത്തം നാ​ളി​ല്‍ ഇ​ല്ല​ങ്ങ​ളി​ലും മ​ന​ക​ളി​ലും തൃ​ക്കാ​ക്ക​ര​യപ്പ​നെ കു​ടി​യി​രു​ത്തി. ഓ​ണാ​ഘോ​ഷ​ത്തി​ന്റെ പ്ര​ധാ​ന ച​ട​ങ്ങാ​ണി​ത്. എ​ന്നാ​ല്‍ മ​റ്റു വീ​ടു​ക​ളി​ല്‍ ഈ ​ച​ട​ങ്ങ് ഉ​ത്രാ​ട​ത്തി​നാ​ണ് ന​ട​ക്കു​ക. നാ​ക്കി​ല വെ​ച്ച് ര​ണ്ടി​ട​ത്തും തൃ​ക്കാ​ക്ക​ര​യ​പ്പ​നെ വെ​ക്കും. മൂ​ലം നാ​ളി​ല്‍ നാ​ക്കി​ല​ക്കു താ​ഴെ മ​ര​പ്പ​ല​ക വെ​ക്കും. മ​ണ്ണു​കൊ​ണ്ടു​ള്ള തൃ​ക്കാ​ക്ക​ര​യപ്പ​നെ വെ​ച്ചാ​ല്‍ നെ​റു​ക​യി​ല്‍ അ​ല​രി​പ്പൂ​ക്ക​ള്‍ കു​ത്തും. തു​മ്പ​പ്പൂ, ക​ണ്ണാ​ന്ത​ളി​പ്പൂ എ​ന്നി​വ വ​ട്ടി​ക​ള്‍ ക​മ​ഴ്ത്തി തൃ​ക്കാ​ക്ക​ര​യപ്പ​ന്റെ നെ​റു​ക​യി​ല്‍ വ​ര്‍ഷി​ക്കും. പൂ​രാ​ടം നാ​ള്‍ ‘മു​ട്ടി’​ക്കു​പ​ക​രം നാ​ലു​കാ​ലു​ള്ള പീ​ഠ​മാ​ണ് വെ​ക്കു​ക. ഇ​തി​നോ​ടൊ​പ്പം തൃ​ക്കാ​ക്ക​ര​യപ്പ​ന്റെ എ​ണ്ണ​വും കൂ​ടു​ത​ല്‍ വെ​ക്കും. ഉ​ത്രാ​ടം നാ​ള്‍ വൈ​കു​ന്നേ​രം ര​ണ്ടാ​മ​തും ഒ​രു തൃ​ക്കാ​ക്ക​ര​യപ്പ​നെ കൂ​ടി വെ​ക്കാ​റു​ണ്ട്. പി​ന്നെ എ​ടു​ത്ത് ഒ​ഴി​വാ​ക്കു​ന്ന​ത് പൂ​രു​രു​ട്ടാ​തി നാ​ളി​ലാ​ണ്.

ന​ടു​മു​റ്റ​ത്ത് മൂ​ന്ന് സ്ഥ​ല​ത്താ​ണ് പീ​ഠ​ങ്ങ​ള്‍. നി​ല​ത്ത് അ​രി​മാ​വു​കൊ​ണ്ട് താ​മ​ര​ത്താ​ളു​ക​ള്‍ അ​ണി​ഞ്ഞ(​വ​ര​ച്ച) ശേ​ഷം ചു​റ്റും ഓ​ണ​വി​ല്ലും വി​ല്‍ക്കോ​ലും വ​ര​ച്ചു​വെ​ക്കും. തൃ​ക്കാ​ക്ക​ര​യപ്പ​നെ അ​രി​മാ​വു​കൊ​ണ്ട് അ​ല​ങ്ക​രി​ക്കും. അ​തി​നു​ശേ​ഷ​മാ​ണ് നെ​റു​ക​യി​ല്‍ പൂ​ക്ക​ള്‍ കു​ത്തു​ക. മൂ​ന്ന് പീ​ഠ​ങ്ങ​ള്‍ ഉ​ണ്ടാ​കും. ഒ​മ്പ​ത് തൃ​ക്കാ​ക്ക​ര​യപ്പ​ന്മാ​ര്‍ ഉ​ണ്ടാ​കും. മ​ഹാ​ബ​ലി​ക്കും വി​ഷ്ണു​വി​നും ശി​വ​നും ല​ക്ഷ്മി​ദേ​വി​ക്കും ശ്രീ​പാ​ര്‍വ​തി​ക്കും ഗ​ണ​പ​തി​ക്കും സു​ബ്ര​ഹ്മ​ണ്യ​നും തി​രു​വോ​ണം മു​ത​ല്‍ നാ​ല് ദി​വ​സ​വും പ​ഴ​വും അ​ട​യും നി​വേ​ദി​ക്കും. മ​റ്റു​ള്ള​വ​ര്‍ക്ക് ഓ​രോ ക​ഷ്ണം പ​ഴം തൊ​ലി​ക​ള​ഞ്ഞു വെ​ക്കും. മൂ​ന്ന് പ്ര​ധാ​ന തൃ​ക്കാ​ക്ക​ര​യപ്പ​ന്മാ​ര്‍ക്ക് പൂ​ണൂ​ല്‍, ഓ​ല​ക്കു​ട, ദ​ണ്ഡ്, വി​ല്ല്, വി​ല്‍ക്കോ​ല്‍ എ​ന്നി​വ വെ​ച്ചു​കൊ​ടു​ക്കാ​റു​ണ്ട്. ജി​ല്ല​യി​ലെ പ​ടി​ഞ്ഞാ​റ​ന്‍ മേ​ഖ​ല​ക​ളി​ലും ജി​ല്ല അ​തി​ര്‍ത്തി പ്ര​ദേ​ശ​ങ്ങ​ളി​ലെ മ​ന​ക​ളി​ലും ഇ​ല്ല​ങ്ങ​ളി​ലും ആ​ഘോ​ഷ​പൂ​ർ​വം അ​പ്പ​നെ വെ​ക്ക​ല്‍ ച​ട​ങ്ങ് ന​ട​ക്കാ​റു​ണ്ട്.