അതിരുകൾ മായ്ച്ച് തിരകൾ; ആശങ്കയോടെ കടപ്പുറം ഗ്രാമം

ചാ​വ​ക്കാ​ട്: ക​ട​ൽ ക​ര ക​വ​ർ​ന്നെ​ടു​ക്കു​ന്ന​ത് നോ​ക്കി​നി​ൽ​ക്കേ​ണ്ട നി​സ്സ​ഹാ​യ​വാ​സ്ഥ​യി​ലാ​ണ് ക​ട​പ്പു​റം പ​ഞ്ചാ​യ​ത്ത് നി​വാ​സി​ക​ൾ. ഓ​രോ ക​ട​ൽ​ക്ഷോ​ഭ കാ​ല​ത്തും വീ​ടും സ്ഥ​ല​വും ന​ഷ്ട​പ്പെ​ട്ട് വ​ഴി​യാ​ധാ​ര​മാ​കു​ന്ന​വ​ർ ഇ​വി​ടെ നി​ര​വ​ധി​യാ​ണ്. ക​ട​പ്പു​റം ഗ്രാ​മ പ​ഞ്ചാ​യ​ത്തി​ൽ ഒ​മ്പ​തുമു​ത​ൽ 16 വ​രെ​യു​ള്ള വാ​ർ​ഡു​ക​ളി​ലാ​യി തൊ​ട്ടാ​പ്പ് മു​ത​ൽ അ​ഴി​മു​ഖം വ​രെ നീ​ണ്ടു​കി​ട​ക്കു​ന്ന ഏ​ഴു കി​ലോ​മീ​റ്റ​റോ​ളം വ​രു​ന്ന തീ​ര​മേ​ഖ​ല​യി​ൽ ഏ​ക്ക​ർ ക​ണ​ക്കി​ന് ഭൂ​മി​യാ​ണ് ഇ​തു​വ​രെ ക​ട​ലെ​ടു​ത്ത​ത്.

1964 ജ​നു​വ​രി ഒ​ന്നി​ന് രൂ​പീ​കൃ​ത​മാ​യ ക​ട​പ്പു​റം പ​ഞ്ചാ​യ​ത്തി​ലെ രേ​ഖ​ക​ളി​ൽ കാ​ണു​ന്ന 9.63 ച​തു​ര​ശ്ര കി​ലോ​മീ​റ്റ​ർ ഭൂ​മി ഇ​ന്നി​ല്ല. ഏ​ക്ക​ർ ക​ണ​ക്കി​ന് സ്ഥ​ലം ക​ട​ലി​ലാ​ണ്. പ​ഞ്ചാ​യ​ത്തി​ലെ ഒ​മ്പ​തു​മു​ത​ൽ 15 വ​രെ​യു​ള്ള വാ​ർ​ഡു​ക​ളി​ലെ 2851 വീ​ടു​ക​ളി​ൽ പ​ല​തും ക​ട​ൽ കൊ​ണ്ടു​പോ​യി. ക​ട​ലെ​ടു​ക്കു​ന്ന​തും കാ​ത്തു​കി​ട​ക്കു​ന്ന വീ​ടു​ക​ളും നിരവ​ധി​യാ​ണ്. ക​ട​ലി​ൽ കി​ട​ക്കു​ന്ന ഭൂ​മി​ക്കും ക​ട​ൽ അ​വ​ശേ​ഷി​പ്പി​ച്ച വീ​ടു​ക​ളു​ടെ ചു​മ​രു​ക​ൾ​ക്കും നി​കു​തി അ​ട​ക്കു​ന്ന നി​ര​വ​ധി പേ​രെ ക​ട​പ്പു​റം പ​ഞ്ചാ​യ​ത്തി​ൽ കാ​ണാം.

