നഗര സഭയുടെ മാലിന്യ പ്രശ്നത്തിന് പരിഹാരം; ഓ​ർ​ഗാ​നി​ക് വേ​സ്റ്റ് ക​ൺ​വെ​ർ​ട്ട​ർ പ്ര​വ​ർ​ത്ത​ന സ​ജ്ജം

ഒ​റ്റ​പ്പാ​ലം: ന​ഗ​ര​സ​ഭ അ​ഭി​മു​ഖീ​ക​രി​ക്കു​ന്ന മാ​ലി​ന്യപ്ര​ശ്ന​ത്തി​ന് പ​രി​ഹാ​ര​മാ​യി സൗ​ത്ത് പ​ന​മ​ണ്ണ​യി​ലെ ഖ​ര​മാ​ലി​ന്യ സം​സ്ക​ര​ണ പ്ലാ​ൻ​റി​ൽ സ്ഥാ​പി​ച്ച ഓ​ർ​ഗാ​നി​ക് വേ​സ്റ്റ് ക​ൺ​വെ​ർ​ട്ട​ർ സം​വി​ധാ​നം ഏ​റെ അ​നു​ഗ്ര​ഹ​മാ​കും. മാ​ലി​ന്യ പ്ലാ​ന്റ് ന​വീ​ക​ര​ണ ഭാ​ഗ​മാ​യി 42 ല​ക്ഷം രൂ​പ ചെ​ല​വി​ട്ടാ​ണ് യ​ന്ത്ര​സം​വി​ധാ​നം സ്ഥാ​പി​ച്ച​ത്. നി​ത്യേ​ന എ​ട്ട് മ​ണി​ക്കൂ​ർ പ്ര​വ​ർ​ത്തി​പ്പി​ക്കു​ന്ന​തി​ലൂ​ടെ ര​ണ്ട് ട​ൺ ജൈ​വ​മാ​ലി​ന്യം വ​ള​മാ​ക്കാം. ന​ഗ​ര​സ​ഭ​യി​ലെ 36 വാ​ർ​ഡു​ക​ളി​ലെ​യും വ്യാ​പാ​ര സ്ഥാ​പ​ങ്ങ​ൾ ഉ​ൾ​പ്പ​ടെ ശേ​ഖ​രി​ക്കു​ന്ന ജൈ​വ​മാ​ലി​ന്യം അ​ന്ന​ന്ന് സം​സ്ക​രി​ച്ച് വ​ള​മാ​ക്കി മാ​റ്റു​ന്ന​തോ​ടെ പ്ലാ​ന്റി​ൽ മാ​ലി​ന്യം കെ​ട്ടി​ക്കി​ട​ക്കു​ന്ന​ത് ഒ​ഴി​വാ​ക്കാ​നാ​കും.

ജൈ​വ​വ​ള​ത്തി​ന് വേ​ണ്ട​ത്ര ആ​വ​ശ്യ​ക്കാ​രു​ള്ള​തി​നാ​ൽ വി​ൽ​പ​ന സം​ബ​ന്ധി​ച്ച ആ​ശ​ങ്ക​യു​മി​ല്ല. ഓ​ർ​ഗാ​നി​ക് വേ​സ്റ്റ് ക​ൺ​വെ​ർ​ട്ട​ർ സം​വി​ധാ​ന​ത്തി​ന്റെ പ്ര​വ​ർ​ത്ത​നോ​ദ്‌​ഘാ​ട​നം വെ​ള്ളി​യാ​ഴ്ച വൈ​കു​ന്നേ​രം നാ​ലി​ന് മ​ന്ത്രി എം.​ബി. രാ​ജേ​ഷ് നി​ർ​വ​ഹി​ക്കും. സാ​നി​റ്റ​റി നാ​പ്കി​ൻ ഇ​ൻ​സി​ന​റേ​റ്റ​ർ സം​വി​ധാ​ന​ത്തി​ന്റെ​യും ആ​ധു​നി​ക മെ​റ്റീ​രി​യ​ൽ ക​ല​ക്ഷ​ൻ ഫെ​സി​ലി​റ്റി (എം.​സി.​എ​ഫ്), ഖ​ര​മാ​ലി​ന്യ സംസ്‌​ക​ര​ണ പ്ലാ​ന്റി​ൽ ചു​റ്റു​മ​തി​ലും ഗേ​റ്റും നി​ർ​മാ​ണം എ​ന്നി​വ​യു​ടെ ഉ​ദ്‌​ഘാ​ട​ന​വും മ​ന്ത്രി നി​ർ​വ​ഹി​ക്കും.