റൈഡർമാർക്ക് റീൽസ് നാട്ടുകാർക്ക് ജീവഭയം...

കൊ​ല്ല​ങ്കോ​ട്: മേ​ഖ​ല​യി​ൽ അ​മി​ത​വേ​ഗ​ത​യി​ൽ ബൈ​ക്കോ​ടി​ച്ചു​ള്ള അ​പ​ക​ട​ങ്ങ​ൾ വ​ർ​ധി​ച്ചു​വ​രി​ക​യാ​ണ്. കൊ​ല്ല​ങ്കോ​ടി​നൻറെ സൗ​ന്ദ​ര്യം ആ​സ്വ​ദി​ക്കാ​നാ​യി എ​ത്തു​ന്ന ചി​ല ബൈ​ക്ക് റൈ​ഡ​ർ​മാ​രാ​ണ് അ​മി​ത​വേ​ഗ​ത്തി​ൽ സ​ഞ്ച​രി​ച്ച് അ​പ​ക​ട​ങ്ങ​ൾ സൃ​ഷ്ടി​ക്കു​ന്ന​ത്. ബൈ​ക്കി​ന്റെ മു​ന്നി​ലും ഹെ​ൽ​മ​റ്റി​ലും കാ​മ​റ​ക​ൾ സ്ഥാ​പി​ച്ചു അ​മി​ത​വേ​ഗ​ത്തി​ൽ ഓ​ടി​ക്കു​ന്ന​തു​മൂ​ലം നി​ര​വ​ധി​ അ​പ​ക​ട​ങ്ങ​ളാ​ണ് ഇ​വ​ർ വി​ളി​ച്ചു​വ​രു​ത്തു​ന്ന​ത്.

നെ​ന്മേ​നി, തേ​ക്കി​ൻ​ചി​റ, വ​രു​ത്തി, കാ​ച്ചാ​ങ്കു​റു​ശ്ശി, നെ​ടു​മ​ണി, വ​ട്ടേ​ക്കാ​ട് എ​ന്നി​വി​ട​ങ്ങ​ളി​ലെ ഇ​ട​വ​ഴി​ക​ളി​ലും ഗ്രാ​മീ​ണ വ​ഴി​ക​ളി​ലു​മാ​ണ് ഇ​വ​രു​ടെ റൈ​ഡ്. ഫോ​ട്ടോ​ഷൂ​ട്ട്, വി​ഡി​യോ ഷൂ​ട്ട് എന്ന പേ​രി​ൽ ബൈ​ക്കി​ൽ കാ​മ​റ ഘ​ടി​പ്പി​ച്ചു കൊ​ണ്ടു​ള്ള വേ​ഗ​ത മി​ക്ക​പ്പോ​ഴും വ​ഴി​യാ​ത്ര​ക്കാ​രെ​യും വി​ദ്യാ​ർ​ഥി​ക​ളെ​യും പ​രി​ക്കേൽ​പ്പിക്കാ​ൻ കാ​ര​ണ​മാ​യി​ട്ടു​ണ്ട്. കൊ​ല്ല​ങ്കോ​ട്-​തേ​ക്കി​ൻ​ചി​റ റോ​ഡി​ൽ ക​ഴി​ഞ്ഞ നാ​ലു​മാ​സ​ത്തി​നി​ടെ പ​ത്തി​ല​ധി​കം ബൈ​ക്ക് യാ​ത്ര​ക്കാ​രെ​യാ​ണ് നാ​ട്ടു​കാ​ർ ത​ട​ഞ്ഞു​നി​ർ​ത്തി താ​ക്കീ​ത് കൊടുത്ത് വി​ട്ട​യ​ച്ച​ത്.

തൃ​ശൂ​ർ, മ​ല​പ്പു​റം, പ​ട്ടാ​മ്പി, ഒ​റ്റ​പ്പാ​ലം തു​ട​ങ്ങി​യ പ്ര​ദേ​ശ​ങ്ങ​ളി​ൽ​നി​ന്നാ​ണ് കൊ​ല്ല​ങ്കോ​ട് സൗ​ന്ദ​ര്യം ആ​സ്വ​ദി​ക്കാ​ൻ ആളുകൾ ബൈ​ക്കു​ക​ളി​ൽ എ​ത്തു​ന്ന​ത്. സാ​ഹ​സി​കമായി സൗ​ന്ദ​ര്യം ആ​സ്വ​ദി​ക്കു​ന്ന​താ​ണ് ദു​രി​ത​മാ​കു​ന്ന​തെ​ന്ന് നാ​ട്ടു​കാ​ർ പ​റ​ഞ്ഞു. ല​ഹ​രി​യി​ൽ മൂന്നാ​െള വെച്ച് അ​മി​ത​വേ​ഗ​ത്തി​ൽ പോ​കു​ന്ന​വ​ർ കു​റ​വ​ല്ല. ബൈ​ക്കു​ക​ളി​ൽ അ​മി​ത​വേ​ഗ​ത​യി​ൽ പോ​യ​തി​നാ​ൽ മം​ഗ​ലം-​ഗോ​വി​ന്ദാ​പു​രം റോ​ഡി​ൽ ക​ഴി​ഞ്ഞ ര​ണ്ടു വ​ർ​ഷ​ത്തി​നി​ടെ 13ല​ധി​കം അ​പ​ക​ട മ​ര​ണ​ങ്ങ​ളാ​ണ് ഉ​ണ്ടാ​യി​ട്ടു​ള്ള​ത്.

കൊ​ല്ല​ങ്കോ​ട്-​പാ​ല​ക്കാ​ട് റോ​ഡി​ൽ നാ​ലി​ല​ധി​കം അ​പ​ക​ട മ​ര​ണ​ങ്ങ​ളും ഉ​ണ്ടാ​യി​ട്ടു​ണ്ട്. പൊ​ലീ​സ് പ​രി​ശോ​ധ​ന​ക​ളും മോ​ട്ടോ​ർ വാ​ഹ​ന വ​കു​പ്പി​ന്റെ പ​രി​ശോ​ധ​ന​ക​ളും ഉ​ണ്ടെ​ങ്കി​ലും ഇ​വ​യെ​ല്ലാം മ​റി​ക​ട​ന്നാ​ണ് ഇ​വ​രു​ടെ റോ​ഡി​ലെ അ​ഭ്യാ​സ​പ്ര​ക​ട​ന​ങ്ങ​ൾ. സാ​ധാ​ര​ണ​ക്കാ​രായ യാ​ത്ര​ക്കാ​രെ ഭീ​തി​യി​ലാ​ക്കി കൊ​ണ്ടു​ള്ള ഇ​ത്ത​രം റൈ​ഡ​ർ​മാ​രു​ടെ നി​ര​ത്തു​ക​ളി​ലെ അ​ഭ്യാ​സ​പ്ര​ക​ട​ന​ങ്ങ​ളിൽ ക​ർ​ശ​ന​മാ​യി ന​ട​പ​ടി​യെ​ടു​ക്കേ​ണ്ട ഉ​ദ്യോ​ഗ​സ്ഥ​രും മൗ​നം പാ​ലി​ക്കു​ക​യാ​ണ്. എ.​ഐ കാ​മ​റ​ക​ൾ ഉ​ണ്ടെ​ങ്കി​ലും അ​മി​ത​വേ​ഗ​തയി​ൽ രാ​ത്രി​യി​ൽ വ​രെ റോ​ഡി​ൽ ഇ​റ​ങ്ങു​ന്ന​വ​ർ കൊ​ല്ല​ങ്കോ​ട്ട് മേ​ഖ​ല​യി​ലു​ണ്ട്.