പന്തളം നഗരസഭയിൽ അവിശ്വാസ പ്രമേയ നീക്കവുമായി സി.പി.എം

പ​ന്ത​ളം: പാ​ല​ക്കാ​ട് ഉ​പ​തെ​ര​ഞ്ഞെ​ടു​പ്പി​ന് ശേ​ഷം പ​ന്ത​ളം ന​ഗ​ര​സ​ഭ​യി​ൽ അ​വി​ശ്വാ​സ പ്ര​മേ​യം കൊ​ണ്ടു​വ​രാ​ൻ സി.​പി.​എം നീ​ക്കം. തെ​ക്ക​ൻ കേ​ര​ള​ത്തി​ൽ ബി.​ജെ.​പി ഭ​രി​ക്കു​ന്ന ഏ​ക ന​ഗ​ര​സ​ഭ​യാ​ണ്​ പ​ന്ത​ളം. പാ​ല​ക്കാ​ട്ടെ ബി.​ജെ.​പി സ്ഥാ​നാ​ർ​ഥി എ​സ്. കൃ​ഷ്ണ​കു​മാ​റി​നാ​ണ് പ​ന്ത​ളം ന​ഗ​ര​സ​ഭ​യു​ടെ രാ​ഷ്ട്രീ​യ​കാ​ര്യ ചു​മ​ത​ല വ​ഹി​ക്കു​ന്ന​ത്.

നി​ല​വി​ൽ ബി.​ജെ.​പി​യി​ലെ മൂ​ന്ന് കൗ​ൺ​സി​ല​ർ​മാ​ർ ഭ​ര​ണ​ക​ക്ഷി​യു​മാ​യി അ​ഭി​പ്രാ​യ​വ്യ​ത്യാ​സ​ത്തി​ലാ​ണ്. ഇ​തി​ൽ ഒ​രു കൗ​ൺ​സി​ല​റെ അ​ച്ച​ട​ക്ക​ന​ട​പ​ടി​യു​ടെ ഭാ​ഗ​മാ​യി പാ​ർ​ട്ടി​യി​ൽ​നി​ന്ന്​ സ​സ്പെ​ൻ​ഡ് ചെ​യ്തി​രു​ന്നു. പാ​ർ​ല​മെൻറ് പാ​ർ​ട്ടി മു​ൻ ലീ​ഡ​ർ കൂ​ടി​യാ​യ കെ.​വി. പ്ര​ഭ​യു​ടെ മൗ​നാ​നു​വാ​ദ​വും അ​വി​ശ്വാ​സ​പ്ര​മേ​യ നീ​ക്ക​ത്തി​ന് പി​ന്നി​ൽ ഉ​ണ്ടെ​ന്നാ​ണ്​ ക​രു​തു​ന്ന​ത്. അ​ടു​ത്തി​ടെ ബി.​ജെ.​പി പു​റ​ത്താ​ക്കി​യ പ്ര​ഭ സി.​പി.​എ​മ്മി​ന്‍റെ പ്ര​തി​ഷേ​ധ യോ​ഗ​ത്തി​ൽ പ​ങ്കെ​ടു​ക്കു​ക​യും ഏ​രി​യ സെ​ക്ര​ട്ട​റി ആ​ർ. ജ്യോ​തി​കു​മാ​ർ ഷാ​ൾ അ​ണി​യി​ച്ച് സ്വീ​ക​രി​ക്കു​ക​യും ചെ​യ്തി​രു​ന്നു.

33 അം​ഗ ന​ഗ​ര​സ​ഭ​യി​ൽ ബി.​ജെ.​പി 18, എ​ൽ.​ഡി.​എ​ഫ് ഒ​മ്പ​ത്, യു.​ഡി.​എ​ഫ് അ​ഞ്ച്, സ്വ​ത​ന്ത്ര​ൻ ഒ​ന്ന്​ എ​ന്നി​ങ്ങ​നെ​യാ​ണ് ക​ക്ഷി​നി​ല. എ​ൽ.​ഡി.​എ​ഫി​ലെ ഒ​മ്പ​ത്​ കൗ​ൺ​സി​ല​ർ​മാ​രും ഒ​രു സ്വ​ത​ന്ത്ര​നും ബി.​ജെ.​പി പു​റ​ത്താ​ക്കി​യ കൗ​ൺ​സി​ല​റും ചേ​ർ​ന്ന്​ അ​വി​ശ്വാ​സ പ്ര​മേ​യം ന​ൽ​കാ​നാ​ണ്​ നീ​ക്കം. എ​ൽ.​ഡി.​എ​ഫ് അ​വി​ശ്വാ​സ പ്ര​മേ​യം ന​ൽ​കി​യാ​ൽ പി​ന്തു​ണ​ക്കു​മെ​ന്നും ഭ​ര​ണ​ത്തി​ൽ പ​ങ്കാ​ളി​യാ​കി​ല്ലെ​ന്നും യു.​ഡി.​എ​ഫ് തീ​രു​മാ​നി​ച്ചി​ട്ടു​ണ്ട്. ബി.​ജെ.​പി അ​ധി​കാ​ര​ത്തി​ൽ ക​യ​റി​യ ദി​വ​സം മു​ത​ൽ പാ​ർ​ട്ടി​യി​ലെ ചി​ല കൗ​ൺ​സി​ല​ർ​മാ​ർ ഭ​ര​ണ​ക​ക്ഷി​ക​ൾ​ക്കെ​തി​രെ പ്ര​തി​ഷേ​ധ​വു​മാ​യി രം​ഗ​ത്തു​ണ്ട്.