അപകടം പടിവാതിൽക്കൽ; കൊല്ലങ്കോട്ടെ വെള്ളച്ചാട്ടങ്ങളിൽ സഞ്ചാരികളുടെ എണ്ണം കൂടി

കൊ​ല്ല​ങ്കോ​ട്: മ​ഴ തു​ട​ങ്ങി​യ​തോ​ടെ കൊ​ല്ല​ങ്കോ​ട്ടേ​ക്ക് വി​നോ​ദ സ​ഞ്ചാ​രി​ക​ളു​ടെ വ​ര​വ് വ​ർ​ധി​ച്ചു. എ​ന്നാ​ൽ, വെ​ള്ള​ച്ചാ​ട്ട​ത്തി​ൽ സാ​ഹ​സി​ക​മാ​യി കു​ളി​ക്കു​ന്ന​വ​ർ​ക്ക് ഒ​രു നി​യ​ന്ത്ര​ണ​വു​മി​ല്ല. നീ​രൊ​ഴു​ക്ക് വ​ർ​ധി​ച്ച​തോ​ടെ ഞാ​യ​റാ​ഴ്ച മാ​ത്രം 800ല​ധി​കം വി​നോ​ദ​സ​ഞ്ചാ​രി​ക​ളാ​ണ് എ​ത്തി​യ​ത്. മ​ഴ​ക്കാ​ല​ത്ത് വെ​ള്ള​ച്ചാ​ട്ട​ങ്ങ​ളി​ൽ വി​നോ​ദ​സ​ഞ്ചാ​രി​ക​ൾ​ക്ക് പ്ര​വേ​ശ​നം ക​ർ​ശ​ന​മാ​യി വി​ല​ക്കി​യി​ട്ടു​ണ്ടെ​ങ്കി​ലും പ്രാ​വ​ർ​ത്തി​ക​മാ​യി​ട്ടി​ല്ല.

30 അ​ടി​യോ​ളം ഉ​യ​ര​ത്തി​ൽ​നി​ന്ന് വെ​ള്ള​ച്ചാ​ട്ട​ത്തി​ലേ​ക്ക് ചാ​ടി കു​ളി​ക്കു​ന്ന​വർ നി​ര​വ​ധി​യാ​ണ്. ഇ​വ​രെ നി​യ​ന്ത്രി​ക്കാ​ൻ വ​നം​വ​കു​പ്പി​ന്റെ ഉ​ദ്യോ​ഗ​സ്ഥ​നും ഉ​ണ്ടാ​യി​രു​ന്നി​ല്ല. മ​ഴ ആ​രം​ഭി​ച്ചതോ​ടു​കൂ​ടി കൊ​ല്ല​ങ്കോ​ട്ടി​ലെ വെ​ള്ള​ച്ചാ​ട്ട​ങ്ങ​ളെ​ക്കു​റി​ച്ച് സ​മൂ​ഹ​മാ​ധ്യ​മ​ങ്ങ​ളി​ൽ കൂ​ടു​ത​ൽ പ്ര​ചാ​ര​ണം ചൂ​ട് പി​ടി​ച്ച​തോ​ടു​കൂ​ടി​യാ​ണ് പാ​ല​ക്കാ​ട്, മ​ല​പ്പു​റം, തൃ​ശൂ​ർ ജി​ല്ല​ക​ളി​ൽ​നി​ന്നുംകോ​യ​മ്പ​ത്തൂ​ർ, പൊ​ള്ളാ​ച്ചി, പ​ഴ​നി തു​ട​ങ്ങി​യ ത​മി​ഴ്നാ​ട്ടി​ലെ പ്ര​ദേ​ശ​ങ്ങ​ൾ​നി​ന്ന് വ​ൻ​തോ​തി​ൽ സ​ഞ്ചാ​രി​ക​ൾ എ​ത്തു​ന്ന​ത്. സീ​താ​ർ കു​ണ്ട് വെ​ള്ള​ച്ചാ​ട്ട​മാ​ണ് ഇ​തി​ൽ പ്ര​ധാ​ന​പ്പെ​ട്ട​ത്.

