കോന്നി-അടവി-ഗവി ടൂർ പാക്കേജ് നിലച്ചു

കോ​ന്നി: കോ​ന്നി വ​ന വി​കാ​സ് ഏ​ജ​ൻ​സി​യു​ടെ അ​ട​വി-​ഗ​വി ടൂ​ർ പാ​ക്കേ​ജ് പ്ര​തി​സ​ന്ധി​യി​ൽ. കോ​ന്നി ഇ​ക്കോ ടൂ​റി​സം കേ​ന്ദ്ര​ത്തി​ലെ​ത്തു​ന്ന സ​ഞ്ചാ​രി​ക​ളു​ടെ പ്ര​ധാ​ന ആ​ക​ർ​ഷ​ണ​ങ്ങ​ളി​ൽ ഒ​ന്നാ​യി​രു​ന്ന ഇ​ത്. എ​ന്നാ​ൽ, പാ​ക്കേ​ജി​ന്‍റെ ഭാ​ഗ​മാ​യു​ണ്ടാ​യി​രു​ന്ന ര​ണ്ടു വാ​ഹ​ന​ങ്ങ​ളി​ൽ ഒ​ന്ന്​ ക​ട്ട​പ്പു​റ​ത്താ​യ​തും കെ.​എ​സ്.​ആ​ർ.​ടി.​സി അ​ട​ക്കം ഗ​വി​യി​ലേ​ക്ക് ടൂ​ർ പാ​ക്കേ​ജ് ആ​രം​ഭി​ച്ച​തു​മാ​ണ് പ​ദ്ധ​തി​ക്ക് തി​രി​ച്ച​ടി​യാ​യ​ത്.

2015ലാ​ണ്​ പ​ദ്ധ​തി​യു​ടെ തു​ട​ക്കം. കോ​ന്നി ആ​ന​ത്താ​വ​ള​ത്തി​ൽ​നി​ന്ന്​ രാ​വി​ലെ 7.30 ന് ​ആ​രം​ഭി​ച്ച്​ രാ​ത്രി 9. 30ന്​ ​അ​വ​സാ​നി​ക്കു​ന്ന ത​ര​ത്തി​ലാ​യി​രു​ന്നു പാ​ക്കേ​ജ്. ആ​ന​ത്താ​വ​ള​ത്തി​ൽ നി​ന്ന്​ പു​റ​പ്പെ​ട്ട്​ അ​ട​വി​യി​ൽ കു​ട്ട​വ​ഞ്ചി സ​വാ​രി​യും പ്ര​ഭാ​ത ഭ​ക്ഷ​ണ​വും ക​ഴി​ഞ്ഞ് ത​ണ്ണി​ത്തോ​ട്, ചി​റ്റാ​ർ, ആ​ങ്ങ​മൂ​ഴി, കൊ​ച്ചാ​ണ്ടി ചെ​ക് പോ​സ്റ്റ് വ​ഴി മൂ​ഴി​യാ​ർ ഡാ​മി​ലെ​ത്തും.

തു​ട​ർ​ന്ന്​ കാ​ക്കി ഡാം ​വ്യൂ പോ​യി​ൻ​റ്, പെ​ൻ​സ്റ്റോ​ക്ക് പൈ​പ്പ്, സി​നി​മ ഷൂ​ട്ടി​ങ് ലൊ​ക്കേ​ഷ​നു​ക​ൾ ,ആ​ന​ത്തോ​ട്, പ​മ്പ ഡാം ​എ​ന്നി​വ സ​ന്ദ​ർ​ശി​ച്ച ശേ​ഷം ഉ​ച്ച​ക്ക് കൊ​ച്ചു പ​മ്പ​യി​ൽ എ​ത്തി ഭ​ക്ഷ​ണ​ത്തി​ന് ശേ​ഷം ബോ​ട്ടി​ങ്. ഇ​വി​ടെ​നി​ന്ന്​ പെ​രി​യാ​ർ ടൈ​ഗ​ർ റി​സ​ർ​വ് വ​ഴി വ​ള്ള​ക്ക​ട​വി​ൽ എ​ത്തും.

തു​ട​ർ​ന്ന് വ​ണ്ടി​പ്പെ​രി​യാ​ർ, പീ​രു​മേ​ട്, കു​ട്ടി​ക്കാ​നം, മു​ണ്ട​ക്ക​യം, എ​രു​മേ​ലി, റാ​ന്നി വ​ഴി കു​മ്പ​ഴ എ​ത്തി രാ​ത്രി ഭ​ക്ഷ​ണ​ത്തി​ന് ശേ​ഷം കോ​ന്നി​യി​ൽ തി​രി​ച്ചെ​ത്തും. 16 പേ​ർ അ​ട​ങ്ങു​ന്ന സം​ഘ​ത്തി​ന് 1800 രൂ​പ വീ​ത​വും 10 പേ​ര​ട​ങ്ങു​ന്ന സം​ഘ​ത്തി​ന്​ 1900 രൂ​പ വീ​ത​വും ആ​യി​രു​ന്നു ടി​ക്ക​റ്റ് നി​ര​ക്ക്. ഇ​തു​​വ​രെ അ​റു​പ​തി​നാ​യി​ര​ത്തോ​ളം സ​ഞ്ചാ​രി​ക​ൾ പ​ദ്ധ​തി​യു​ടെ ഭാ​ഗ​മാ​യി​ട്ടു​​ണ്ടെ​ന്നാ​ണ്​ ക​ണ​ക്ക്.

കോ​വി​ഡി​നെ തു​ട​ർ​ന്ന്​ 2020ൽ ​നി​ർ​ത്തി​വെ​ച്ച ടൂ​ർ പാ​ക്കേ​ജ് പു​ന​രാ​രം​ഭി​ച്ച​പ്പോ​ൾ സ​ഞ്ചാ​രി​ക​ളു​ടെ വ​ലി​യ ഒ​ഴു​ക്കാ​യി​രു​ന്നു. ഇ​തി​നി​ടെ​യാ​ണ്​ ര​ണ്ടു ട്രാ​വ​ല​റി​ൽ ഒ​ന്ന്​ ക​ട്ട​പ്പു​റ​ത്താ​യ​ത്.