മേ​ട​മ​ഴ​യി​ൽ മ​നം കു​ളി​ര്‍ത്ത് ക​ര്‍ഷ​ക​ര്‍ ഒ​ന്നാം​വി​ള​ക്ക് വി​ത്തി​റ​ക്കി

കൂ​റ്റ​നാ​ട്: കും​ഭം, മീ​ന​മാ​സ​ങ്ങ​ളി​ൽ ല​ഭി​ച്ച ഇ​ട​മ​ഴ​യോ​ടൊ​പ്പം മേ​ട​ത്തി​ലും ഇ​ട​ക്കി​ടെ മ​ഴ ല​ഭി​ച്ച​തോ​ടെ ക​ർ​ഷ​ക​ർ ഏ​റെ ആ​ശ്വാ​സ​ത്തി​ൽ. മ​ഴ​ക്കൊ​പ്പം മി​ന്ന​ലും ഇ​ടി​യും ആ​ധി​കൂ​ട്ടു​മെ​ങ്കി​ലും താ​ൽ​ക്കാ​ലി​ക​മാ​യു​ള്ള ജ​ല​ക്ഷാ​മ​ത്തി​ന് പ​രി​ഹാ​ര​മാ​കു​മെ​ന്ന​താ​ണ് ആ​ശ്വാ​സം. പാ​ട​ത്ത് പ​തി​വ് പൊ​ടി​പ്പൂ​ട്ടു​ക​ള്‍ക്ക് ക​ര്‍ഷ​ക​ര്‍ തു​ട​ക്കം കു​റി​ച്ചു. വി​ത്ത് വി​ത​ച്ച് പു​തു​നാ​മ്പ് മു​ള​പ്പി​ക്കാ​നു​ള്ള ശ്ര​മ​മാ​ണ്. ഇ​ട​വ​പ്പാ​തി ക​നി​ഞ്ഞാ​ല്‍ ചി​ങ്ങ​ക്കൊ​യ്ത്തി​ന് പാ​ക​മാ​യി കൃ​ഷി​വി​പ​ണി ഉ​ണ​രും. എ​ന്നാ​ല്‍, അ​പ്ര​തീ​ക്ഷി​ത മ​ഴ എ​വി​ടെ​യെ​ത്തു​മെ​ന്ന ആ​ശ​ങ്ക​യും ഇ​ല്ലാ​തി​ല്ല. നെ​ൽ​കൃ​ഷി​യി​ലെ ഒ​ന്നാം​വി​ള, വി​രി​പ്പി​ന് ഒ​രു​ങ്ങി​ക്ക​ഴി​ഞ്ഞു ക​ർ​ഷ​ക​ർ. പൊ​ടി​വി​ത​ക്കു​ള്ള നി​ലം ന​ല്ല​വ​ണ്ണം ഉ​ഴു​ത് ക​ട്ട​യു​ട​ച്ച് പാ​ക​പ്പെ​ടു​ത്ത​ണം.

ഇ​ട​മ​ഴ ല​ഭി​ച്ച​തോ​ടെ ഇ​തി​നു​ള്ള പ്രാ​രം​ഭ​ന​ട​പ​ടി​ക​ള്‍ ആ​രം​ഭി​ച്ചി​രി​ക്കു​ക​യാ​ണ് ക​ർ​ഷ​ക​ർ. മ​ണ്ണി​ല്‍ ആ​വ​ശ്യ​ത്തി​നു ന​ന​വു​ണ്ടെ​ങ്കി​ലേ പൊ​ടി​വി​ത ഫ​ല​പ്ര​ദ​മാ​കൂ. ഇ​ക്കു​റി ആ​ന​ക്ക​ര പോ​ട്ടൂ​ർ പാ​ട​ശേ​ഖ​ര​ത്തി​ൽ 18 ഏ​ക്ക​റി​ലാ​ണ് വി​ത്തി​റ​ക്കി​യി​ട്ടു​ള്ള​ത്. ആ​ദ്യ​ഘ​ട്ട​ത്തി​ൽ ട്രാ​ക്ട​ർ കൊ​ണ്ട് ഉ​ഴു​തു​മ​റി​ച്ച പാ​ട​ത്ത് വി​ത്ത് വി​ത​യ്ക്കു​ന്ന ജോ​ലി​ക​ളാ​ണ് ന​ട​ക്കു​ന്ന​ത്. തൃ​ശൂ​ർ മ​ണ്ണു​ത്തി കാ​ർ​ഷി​ക സ​ർ​വ​ക​ലാ​ശാ​ല​യി​ൽ​നി​ന്നെ​ത്തി​ച്ച ‘മ​നോ​ര​ത്ന’ വി​ത്താ​ണ് കൃ​ഷി​ക്കാ​യി ഉ​പ​യോ​ഗി​ക്കു​ന്ന​ത്. മു​ൻ വ​ർ​ഷ​ങ്ങ​ളി​ൽ ജ്യോ​തി വി​ത്താ​യി​രു​ന്നു ഉ​പ​യോ​ഗി​ച്ചി​രു​ന്ന​ത്. ചാ​ലി​ശ്ശേ​രി പ​ഞ്ചാ​യ​ത്തി​ലെ പെ​രു​മ​ണ്ണൂ​രി​ലെ പാ​ട​ങ്ങ​ളി​ലും വി​രി​പ്പ് കൃ​ഷി​ക്കു​ള്ള ഒ​രു​ക്കം ആ​രം​ഭി​ച്ചി​ട്ടു​ണ്ട്.