പ​ല​ക​പ്പാ​ണ്ടി, നി​ന്നു​കു​ത്തി, ചു​ക്രി​യാ​ൽ, വെ​ള്ള​രി മേ​ട് തു​ട​ങ്ങി​യ വെ​ള്ള​ച്ചാ​ട്ട​ങ്ങ​ൾ കാ​ണാ​ൻ സാ​ഹ​സി​ക​മാ​യി യാ​ത്ര ചെ​യ്യു​ന്ന​വ​രും നി​ര​വ​ധി​പേ​രു​ണ്ട്. വ​നം​വ​കു​പ്പി​ന്റെ മു​ന്ന​റി​യി​പ്പ് വ​ക​വെ​ക്കാ​തെ പോ​കു​ന്ന​വ​ർ നി​ര​വ​ധി​യാ​ണ്. വ​നം​വ​കു​പ്പി​ന്റെ 50 ല​ക്ഷം രൂ​പ​വ​ക​യി​രു​ത്തി വി​നോ​ദ​സ​ഞ്ചാ​രി​ക​ൾ​ക്ക് സു​ര​ക്ഷ ക്ര​മീ​ക​ര​ണ നി​ർ​മാ​ണ​ങ്ങ​ൾ ന​ട​ന്നു​വ​രു​ന്ന​താ​യി കൊ​ല്ല​ങ്കോ​ട് റേ​ഞ്ച് ഓ​ഫി​സ​ർ കെ. ​പ്ര​മോ​ദ് പ​റ​ഞ്ഞു.

വ​നം​വ​കു​പ്പി​ന് ല​ഭി​ച്ച 12 സെൻറ് സ്ഥ​ല​ത്ത് ടി​ക്ക​റ്റ് കൗ​ണ്ട​ർ ടോ​യ്ല​റ്റ് തു​ട​ങ്ങി​യ​വ​യു​ടെ നി​ർ​മാ​ണ​ം ന​ട​ക്കു​ന്ന​താ​യും വി​നോ​ദ​സ​ഞ്ചാ​രി​ക​ൾ വെ​ള്ള​ച്ചാ​ട്ട​ങ്ങ​ളി​ലേ​ക്ക് ഇ​റ​ങ്ങാ​തി​രി​ക്കാ​ൻ ഉ​റ​പ്പു​ള്ള വേ​ലി​യും ക​യ​റി ഇ​റ​ങ്ങു​വാ​നു​ള്ള ക​ൽ​പ്പ​ട​വു​ക​ളും നിർമിക്കുനുണ്ട്. ര​ണ്ടാ​ഴ്ച​ക്ക​കം ഇ​വ പൂ​ർ​ത്തീ​ക​രി​ക്കു​മെ​ന്ന് റേ​ഞ്ച് ഓ​ഫി​സ​ർ പ​റ​ഞ്ഞു.

മ​ഴ സ​മ​യ​ങ്ങ​ളി​ൽ വെ​ള്ള​ച്ചാ​ട്ട​ങ്ങ​ളി​ൽ ഇ​റ​ങ്ങാ​ൻ അ​നു​വ​ദി​ക്കി​ല്ലെ​ന്നും വ​ശ​ങ്ങ​ളി​ൽ നി​ന്നും വെ​ള്ള​ച്ചാ​ട്ട​ങ്ങ​ൾ ക​ണ്ട് തി​രി​ച്ചു​പോ​കു​വാ​നു​ള്ള സം​വി​ധാ​ന​മാ​ണ് ഒ​രു​ക്കു​ന്ന​ത്. ടി​ക്ക​റ്റ് കൗ​ണ്ട​ർ തു​ട​ങ്ങു​ന്ന​തോ​ടെ ആ​റ് വ​നം ഉ​ദ്യോ​ഗ​സ്ഥ​രെ സീ​താ​ർ കു​ണ്ടി​ൽ നി​യ​മി​ക്കും. എ​ന്നാ​ൽ, സു​ര​ക്ഷ പ്ര​വ​ർ​ത്ത​ന​ങ്ങ​ൾ പൂ​ർ​ത്തീ​ക​രി​ക്കാ​ൻ കാ​ല​താ​മ​സം ഉ​ണ്ടാ​യി എ​ന്ന് നാ​ട്ടു​കാ​ർ ആ​രോ​പി​ച്ചു.