ത​ണ്ണി​ത്തോ​ട് പൊലീസിൻറെ പണി മുടക്കി ജീപ്പുകൾ

കോ​ന്നി: ത​ണ്ണി​ത്തോ​ട് പൊ​ലീ​സ് സ്റ്റേ​ഷ​നി​ലെ ജീ​പ്പു​ക​ൾ ഇ​ട​ക്കി​ടെ ത​ക​രാ​റി​ലാ​കു​ന്ന​ത് ഉ​ദ്യോ​ഗ​സ്ഥ​രു​ടെ കൃ​ത്യ​നി​ർ​വ​ഹ​ണ​ത്തി​ന് ത​ട​സ്സ​മാ​കു​ന്നു. ര​ണ്ട് ജീ​പ്പാ​ണ് ത​ണ്ണി​ത്തോ​ട് പൊ​ലീ​സ് സ്റ്റേ​ഷ​നി​ൽ ഉ​ള്ള​ത്. സം​സ്ഥാ​ന​ത്ത് ആ​ദ്യ​മാ​യി 2022ലാ​ണ് ദു​ര​ന്ത​മു​ഖ​ങ്ങ​ളെ അ​തി​ജീ​വി​ക്കാ​ൻ സം​സ്ഥാ​ന പൊ​ലീ​സ് സേ​ന സം​സ്ഥാ​ന​ത്തെ മ​ല​യോ​ര മേ​ഖ​ല​യി​ലെ പൊ​ലീ​സ് സ്റ്റേ​ഷ​നു​ക​ളി​ൽ ഗൂ​ർ​ഖ ജീ​പ്പ് ന​ൽ​കു​ന്ന​ത്. ഇ​തി​ൽ ത​ണ്ണി​ത്തോ​ട്, വെ​ച്ചൂ​ച്ചി​റ പൊ​ലീ​സ് സ്റ്റേ​ഷ​നു​ക​ളി​ലാ​ണ് ജീ​പ്പ് ല​ഭി​ച്ച​ത്. നി​ല​വി​ൽ ജീ​പ്പു​ക​ൾ ഇ​ട​ക്കി​ടെ പ​ണി​മു​ട​ക്കാ​ൻ തു​ട​ങ്ങി​യ​തോ​ടെ പൊ​ലീ​സ് ഉ​ദ്യോ​ഗ​സ്ഥ​രും വെ​ട്ടി​ലാ​യി.

മ​ല​യോ​ര മേ​ഖ​ല​യി​ലെ പ​ല സ്ഥ​ല​ങ്ങ​ളി​ലേ​ക്കും പോ​കു​മ്പോ​ൾ ജീ​പ്പ് ബ്രേ​ക്ക് ഡൗ​ണാ​കു​ന്ന​തു മൂ​ലം ഇ​രു​ച​ക്ര വാ​ഹ​ന​ങ്ങ​ളി​ൽ ഉ​ദ്യോ​ഗ​സ്ഥ​ർ പോ​കേ​ണ്ടി വ​രു​ന്ന അ​വ​സ്ഥ​യും ഉ​ണ്ടാ​യി​ട്ടു​ണ്ട്. പു​തി​യ ജീ​പ്പ് ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ട് പ​ല​ത​വ​ണ ഉ​ന്ന​ത​ർ​ക്ക് റി​പ്പോ​ർ​ട്ട് ന​ൽ​കി​യെ​ങ്കി​ലും ഒ​രു ന​ട​പ​ടി​യും ഉ​ണ്ടാ​കു​ന്നി​ല്ലെ. ത​ണ്ണി​ത്തോ​ട്, തേ​ക്കു​തോ​ട്, എ​ലി​മു​ള്ളും​പ്ലാ​ക്ക​ൽ, മ​ണ്ണീ​റ, പൂ​ച്ച​ക്കു​ളം തു​ട​ങ്ങി​യ പ​ല സ്ഥ​ല​ങ്ങ​ളി​ലേ​ക്കും പോ​ക​ണ​മെ​ങ്കി​ൽ ത​ണ്ണി​ത്തോ​ട് പൊ​ലീ​സ് സ്റ്റേ​ഷ​നി​ൽ ന​ല്ല വാ​ഹ​ന​ങ്ങ​ൾ ആ​വ​ശ്യ​മാ​ണ്. പു​തി​യ ജീ​പ്പു​ക​ൾ അ​ടി​യ​ന്ത​ര​മാ​യി ന​ൽ​കി​യെ​ങ്കി​ൽ മാ​ത്ര​മേ സ്റ്റേ​ഷ​ൻ പ്ര​വ​ർ​ത്ത​നം കാ​ര്യ​ക്ഷ​മ​മാ​യി മു​ന്നോ​ട്ടു​പോ​കൂ.