വിടവാങ്ങിയത് പച്ചപ്പിന്‍റെ തോഴൻ ക​ല്ലൂ​ർ ബാ​ല​ൻ

പ​റ​ളി: ‘മ​രി​ക്കും​മു​മ്പ് എ​നി​ക്ക് ഈ ​മ​ണ്ണി​ൽ ഒ​രു​കോ​ടി മ​രം ന​ട​ണം’ -ഇ​താ​യി​രു​ന്നു അ​ന്ത​രി​ച്ച പ​രി​സ്ഥി​തി പ്ര​വ​ർ​ത്ത​ക​ൻ ക​ല്ലൂ​ർ ബാ​ല​ന്‍റെ സ്വ​പ്നം.

2000ത്തി​ലാ​ണ് ഇ​രു​ച​ക്ര​വാ​ഹ​ന​ത്തി​ൽ ചെ​ടി​ക​ളും ക​മ്പി​പ്പാ​ര​യു​മാ​യി മ​ഴ​യും വെ​യി​ലും മ​റ​ന്ന് വ​ഴി​യോ​ര​ങ്ങ​ളി​ൽ മ​രം ന​ടാ​ൻ ബാ​ല​ൻ രം​ഗ​ത്തി​റ​ങ്ങി​യ​ത്. ഇ​തേ തു​ട​ർ​ന്നാ​ണ് 2011ൽ ​സ​ർ​ക്കാ​റി​ന്‍റെ വ​ന​മി​ത്ര അ​വാ​ർ​ഡ് ബാ​ല​നെ തേ​ടി​യെ​ത്തി​യ​ത്. തേ​നൂ​ർ അ​യ്യ​ർ​മ​ല​യു​ടെ ഓ​ര​ങ്ങ​ളി​ൽ തു​ട​ങ്ങി​യ ബാ​ലേ​ട്ട​ന്‍റെ ഹ​രി​ത​പ്ര​യാ​ണം പാ​ല​ക്കാ​ട്, തൃ​ശൂ​ർ, മ​ല​പ്പു​റം ജി​ല്ല​ക​ളി​ലേ​ക്ക് വ്യാ​പി​ച്ചു. പാ​ല​ക്കാ​ട് ജി​ല്ല​ക്ക് 2013ൽ ​കേ​ന്ദ്ര സ​ർ​ക്കാ​റി​ന്‍റെ വ​ന​മി​ത്ര അ​വാ​ർ​ഡ് നേ​ടി​ക്കൊ​ടു​ത്ത​തി​ൽ മു​ഖ്യ​പ​ങ്ക് ക​ല്ലൂ​ർ ബാ​ല​ന്‍റേ​താ​ണ്.

കോ​വി​ഡ് കാ​ല​ത്ത് എ​ല്ലാം സ്തം​ഭി​ച്ച​പ്പോ​ൾ വ​ന​ജീ​വി​ക​ളും പ​ക്ഷി​ക​ളും പ​റ​വ​ക​ളും വി​ശ​പ്പ​ട​ക്കി​യ​ത് ക​ല്ലൂ​ർ ബാ​ല​ന്‍റെ നി​സ്വാ​ർ​ഥ സേ​വ​ന​ത്തി​ലാ​ണ്. വ്യാ​പാ​ര​സ്ഥാ​പ​ന​ങ്ങ​ളി​ൽ​നി​ന്ന് പ​ഴ​ങ്ങ​ൾ ശേ​ഖ​രി​ച്ച് ഇ​റാം മോ​ട്ടോ​ഴ്സ് ഗ്രൂ​പ് സൗ​ജ​ന്യ​മാ​യി ന​ൽ​കി​യ ബൊ​ലേ​റോ വാ​ഹ​ന​ത്തി​ൽ എ​ത്തി​ച്ച് വാ​ള​യാ​ർ​ക്കാ​ട് മു​ത​ൽ ക​ല്ലൂ​ർ ചു​ടി​യ​ൻ മ​ല​വ​രെ വ​ഴി​യോ​ര​ങ്ങ​ളി​ൽ ഇ​ട്ടു​കൊ​ടു​ത്ത് വ​ന​ജീ​വി​ക​ളു​ടെ വി​ശ​പ്പി​ന് പ​രി​ഹാ​രം ക​ണ്ടി​രു​ന്ന ക​ല്ലൂ​ർ ബാ​ല​നെ കാ​ത്ത് ഇ​ന്നും അ​യ്യ​ർ​മ​ല​യി​ൽ നൂ​റു​ക​ണ​ക്കി​ന് വാ​ന​ര​പ്പ​ട ഇ​രി​പ്പു​ണ്ട്.

അ​വ​സാ​ന കാ​ല​ത്ത് പാ​ല​ക്കാ​ടി​ന്‍റെ ക​രി​മ്പ​ന പ്ര​താ​പം തി​രി​ച്ചു​പി​ടി​ക്കാ​നു​ള്ള യ​ത്ന​ത്തി​ലാ​യി​രു​ന്നു. ജി​ല്ല​യി​ലാ​ക​മാ​നം 10 ല​ക്ഷം ക​രി​മ്പ​ന​ത്തൈ​ക​ൾ ന​ട്ടു​പി​ടി​പ്പി​ക്കാ​നാ​യി​രു​ന്നു പ​ദ്ധ​തി. ഇ​തി​ൽ അ​ഞ്ചു ല​ക്ഷ​ത്തോ​ളം ന​ട്ടു​ക​ഴി​ഞ്ഞ​താ​യി ര​ണ്ടു ദി​വ​സം മു​മ്പ് ബാ​ല​ൻ പ​റ​ഞ്ഞി​രു​ന്നു.