തി​ര​ശ്ശീ​ല​യ​ഴി​ച്ചു; ഇ​നി​യി​ല്ല, ഒ​റ്റ​പ്പാ​ല​ത്തി​ന്റെ ആദ്യ കൊട്ടക

ഒ​റ്റ​പ്പാ​ലം: വ്യാ​ഴാ​ഴ്ച​ത്തെ സെ​ക്ക​ൻ​ഡ് ഷോ ​അ​വ​സാ​നി​ച്ച​പ്പോ​ൾ ഒ​റ്റ​പ്പാ​ല​ത്തെ ല​ക്ഷ്മി പി​ക്ച​ർ പാ​ല​സി​ൽ ​തി​ര​ശ്ശീ​ല വീ​ണ​ത് ഒ​രു നാ​ഴി​ക​ക്ക​ല്ലി​ന് കൂ​ടി​യാ​ണ്. ഏ​ഴ് പ​തി​റ്റാ​ണ്ടി​ലേ​റെ മ​ല​യാ​ള സി​നി​മ​ക്കൊ​പ്പം വ​ള​ർ​ന്ന തീ​യ​റ്റ​റാ​ണ് ഓ​ർ​മ​യാ​കു​ന്ന​ത്. സി​നി​മ​ക്കാ​രു​ടെ ഭാ​ഗ്യ ലൊ​ക്കേ​ഷ​ൻ എ​ന്ന വി​ശേ​ഷ​ണ​മു​ള്ള ഒ​റ്റ​പ്പാ​ല​ത്തെ ഏ​റെ പ​ഴ​ക്ക​മു​ള്ള തി​യേ​റ്റ​റി​നാ​ണ് വ്യാ​ഴാ​ഴ്ച​യി​ലെ പ്ര​ദ​ർ​ശ​ന​ത്തോ​ടെ താ​ഴു​വീ​ണ​ത്. മോ​ഹ​ൻ​ലാ​ലി​ന്റെ ‘തു​ട​രും’, ടോ​വി​നോ തോ​മ​സ് നാ​യ​ക​നാ​യ ‘ന​രി​വേ​ട്ട’ എ​ന്നീ ചി​ത്ര​ങ്ങ​ളാ​യി​രു​ന്നു അ​വ​സാ​ന​മാ​യി പ്ര​ദ​ർ​ശി​പ്പി​ച്ച​ത്.

പ്രേ​ക്ഷ​ക പ​ങ്കാ​ളി​ത്തം വേ​ണ്ടു​വോ​ള​മു​ണ്ടാ​യി​ട്ടും തി​യ​റ്റ​ർ പൂ​ട്ടാ​നു​ള്ള ഉ​ട​മ​യു​ടെ തീ​രു​മാ​ന​ത്തി​ന് പി​ന്നി​ൽ നാ​ടി​ന്റെ വി​ക​സ​ന​ത്തോ​ടു​ള്ള പ്ര​തി​ബ​ന്ധ​ത​യാ​ണ്. ന​ഗ​ര​ത്തി​ലെ ഗ​താ​ഗ​ത​ക്കു​രു​ക്കി​ന് പ​രി​ഹാ​ര​മാ​യി ആ​സൂ​ത്ര​ണം ചെ​യ്ത ബൈ​പാ​സ് പ​ദ്ധ​തി ക​ട​ന്നു​പോ​കു​ന്ന​ത് തി​യ​റ്റ​റി​ന് സ​മീ​പ​മു​ള്ള നി​ല​വി​ലെ റോ​ഡി​ലൂ​ടെ​യാ​ണ്. ഇ​തി​നാ​യി ഉ​ട​മ പി.​എ​ൻ. ജ​യ​ശ​ങ്ക​ർ തി​യ​റ്റ​ർ പ്ലോ​ട്ടി​ൽ​നി​ന്ന് എ​ട്ട് സെ​ന്റ് കൈ​മാ​റി. ഇ​തേ​തു​ട​ർ​ന്ന് വാ​ഹ​ന​ങ്ങ​ളു​ടെ പാ​ർ​ക്കി​ങ് ഏ​രി​യ​യി​ൽ കു​റ​വ് വ​രു​ന്ന സാ​ഹ​ച​ര്യ​ത്തി​ൽ തു​ട​ർ പ്ര​വ​ർ​ത്ത​നം ബു​ദ്ധി​മു​ട്ടി​ലാ​കു​മെ​ന്ന​താ​ണ് അ​ട​ച്ചു​പൂ​ട്ടാ​ൻ കാ​ര​ണ​മെ​ന്നാ​ണ് ബ​ന്ധ​പ്പെ​ട്ട​വ​രു​ടെ വെ​ളി​പ്പെ​ടു​ത്ത​ൽ.

