കോന്നി ഇക്കോ ടൂറിസം കേന്ദ്രം; ജോലി പുനഃക്രമീകരണം, പ്രതിസന്ധിയിൽ ജീവനക്കാർ

കോ​ന്നി: ഇ​ക്കോ ടൂ​റി​സം കേ​ന്ദ്ര​ത്തി​ലെ ജീ​വ​ന​ക്കാ​രു​ടെ ജോ​ലി പു​നഃ​ക്ര​മീ​ക​രി​ച്ച​തോ​ടെ പ്ര​തി​സ​ന്ധി​യി​ലാ​യി ജീ​വ​ന​ക്കാ​ർ. അ​റു​പ​തോ​ളം ജീ​വ​ന​ക്കാ​രാ​ണ് കോ​ന്നി ഇ​ക്കോ ടൂ​റി​സം കേ​ന്ദ്ര​ത്തി​ൽ ജോ​ലി ചെ​യ്തു​വ​രു​ന്ന​ത്. സി​മ​ന്‍റ്​ തൂ​ൺ മ​റി​ഞ്ഞു​വീ​ണ് കു​ട്ടി മ​രി​ക്കാ​ൻ ഇ​ട​യാ​യ സാ​ഹ​ച​ര്യ​ത്തെ തു​ട​ർ​ന്ന് ആ​ന​ത്താ​വ​ള​ത്തി​ൽ എ.​സി.​സി.​എ​ഫി​ന്റെ ഉ​ത്ത​ര​വ് പ്ര​കാ​രം ഉ​ദ്യോ​ഗ​സ്ഥ​ർ​ക്ക് സ​സ്പെ​ൻ​ഷ​ൻ ന​ൽ​കു​ക​യും റേ​ഞ്ച് ഓ​ഫി​സ​റെ സ്ഥ​ലം മാ​റ്റു​ക​യും ചെ​യ്‌​തി​രു​ന്നു.

എ​ന്നാ​ൽ, ഇ​തി​നു​ശേ​ഷം ജീ​വ​ന​ക്കാ​രെ ആ​റ്​ സോ​ണാ​യി തി​രി​ച്ചാ​ണ് ഇ​പ്പോ​ൾ ജോ​ലി ചെ​യ്യി​ക്കു​ന്ന​ത്. 20 ജീ​വ​ന​ക്കാ​ർ വീ​തം 15 ദി​വ​സം ജോ​ലി ചെ​യ്‌​താ​ൽ മ​തി​യെ​ന്ന നി​ല​പാ​ടി​ലാ​ണ് വ​നം വ​കു​പ്പ്. കൂ​ടാ​തെ 60 വ​യ​സ്സ് ക​ഴി​ഞ്ഞ ത​ൽ​ക്കാ​ലി​ക ജോ​ലി​ക്കാ​രെ പി​രി​ച്ചു​വി​ടു​ന്ന​തി​നും തീ​രു​മാ​നി​ച്ച​താ​യാ​ണ് അ​റി​യു​ന്ന​ത്. ജോ​ലി സ​മ​യം പു​നഃ​ക്ര​മീ​ക​രി​ക്കു​ന്ന​ത് സം​ബ​ന്ധി​ച്ച് ആ​ന​ത്താ​വ​ള​ത്തി​ലെ ജീ​വ​ന​ക്കാ​ർ ഡി.​എ​ഫ്.​ഒ​യു​മാ​യി ച​ർ​ച്ച ന​ട​ത്തി​യെ​ങ്കി​ലും ഫ​ലം ക​ണ്ടി​ല്ല.

ആ​ന​ത്താ​വ​ളം തു​റ​ന്ന് പ്ര​വ​ർ​ത്തി​ച്ചെ​ങ്കി​ലും കു​ട്ടി​ക​ളു​ടെ പാ​ർ​ക്ക് തു​റ​ന്നു ന​ൽ​കാ​ത്ത​ത് മൂ​ലം സ​ഞ്ചാ​രി​ക​ളും പ്ര​തി​ഷേ​ധ​ത്തി​ലാ​ണ്. ക​ഴി​ഞ്ഞ ദി​വ​സ​മെ​ത്തി​യ സ​ഞ്ചാ​രി​ക​ൾ പ്ര​തി​ഷേ​ധി​ച്ച് മ​ട​ങ്ങി​യ​താ​യും പ​റ​യു​ന്നു. വ​ർ​ഷ​ങ്ങ​ളാ​യി ആ​ന​ത്ത​റി​യി​ൽ പി​ണ്ടം വാ​രു​ന്ന ജീ​വ​ന​ക്കാ​രി​ൽ 60 വ​യ​സ്സ് ക​ഴി​ഞ്ഞ​വ​ർ വ​രെ ഉ​ൾ​പ്പെ​ടു​ന്നു​ണ്ട്. ഇ​വ​ർ പു​റ​ത്താ​യാ​ൽ മ​റ്റ് ജോ​ലി ചെ​യ്തു ജീ​വി​ക്കാ​നും ക​ഴി​യാ​തെ വ​രും.

നി​ല​വി​ൽ ചാ​ർ​ജു​ള്ള വ​നം വ​കു​പ്പ് ഉ​ദ്യോ​ഗ​സ്ഥ​രാ​ണ് പ്ര​വ​ർ​ത്ത​നം നി​യ​ന്ത്രി​ക്കു​ന്ന​ത്. എ​ന്നാ​ൽ, ജോ​ലി​ക്കാ​രു​ടെ ശ​മ്പ​ള​ത്തി​ന്റെ പേ​പ്പ​ർ ജോ​ലി​ക​ൾ പോ​ലും കൃ​ത്യ​മാ​യി ന​ട​ക്കു​ന്നി​ല്ലെ​ന്നും ആ​ക്ഷേ​പ​മു​ണ്ട്. കോ​ന്നി ഇ​ക്കോ ടൂ​റി​സം കേ​ന്ദ്ര​ത്തി​ന്റെ ന​ട​ത്തി​പ്പി​നാ​യി പ്ര​ത്യേ​ക റേ​ഞ്ച് ഓ​ഫി​സ​റെ നി​യ​മി​ച്ചെ​ങ്കി​ൽ മാ​ത്ര​മേ പ്ര​ശ്ന​ത്തി​ന് പ​രി​ഹാ​ര​മാ​കൂ.