കോന്നി ഫോറസ്റ്റ് ഡിവിഷൻ ഓഫിസ് കെട്ടിടം ‘അ​ൺ ഫി​റ്റ്​’

കോ​ന്നി: സു​ര​ക്ഷ ഓ​ഡി​റ്റി​ന്‌ നേ​തൃ​ത്വം ന​ൽകേ​ണ്ട ​വ​നം വ​കു​പ്പിന്‍റെ ആ​സ്ഥാ​ന മ​ന്ദി​രം അ​ൺ ഫി​റ്റ്​​.​ നൂ​റ് വ​ർ​ഷ​ത്തി​ൽ അ​ധി​കം പ​ഴ​ക്ക​മു​ള്ള കോ​ന്നി​യു​ടെ ച​രി​ത്ര സ്മാ​ര​ക​മാ​യ കോ​ന്നി ഫോ​റ​സ്റ്റ് ഡി​വി​ഷ​ൻ ഓ​ഫി​സ് കെ​ട്ടി​ടം കാ​ല​പ്പ​ഴ​ക്കം മൂ​ലം ന​ശി​ച്ച് തു​ട​ങ്ങി​യി​ട്ടും അ​റ്റ​കു​റ്റ​പ്പ​ണി​ ന​ട​ത്താൻ ന​ട​പ​ടി​യി​ല്ല. ബ്രി​ട്ടീ​ഷ് ഭ​ര​ണ​കാ​ല​ത്താ​ണ് കോ​ന്നി ഫോ​റ​സ്റ്റ് ഡി​വി​ഷ​ൻ ഓ​ഫി​സ് കെ​ട്ടി​ട​വും കോ​ന്നി ഫോ​റെസ്റ്റ് ഇ​ൻ​സ്‌​പെ​ക്ഷ​ൻ ബം​ഗ്ലാ​വും സ്ഥാ​പി​ക്കു​ന്ന​ത്.

മേ​ൽ​ക്കൂ​ര ത​ടി​യി​ൽ നി​ർ​മി​ച്ച് മ​ച്ച് അ​ട​ക്ക​മു​ള്ള ഓ​ഫിസ് കെ​ട്ടി​ടം ഇ​പ്പോ​ൾ കാ​ല​പ​ഴ​ക്കം മൂ​ലം ചോ​ർ​ന്ന് ഒ​ലി​ക്കു​ന്ന അ​വ​സ്ഥ​യാ​ണ്. നൂ​റ് വ​ർ​ഷ​ത്തി​ൽ അ​ധി​കം പ​ഴ​ക്ക​മു​ള്ള കെ​ട്ടി​ട​ങ്ങ​ൾ പൊ​ളി​ച്ച് നി​ർ​മിക്കാ​തെ അ​ത് പൈ​തൃ​ക സ്വ​ത്താ​യി സം​ര​ക്ഷി​ക്ക​ണം എ​ന്നാ​ണ് വ​നം വ​കു​പ്പ് ഉ​ത്ത​ര​വി​ൽ പ​റ​യു​ന്ന​ത്. എ​ന്നാ​ൽ, അ​റ്റ​കു​റ്റ​പ്പ​ണി ന​ട​ത്തു​ന്ന​തി​ന് ത​ടസ്സ​മി​ല്ല.

എ​ന്നാ​ൽ, കെ​ട്ടി​ടം പൊ​ളി​ച്ച് നി​ർ​മി​ക്ക​രു​ത് എ​ന്ന് കാ​ണി​ച്ച് ചി​ല സം​ഘ​ട​ന​ക​ളും രം​ഗ​ത്ത് വ​ന്നി​രു​ന്നു. ഓ​ഫി​സ് മു​റി​ക​ൾ ചോ​ർ​ന്ന് ഒ​ലി​ക്കാ​ൻ തു​ട​ങ്ങി​യ​തോ​ടെ ജീ​വ​ന​ക്കാ​ർ​ക്ക് ജോ​ലി ചെ​യ്യാ​ൻ പോ​ലും സാ​ധി​ക്കാ​ത്ത അ​വ​സ്ഥ​യാ​ണ്. മേ​ൽ​ക്കൂ​രയിൽ മ​രപ്പ​ട്ടി, എ​ലി മ​റ്റ് ക്ഷു​ദ്രജീ​വി​ക​ൾ എ​ന്നി​വ​യു​ടെ ശ​ല്യ​വും വ​ർ​ധി​ച്ചി​ട്ടു​ണ്ട്.​

കെ​ട്ടി​ട​ത്തി​ന്റെ അ​വ​സ്ഥ വി​വ​രി​ച്ച് ഫോ​റ​സ്റ്റ് ചീ​ഫ് ക​ൺ​സ​ർ​വേ​റ്റ​ർ​ക്ക് കോ​ന്നി ഡി.എ​ഫ്.ഒ ​ക​ത്ത് ന​ൽ​കു​ക​യും ചെ​യ്തി​രു​ന്നു. കേ​ര​ള​ത്തി​ലെ ആ​ദ്യ​ത്തെ റി​സേ​ർ​വ് വ​നമാ​ണ് കോ​ന്നി​യി​ലേ​ത്.​ വി​വി​ധ ഫോ​റ​സ്റ്റ് റേ​ഞ്ചുക​ളെ ഏ​കോ​പി​പ്പി​ക്കു​ന്ന പു​രാ​ത​ന​മാ​യ കോ​ന്നി ഫോ​റ​സ്റ്റ് ഡി​വി​ഷ​ൻ ഓ​ഫിസ് സം​ര​ക്ഷി​ക്കപ്പെ​ടേ​ണ്ട​ത് ആ​വ​ശ്യ​മാ​ണ്.