ശ​മ്പ​ള​ വ​ർ​ധ​ന​വി​ല്ലാ​തെ വ​ർ​ഷ​ങ്ങ​ൾ; ജി​ല്ല വ​നി​ത-​ശി​ശു ആ​ശു​പ​ത്രി​യി​ലെ ശു​ചീ​ക​ര​ണ തൊ​ഴി​ലാ​ളി​ക​ൾ ദു​രി​ത​ത്തി​ൽ

പാ​ല​ക്കാ​ട്: ജി​ല്ല വ​നി​ത-​ശി​ശു ആ​ശു​പ​ത്രി​യി​ൽ വ​ർ​ഷ​ങ്ങ​ളാ​യി ജോ​ലി ചെ​യ്യു​ന്ന ശു​ചീ​ക​ര​ണ തൊ​ഴി​ലാ​ളി​ക​ൾ ശ​മ്പ​ള വ​ർ​ധ​ന​വി​ല്ലാ​തെ ദു​രി​ത​ത്തി​ൽ. 20 സ്ത്രീ ​തൊ​ഴി​ലാ​ളി​ക​ളാ​ണ് ആ​ശു​പ​ത്രി​യി​ൽ ശു​ചീ​ക​ര​ണ പ്ര​വൃ​ത്തി​ക​ൾ ചെ​യ്യു​ന്ന​ത്. അ​ഞ്ചു​മു​ത​ൽ 20 വ​ർ​ഷം വ​രെ​യാ​യി ഇ​വി​ടെ ജോ​ലി ചെ​യ്യു​ന്ന​വ​രാ​ണ് എ​ല്ലാ​വ​രും. പ്ര​തി​ദി​നം 500 രൂ​പ​യാ​ണ് ഇ​വ​രു​ടെ കൂ​ലി. മാ​സ​ത്തി​ൽ നാ​ല് ഓ​ഫു​ണ്ട്. ഈ ​ദി​വ​സ​ങ്ങ​ളി​ൽ ശ​മ്പ​ളം പി​ടി​ക്കും.

അ​ത്യാ​വ​ശ്യ​ങ്ങ​ൾ​ക്കാ​യി കൂ​ടു​ത​ൽ അ​വ​ധി എ​ടു​ത്താ​ലും ശ​മ്പ​ളം പി​ടി​ക്കും. ബാ​ക്കി​കി​ട്ടു​ന്ന തു​ച്ഛ​മാ​യ വ​രു​മാ​നം കൊ​ണ്ടാ​ണ് ഇ​വ​ർ ജീ​വി​തം മു​ന്നോ​ട്ടു​കൊ​ണ്ടു​പോ​കു​ന്ന​ത്. ആ​ശു​പ​ത്രി വി​ക​സ​ന സ​മി​തി​യാ​ണ് ശു​ചീ​ക​ര​ണ തൊ​ഴി​ലാ​ളി​ക​ൾ​ക്ക് ശ​മ്പ​ളം ന​ൽ​കു​ന്ന​ത്. നേ​ര​ത്തെ 450 രൂ​പ​യാ​യി​രു​ന്ന കൂ​ലി 2013-14 കാ​ല​ഘ​ട്ട​ത്തി​ലാ​ണ് 50 രൂ​പ വ​ർ​ധി​പ്പി​ച്ച് 500 ആ​ക്കി​യ​ത്. അ​ന്ന​ത്തെ ജി​ല്ല പ​ഞ്ചാ​യ​ത്ത് പ്ര​സി​ഡ​ന്‍റ് കെ. ​ശാ​ന്ത​കു​മാ​രി​യാ​ണ് ശ​മ്പ​ള​വ​ർ​ധ​ന ന​ട​പ്പാ​ക്കി​യ​ത്. എ​ന്നാ​ൽ ഒ​രു​പ​തി​റ്റാ​ണ്ട് പി​ന്നി​ട്ടി​ട്ടും ഇ​പ്പോ​ഴും ഇ​തേ ശ​മ്പ​ള​ത്തി​ലാ​ണ് ഈ ​തൊ​ഴി​ലാ​ളി​ക​ൾ ജോ​ലി​യെ​ടു​ക്കു​ന്ന​ത്.

രാ​വി​ലെ 7.30 മു​ത​ൽ വൈ​കീ​ട്ട് 3.30 വ​രെ, ഉ​ച്ച​ക്ക് 12.30 മു​ത​ൽ വൈ​കീ​ട്ട് 7.30 വ​രെ, വൈ​കീ​ട്ട് 7.30 മു​ത​ൽ രാ​വി​ലെ 7.30 വ​രെ എ​ന്നി​ങ്ങ​നെ മൂ​ന്ന് ഷി​ഫ്റ്റു​ക​ളി​ലാ​യാ​ണ് ജോ​ലി. മൂ​ന്ന് രാ​ത്രി പ​ണി​യെ​ടു​ത്താ​ൽ ഒ​രു​പ​ക​ലും രാ​ത്രി​യും ഒ​ഴി​വ് കി​ട്ടും എ​ന്നൊ​രു ആ​നു​കൂ​ല്യം മാ​ത്ര​മാ​ണ് നി​ല​വി​ൽ ഇ​വ​ർ​ക്ക് ല​ഭി​ക്കു​ന്ന​ത്.

