ജൈ​വ​മാ​ലി​ന്യ സം​സ്ക​ര​ണ​ത്തി​ന് ഇ​നോ​ക്കു​ലം വിതരണം ചെയ്യാൻ തദ്ദേശ സ്വയംഭരണ വകുപ്പ്

പാ​ല​ക്കാ​ട്: ജൈ​വ​മാ​ലി​ന്യ മാ​ലി​ന്യ സം​സ്ക​ര​ണ​ത്തി​ന് ഇ​നോ​ക്കു​ലം വാ​ങ്ങി വി​ത​ര​ണം ചെ​യ്യാ​ൻ സ​ർ​ക്കാ​ർ ഉ​ത്ത​ര​വി​റ​ക്കി. ശു​ചി​ത്വ​മി​ഷ​ൻ, കു​ടും​ബ​ശ്രീ, ത​ദ്ദേ​ശ​സ്വ​യം​ഭ​ര​ണ വ​കു​പ്പ് തു​ട​ങ്ങി​യ​വ​ക്ക് ഇ​തു​സം​ബ​ന്ധി​ച്ച് മാ​ർ​ഗ​നി​ർ​ദേ​ശം ന​ൽ​കി. ഗു​ണ​മേ​ന്മ​യു​ള്ള ഇ​നോ​ക്കു​ലം ല​ഭി​ക്കാ​ത്ത​തി​നാ​ൽ ഉ​റ​വി​ട മാ​ലി​ന്യ സം​സ്ക​ര​ണ​ത്തി​ൽ പ്ര​തി​സ​ന്ധി നേ​രി​ട്ട​തോ​ടെ​യാ​ണ് ത​ദ്ദേ​ശ​സ്വ‍യം​ഭ​ര​ണ വ​കു​പ്പി​ന്‍റെ പു​തി​യ ഉ​ത്ത​ര​വ്. വീ​ടു​ക​ളി​ലും സ്ഥാ​പ​ന​ങ്ങ​ളി​ലും തു​മ്പൂ​ർ​മു​ഴി, വി​ൻ​ഡ്രോ പോ​ലു​ള്ള ക​മ്യൂ​ണി​റ്റി​ത​ല ക​മ്പോ​സ്റ്റി​ങ് സം​വി​ധാ​ന​ങ്ങ​ളി​ലും കാ​ര്യ​ക്ഷ​മ​മാ​യി പ്ര​വ​ർ​ത്തി​ക്കു​ന്ന​തി​ന് ഇ​നോ​ക്കു​ലം പ്ര​യോ​ജ​ന​പ്ര​ദ​മാ​ണ്.

എ​ന്നാ​ൽ ഇ​തി​ന്‍റെ ല​ഭ്യ​ത കു​റ​ഞ്ഞ​തോ​ടെ ഉ​റ​വി​ട മാ​ലി​ന്യ സം​സ്ക​ര​ണ​ത്തി​ന് പ്ര​തി​സ​ന്ധി നേ​രി​ട്ടു. ഇ​തി​നു​പ​രി​ഹാ​ര​മാ​യാ​ണ് ഗു​ണ​നി​ല​വാ​ര​മു​ള്ള ഇ​നോ​ക്കു​ലം ഉ​ൽ​പാ​ദി​പ്പി​ച്ച് വി​ത​ര​ണം ചെ​യ്യാ​നു​ള്ള തീ​രു​മാ​നം. ഇ​തി​നാ​യി സ​ർ​ക്കാ​ർ അ​ക്ര​ഡി​റ്റ​ഡ് ഏ​ജ​ൻ​സി​ക​ളും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ൾ മു​ഖേ​ന ഇ​നോ​ക്കു​ലം വി​ത​ര​ണം ചെ​യ്യാ​ൻ താ​ൽ​പ​ര്യ​മു​ള്ള സ്ഥാ​പ​ന​ങ്ങ​ളും ശു​ചി​ത്വ​മി​ഷ​ൻ മു​ഖേ​ന എം​പാ​ന​ൽ ചെ​യ്യ​ണം.

ശു​ചി​ത്വ​മി​ഷ​നി​ൽ എം​പാ​ന​ൽ ചെ​യ്ത ഏ​ജ​ൻ​സി​ക​ൾ, ഹ​രി​ത​ക​ർ​മ സേ​ന, കു​ടും​ബ​ശ്രീ സം​രം​ഭ​ക​ർ എ​ന്നി​വ​രി​ൽ​നി​ന്ന് മാ​ത്ര​മേ ഇ​നോ​ക്കു​ലം വാ​ങ്ങാ​ൻ പാ​ടു​ള്ളൂ. സ്വ​കാ​ര്യ ഏ​ജ​ൻ​സി​ക​ൾ മു​ഖേ​ന​യു​ള്ള വി​ത​ര​ണം ടെ​ൻ​ഡ​ർ മു​ഖേ​ന​യാ​ക്കി. ഇ​നോ​ക്കു​ല​ത്തി​ന്‍റെ ഗു​ണ​നി​ല​ര​വാ​രം സം​ബ​ന്ധി​ച്ച് അം​ഗീ​കൃ​ത ല​ബോ​റ​ട്ട​റി​ക​ളി​ൽ​നി​ന്നു​ള്ള പെ​ർ​ഫോ​മ​ൻ​സ് ഇ​വാ​ലു​വേ​ഷ​ൻ റി​പ്പോ​ർ​ട്ട്, പ്ര​തി​ദി​ന ഇ​നോ​ക്കു​ലം നി​ർ​മാ​ണ ശേ​ഷി എ​ന്നി​വ വി​ല​യി​രു​ത്തും. അം​ഗീ​കൃ​ത ഏ​ജ​ൻ​സി​ക​ൾ നേ​രി​ട്ട് വി​ത​ര​ണം ചെ​യ്യു​ന്ന ഇ​നോ​ക്കു​ല​ത്തി​ന്‍റെ ഗു​ണ​നി​ല​വാ​രം ശു​ചി​ത്വ മി​ഷ​ൻ റാ​ൻ​ഡം പ​രി​ശോ​ധ​ന ന​ട​ത്തി ഉ​റ​പ്പു​വ​രു​ത്തും.