കേ​ര​ള​പ്പി​റ​വി​ക്കും ര​ണ്ട് വ​ർ​ഷം മു​മ്പ്, 1954 ഫെ​ബ്രു​വ​രി 11 നാ​ണ് തി​യ​റ്റ​റി​ന്റെ തു​ട​ക്കം. ഒ​റ്റ​പ്പാ​ല​ത്തെ പ്ര​മു​ഖ വ്യ​വ​സാ​യി​ക​ളാ​യി​രു​ന്ന ഇ.​പി. അ​ച്യു​ത​ൻ നാ​യ​രും സ​ഹോ​ദ​ര​ൻ ഇ.​പി. മാ​ധ​വ​ൻ നാ​യ​രും ചേ​ർ​ന്നാ​ണ് തി​യ​റ്റ​റി​നാ​യി കെ​ട്ടി​ടം നി​ർ​മി​ച്ച​ത്. തി​യേ​റ്റ​റി​ന് ഇ​വ​ർ മാ​താ​വി​ന്റെ പേ​രാ​യ എ​ര​ണ്ട​ത്ത് പു​ത്ത​ൻ വീ​ട്ടി​ൽ ല​ക്ഷ്മി അ​മ്മ​യു​ടെ പേ​രും ന​ൽ​കി.

സ​ത്യ​ന്റെ ആ​ദ്യ ചി​ത്ര​മാ​യ ‘ആ​ത്മ​സ​ഖി’​യാ​ണ് പ്ര​ദ​ർ​ശ​ത്തി​നെ​ത്തി​യ ആ​ദ്യ സി​നി​മ. 1974 ൽ ​തി​യ​റ്റ​ർ ഷൊ​ർ​ണൂ​ർ സ്വ​ദേ​ശി പി.​കെ. രാ​ജ​ന് കൈ​മാ​റി. ഉ​ട​മാ​വ​കാ​ശം കൈ​മാ​റി​യെ​ങ്കി​ലും രാ​ജ​ന്റെ മ​ക​ൾ ബീ​ന​യും ഭ​ർ​ത്താ​വ് പി.​എ​ൻ. ജ​യ​ശ​ങ്ക​റും ല​ക്ഷ്മി പി​ക്ച്ച​ർ പാ​ല​സ് എ​ന്ന പേ​രി​ൽ മാ​റ്റം വ​രു​ത്താ​തെ​യാ​ണ് പൂ​ട്ടു​ന്ന​ത് വ​രെ​യും തു​ട​ർ​ന്ന​ത്. അ​ടു​ത്ത കാ​ലം വ​രെ ബി ​ക്ലാ​സ് വി​ഭാ​ഗ​ത്തി​ലാ​യി​രു​ന്നു തി​യ​റ്റ​ർ. വി​ദേ​ശ​ത്തു​നി​ന്നെ​ത്തി​ച്ച യ​ന്ത്ര​സം​വി​ധാ​ന​ത്തി​ലാ​യി​രു​ന്നു തി​യേ​റ്റ​റി​ന്റെ പ്ര​വ​ർ​ത്ത​നം.

2018 ലാ​ണ് ഇ​ത് മ​ൾ​ട്ടി​പ്ല​ക്‌​സ്‌ ആ​ക്കി​യ​ത്. ഇ​തി​നാ​യി ആ​ർ​ഭാ​ട​മാ​യ ന​വീ​ക​ര​ണ​മാ​ണ് ന​ട​ന്ന​ത്. 250 ഉം 150​ഉം സീ​റ്റു​ക​ളു​ള്ള ര​ണ്ട് സ്ക്രീ​ൻ സം​വി​ധാ​ന​മാ​ണ് ഇ​തി​നാ​യി സ​ജ്ജീ​ക​രി​ച്ച​ത്. ക്യൂ​ബ് പോ​ജ​ക്ട​റും സ​മ്പൂ​ർ​ണ എ​യ​ർ​ക​ണ്ടീ​ഷ​നും പ്രേ​ക്ഷ​ക​രെ തി​യ​റ്റ​റി​ലെ​ത്തി​ച്ചു. ചി​ത്രീ​ക​ര​ണ​ത്തി​നാ​യി ഒ​റ്റ​പ്പാ​ല​ത്തെ​ത്തി​യി​രു​ന്ന സി​നി​മ​യി​ലെ നാ​യ​ക​ർ ഉ​ൾ​പ്പെ​ടെ​യു​ള്ള​വ​ർ​ക്ക് പ​ല​ത​വ​ണ ആ​തി​ഥ്യ​മ​രു​ളി​യ തി​യേ​റ്റ​റാ​ണ് വി​സ്മൃ​തി​യി​ലാ​വു​ന്ന​ത്.