കോ​ട്ടാ​യി ഗ​വ. ആ​ശു​പ​ത്രി ത​ക​ർ​ന്നു​വീ​ഴാ​വു​ന്ന നി​ല​യി​ൽ; പു​തി​യ കെ​ട്ടി​ടം അ​ട​ഞ്ഞു​ത​ന്നെ

കോ​ട്ടാ​യി: സാ​ധാ​ര​ണ​ക്കാ​രാ​യ ആ​യി​ര​ങ്ങ​ൾ ചി​കി​ത്സ തേ​ടി എ​ത്തു​ന്ന സ​ർ​ക്കാ​ർ ആ​ശു​പ​ത്രി കെ​ട്ടി​ടം ഏ​തു​സ​മ​യ​ത്തും ത​ക​ർ​ന്നു​വീ​ഴാ​വു​ന്ന നി​ല​യി​ൽ. ജീ​വ​ന​ക്കാ​രും രോ​ഗി​ക​ളും ആ​ശു​പ​ത്രി​യി​ൽ ക​ഴി​യു​ന്ന​ത് ഉ​ൾ​ക്കി​ടി​ല​ത്തോ​ടെ. ദി​നേ​ന 250ൽ ​കു​ടു​ത​ൽ രോ​ഗി​ക​ൾ എ​ത്താ​റു​ള്ള ആ​ശു​പ​ത്രി​യി​ൽ ഇ​രി​ക്കു​ന്ന​ത് പോ​യി​ട്ട് നേ​രെ ചൊ​വ്വെ നി​ൽ​ക്കാ​ൻ പോ​ലും ഇ​ട​മി​ല്ലാ​ത്ത സ്ഥി​തി​യാ​ണ്. മൂ​ന്നു​വ​ർ​ഷം മു​മ്പ് പ​ണി തു​ട​ങ്ങി​യ പു​തി​യ കെ​ട്ടി​ടം പ​ണി പൂ​ർ​ത്തി​യാ​യി​ല്ലെ​ന്ന പേ​രി​ൽ ഇ​ന്നും അ​ട​ഞ്ഞു​കി​ട​ക്കു​ക​യാ​ണ്.

കെ​ട്ടി​ടം തു​റ​ന്നു​കൊ​ടു​ക്കാ​ത്ത​തി​ൽ പ്ര​തി​ഷേ​ധം വ്യാ​പ​ക​മാ​ണ്. നി​ല​വി​ൽ ആ​ശു​പ​ത്രി പ്ര​വ​ർ​ത്തി​ക്കു​ന്ന നൂ​റു വ​ർ​ഷ​ത്തോ​ളം പ​ഴ​ക്ക​മു​ള്ള ഓ​ടി​ട്ട കെ​ട്ടി​ടം പൊ​ളി​ച്ചു​മാ​റ്റാ​ൻ ഉ​ത്ത​ര​വാ​യി​ട്ടു​ണ്ടെ​ങ്കി​ലും പു​തി​യ കെ​ട്ടി​ടം തു​റ​ക്കാ​ത്ത​തി​നാ​ൽ പ​ഴ​യ കെ​ട്ടി​ടം പൊ​ളി​ച്ചു​മാ​റ്റാ​ൻ നി​ർ​വാ​ഹ​മി​ല്ലെ​ന്നാ​ണ് പ​റ​യു​ന്ന​ത്.

എ.​കെ. ബാ​ല​ൻ ത​രൂ​ർ മ​ണ്ഡ​ലം എം.​എ​ൽ.​എ ആ​യി​രു​ന്ന കാ​ല​ത്ത് എം.​എ​ൽ.​എ​യു​ടെ 2020-21 വ​ർ​ഷ​ത്തെ ആ​സ്തി വി​ക​സ​ന ഫ​ണ്ടി​ൽ​നി​ന്നും 60 ല​ക്ഷം രൂ​പ ചെ​ല​വ​ഴി​ച്ച് പാ​ല​ക്കാ​ട് നി​ർ​മി​തി കേ​ന്ദ്ര​യാ​ണ് പു​തി​യ കെ​ട്ടി​ടം നി​ർ​മി​ച്ച​ത്. സ്ഥ​ല​പ​രി​മി​തി​യി​ൽ വീ​ർ​പ്പു​മു​ട്ടു​ന്ന ആ​ശു​പ​ത്രി​യി​ൽ പു​തി​യ കെ​ട്ടി​ടം തു​റ​ന്നു​കി​ട്ടു​ന്ന​തും പ്ര​തീ​ക്ഷി​ച്ചി​രി​ക്കു​ക​യാ​ണ് രോ​ഗി​ക​ളും ജീ​വ​ന​ക്കാ​രും.

പു​തി​യ കെ​ട്ടി​ട​ത്തി​ൽ വൈ​ദ്യു​തി ക​ണ​ക്ഷ​ൻ ല​ഭി​ക്കേ​ണ്ട​തു​ണ്ടെ​ന്നും ഒ​ബ്സ​ർ​വേ​ഷ​ൻ മു​റി, ഒ.​പി. കൗ​ണ്ട​ർ എ​ന്നീ കാ​ബി​നു​ക​ൾ പ​ണി​യ​ണ​മെ​ന്നും ഇ​തി​ന് എ​ൻ.​എ​ച്ച്.​എം (നാ​ഷ​ണ​ൽ ഹെ​ൽ​ത്ത് മി​ഷ​ൻ) ഫ​ണ്ട് ല​ഭി​ക്കാ​ത്ത​താ​ണ് പ്ര​ശ്ന​മെ​ന്നും പ​ഞ്ചാ​യ​ത്ത് പ്ര​സി​ഡ​ൻ​റ് എ. ​സ​തീ​ശ് പ​റ​യു​ന്നു. കു​ടും​ബാ​രോ​ഗ്യ കേ​ന്ദ്ര​മെ​ന്ന് പേ​രു​വെ​ച്ചി​ട്ടു​ണ്ടെ​ങ്കി​ലും ഔ​ദ്യോ​ഗി​ക​മാ​യി പ്ര​ഖ്യാ​പ​നം ന​ട​ന്നി​ട്ടി​ല്ലെ​ന്നും പ​റ​യു​ന്നു.