ജി​ല്ല പ​ഞ്ചാ​യ​ത്തി​ന് കീ​ഴി​ലാ​ണ് ജി​ല്ല വ​നി​ത-​ശി​ശു ആ​ശു​പ​ത്രി, ജി​ല്ല ആ​ശു​പ​ത്രി എ​ന്നി​വ പ്ര​വ​ർ​ത്തി​ക്കു​ന്ന​ത്. ജി​ല്ല ആ​ശു​പ​ത്രി​യി​ലെ ശു​ചീ​ക​ര​ണ തൊ​ഴി​ലാ​ളി​ക​ൾ​ക്ക് പ്ര​തി​ദി​നം 690 രൂ​പ​യാ​ണ് ശ​മ്പ​ളം. ഒ​രേ ഭ​ര​ണ​സ​മി​തി​ക്ക് കീ​ഴി​ലാ​ണെ​ങ്കി​ലും ര​ണ്ട് ശ​മ്പ​ളം എ​ന്ന വേ​ർ​തി​രി​വാ​ണ് തൊ​ഴി​ലാ​ളി​ക​ൾ നേ​രി​ടു​ന്ന​ത്.

ജി​ല്ല പ​ഞ്ചാ​യ​ത്ത് പ​ഴ​യ​ഭ​ര​ണ​സ​മി​തി 50 രൂ​പ വ​ർ​ധി​പ്പി​ച്ച​പ്പോ​ൾ നാ​ല് അ​വ​ധി​ക്കു​ള്ള ശ​മ്പ​ളം പി​ടി​ച്ചി​രു​ന്നി​ല്ല. എ​ന്നാ​ൽ പു​തി​യ ഭ​ര​ണ​സ​മി​തി വ​ന്ന​ശേ​ഷം ശ​മ്പ​ള വ​ർ​ധ​ന പ​രി​ഗ​ണി​ച്ചി​ല്ലെ​ന്ന് മാ​ത്ര​മ​ല്ല നാ​ല് അ​വ​ധി​ക്കു​ള്ള 2000 രൂ​പ പി​ടി​ക്കാ​നും തു​ട​ങ്ങി​യ​താ​യി ജീ​വ​ന​ക്കാ​ർ പ​റ​ഞ്ഞു.

മു​ഖ്യ​മ​ന്ത്രി​യു​ടെ അ​ദാ​ല​ത്ത്, ആ​രോ​ഗ്യ​മ​ന്ത്രി, ക​ല​ക്ട​ർ തു​ട​ങ്ങി​യ​വ​ർ​ക്കെ​ല്ലാം നി​ര​വ​ധി ത​വ​ണ പ​രാ​തി ന​ൽ​കി​യെ​ങ്കി​ലും ന​ട​പ​ടി​യൊ​ന്നു​മാ​യി​ല്ലെ​ന്നും ജീ​വ​ന​ക്കാ​ർ പ​റ​ഞ്ഞു. ഗ​ർ​ഭി​ണി​ക​ളും അ​മ്മ​മാ​രും കു​ട്ടി​ക​ളും ഉ​ൾ​പ്പെ​ടെ​യു​ള്ള​വ​ർ ചി​കി​ത്സ തേ​ടി​യെ​ത്തു​ന്ന ആ​ശു​പ​ത്രി​യാ​യ​തി​നാ​ൽ ശു​ചി​ത്വം പ്ര​ധാ​ന​മാ​ണ്.

പ്ര​സ​വം ന​ട​ക്കു​ന്ന ലേ​ബ​ർ റൂം ​മു​ത​ൽ അ​ത്യാ​ഹി​ത വി​ഭാ​ഗം, വാ​ർ​ഡു​ക​ൾ ഉ​ൾ​പ്പെ​ടെ വ​ള​രെ വൃ​ത്തി​യാ​യി സൂ​ക്ഷി​ച്ചി​ല്ലെ​ങ്കി​ൽ ന​വ​ജാ​ത​ശി​ശു​ക്ക​ൾ​ക്ക് അ​ണു​ബാ​ധ​ക്ക് സാ​ധ്യ​ത​യു​ണ്ട്. അ​തി​നാ​ൽ അ​തീ​വ​ശ്ര​ദ്ധ പു​ല​ർ​ത്ത​ണം. വാ​ട​ക​വീ​ടു​ക​ളി​ൽ ക​ഴി​യു​ന്ന​വ​രു​ൾ​പ്പെ​ടെ ഇ​വി​ടെ തൊ​ഴി​ലാ​ളി​ക​ളാ​യു​ണ്ട്.

തു​ച്ഛ​മാ​യ വ​രു​മാ​ന​ത്തി​ൽ ജീ​വി​തം മു​ന്നോ​ട്ടു​കൊ​ണ്ടു​പോ​കാ​ൻ വ​ള​രെ​യ​ധി​കം പ്ര​യാ​സ​പ്പെ​ടു​ന്ന​താ​യി ഇ​വ​ർ പ​റ​യു​ന്നു. മേ​യ് മാ​സ​ത്തെ ശ​മ്പ​ളം ഇ​തു​വ​രെ ല​ഭി​ച്ചി​ട്ടി​ല്ല. ചോ​ദി​ക്കു​മ്പോ​ൾ ഫ​ണ്ടി​ല്ലെ​ന്ന മ​റു​പ​ടി​യാ​ണ് ല​ഭി​ക്കു​ന്ന​ത്. അ​വ​ധി ദി​വ​സ​ത്തെ ശ​മ്പ​ളം പി​ടി​ക്കു​ന്ന​ത് ഒ​ഴി​വാ​ക്കു​ക​യും വേ​ത​നം 650 രൂ​പ​യാ​ക്കി വ​ർ​ധി​പ്പി​ക്കു​ക​യും വേ​ണ​മെ​ന്നാ​ണ് തൊ​ഴി​ലാ​ളി​ക​ളു​ടെ ആ​വ​ശ്യം.