കു​ടും​ബ​ശ്രീ മു​ഖേ​ന വി​ത​ര​ണം ചെ​യ്യു​ന്ന ഇ​നോ​ക്കു​ല​ത്തി​ന്‍റെ റാ​ൻ​ഡം സാ​മ്പി​ൾ ശേ​ഖ​രി​ച്ച് കു​ടും​ബ​ശ്രീ ത​ന്നെ ഗു​ണ​നി​ല​വാ​ര പ​രി​ശോ​ധ​ന ന​ട​ത്തും. ഗു​ണ​നി​ല​വാ​രം സം​ബ​ന്ധി​ച്ച് എ​ന്തെ​ങ്കി​ലും ആ​ക്ഷേ​പം ഉ​ണ്ടെ​ങ്കി​ൽ ശു​ചി​ത്വ മി​ഷ​നെ അ​റി​യി​ക്കാം. ഹ​രി​ത​ക​ർ​മ​സേ​ന, കു​ടും​ബ​ശ്രീ സം​രം​ഭ ഗ്രൂ​പ്പു​ക​ൾ എ​ന്നി​വ മു​ഖേ​ന​യാ​ണ് വി​ത​ര​ണം ന​ട​ത്തു​ന്ന​തെ​ങ്കി​ൽ ഉ​ൽ​പാ​ദ​ക സ്ഥാ​പ​ന​വും വി​ത​ര​ണ ഏ​ജ​ൻ​സി​യും ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​വും ഉ​ൾ​പ്പെ​ടു​ന്ന തൃ​ക​ക്ഷി ക​രാ​റി​ൽ ഏ​ർ​പ്പെ​ട​ണം. ഓ​രോ വീ​ട്ടി​ലും സ്ഥാ​പ​ന​ത്തി​ലും ആ​വ​ശ്യ​മാ​യ ഇ​നോ​ക്കു​ലം കൃ​ത്യ​മാ​യി എ​ത്തി​ക്ക​ണ​മെ​ന്നും ഉ​ത്ത​ര​വി​ൽ പ​റ​യു​ന്നു.

ജൈ​വ​മാ​ലി​ന്യ സം​സ്ക​ര​ണ​ത്തി​ന്

ഇ​നോ​ക്കു​ലംമാ​ലി​ന്യ സം​സ്ക​ര​ണ​ത്തി​ന് സൂ​ഷ്മ ജീ​വാ​ണു​ക്ക​ളെ ഉ​പ​യോ​ഗി​ച്ച് ത​യാ​റാ​ക്കു​ന്ന പ​ദാ​ർ​ഥ​മാ​ണ് ഇ​നോ​ക്കു​ലം. ജൈ​വ​മാ​ലി​ന്യ​ത്തെ വി​ഘ​ട​നം ചെ​യ്ത് സം​സ്ക​രി​ക്കാ​നാ​യി ഉ​പ​യോ​ഗി​ക്കു​ന്ന ക​മ്പോ​സ്റ്റി​ങ് പ്ര​ക്രി​യ​യെ ത്വ​രി​ത​പ്പെ​ടു​ത്താ​നാ​ണ് ഇ​നോ​ക്കു​ലം ഉ​പ​യോ​ഗി​ക്കു​ന്ന​ത്. ഇ​തി​ൽ അ​ട​ങ്ങി​യി​ട്ടു​ള്ള ബാ​ക്ടീ​രി​യ​ക​ൾ ജൈ​വ മാ​ലി​ന്യ​ത്തെ വി​ഘ​ടി​പ്പി​ക്കാ​നും അ​ധി​ക ജ​ലാം​ശ​ത്തെ ആ​ഗി​ര​ണം ചെ​യ്യാ​നും സ​ഹാ​യി​ക്കു​ന്നു. ഈ​ർ​പ്പം വ​ലി​ച്ചെ​ടു​ത്ത് ആ​റ് ആ​ഴ്ച കൊ​ണ്ട് മാ​ലി​ന്യ​ത്തെ പൊ​ടി​രൂ​പ​ത്തി​ലാ​ക്കും. ച​കി​രി ഇ​നോ​ക്കു​ല​മാ​ണ് വീ​ടു​ക​ളി​ൽ വ്യാ​പ​ക​മാ​യി ഉ​പ​യോ​ഗി​ക്കു​ന്ന​ത്.