2011ലെ ​സെ​ൻ​സ​സ് പ്ര​കാ​രം 13463 സ്ത്രീ​ക​ളും 13517 പു​രു​ഷ​ന്മാ​രും ഉ​ൾ​പ്പെ​ടെ 26980 പേ​രാ​ണ് ക​ട​പ്പു​റം പ​ഞ്ചാ​യ​ത്തി​ലെ ആ​കെ ജ​ന​സം​ഖ്യ. ഇ​തി​ൽ പ​കു​തി​യി​ല​ധി​കം പേ​രും താ​മ​സി​ക്കു​ന്ന​ത് തീ​ര മേ​ഖ​ല​യി​ലാ​ണ്. സ്വ​ന്ത​മാ​യി വീ​ടും പ​റ​മ്പു​മു​ള്ള സാ​ഹ​ച​ര്യ​ത്തി​ൽ താ​മ​സി​ക്കു​ന്ന കു​ടും​ബ​ങ്ങ​ളെ കോ​ള​നി സം​സ്കാ​ര​ത്തി​ലേ​ക്കും സൈ​ക്ലോ​ൺ ഷെ​ൽ​ട്ട​റു​ക​ളി​ലേ​ക്കും മാ​റ്റി പാ​ർ​പ്പി​ക്കു​ക​യെ​ന്ന പ​രി​ഹാ​രം മാ​ത്ര​മാ​ണ് സ​ർ​ക്കാ​റി​ന്റെ പ​ക്ക​ലു​ള്ള​ത്. വീ​ടും പ​റ​മ്പും ക​ട​ലെ​ടു​ത്ത പ​ല കു​ടും​ബ​ങ്ങ​ളും വാ​ട​ക കെ​ട്ടി​ട​ങ്ങ​ളി​ലും ബ​ന്ധു​വീ​ടു​ക​ളി​ലു​മാ​ണ് താ​മ​സം.

ദേ​ശീ​യ​പാ​ത​ക്ക് വേ​ണ്ടി സ്ഥ​ലം ഏ​റ്റെ​ടു​ക്കു​മ്പോ​ൾ ന​ൽ​കി​യ പാ​ക്കേ​ജ് എ​ന്തുകൊ​ണ്ട് കി​ട​പ്പാ​ടം ക​ട​ലെ​ടു​ക്കു​ന്ന ക​ട​പ്പു​റം നി​വാ​സി​ക​ൾ​ക്ക് ന​ൽ​കു​ന്നി​ല്ല എ​ന്നാ​ണ് നാ​ട്ടു​കാ​രു​ടെ ചോ​ദ്യം. ക​ട​ൽ ഭി​ത്തി, ജി​യോ ട്യൂ​ബ്, ടെ​ട്രോ​പാ​ഡ്, പു​ലി​മു​ട്ട് എ​ന്നീ മു​റ​വി​ളി​ക​ൾ തു​ട​രു​മ്പോ​ഴും ക​ട​ൽ ക​ര​ക​വ​രു​ന്ന​ത് തു​ട​രു​ക​യാ​ണ്.

ക​ട​ൽ​ക്ഷോ​ഭ ദു​രി​ത​ത്തി​ൽ​നി​ന്നും സു​ര​ക്ഷി​ത​ത്വം ആ​വ​ശ്യ​പ്പെ​ട്ടു​ള്ള ജ​ന​ങ്ങ​ളു​ടെ രോ​ദ​ന​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. ഏ​ക​ദേ​ശം 50 വ​ർ​ഷം മു​മ്പ് മാ​ളൂ​ട്ടി വ​ള​വു​മു​ത​ൽ തെ​ക്കോ​ട്ട് അ​ഞ്ച​ങ്ങാ​ടി പ​ടി​ഞ്ഞാ​റു​വ​ശം ഏ​ക്ക​ർ ക​ണ​ക്കി​ന് നെ​ൽ​പാ​ട​വും അ​തു​ക​ഴി​ഞ്ഞു​ള്ള മ​ണ​ൽ മ​ല​മ​ട​ക്കു​ക​ളും ക​ട​ന്നു​വേ​ണം ക​ട​ലി​ലെ​ത്താ​ൻ എ​ന്ന് ക​ട​പ്പു​റം നി​വാ​സി​ക​ളാ​യ പ്രാ​യം ചെ​ന്ന​വ​ർ ഓ​ർ​ത്തെ​ടു​ക്കു​ന്നു.

മ​ണ​ൽ കൂ​ന​ക​ളി​ൽ നി​റ​യെ ക​ട​ൽ ചു​ള്ളി​ക​ൾ ഉ​ണ്ടാ​യി​രു​ന്നു. ഈ ​അ​പൂ​ർ​വ ചെ​ടി​യു​ടെ ചു​റ്റും ആ​ഴ​ത്തി​ൽ വ്യാ​പി​ച്ചു​കി​ട​ന്നി​രു​ന്ന വേ​രു​ക​ൾ മ​ണ്ണി​നെ ഒ​ലി​ച്ചു​പോ​കാ​തെ പി​ടി​ച്ചു​നി​ർ​ത്തി​യി​രു​ന്നു. ഈ ​മ​ണ​ൽ ‘മ​ല​മ​ട​ക്കു​ക​ൾ’ സ്വാ​ഭാ​വി​ക ക​ട​ൽ​ഭി​ത്ത​ക​ളാ​യി വ​ർ​ത്തി​ച്ചി​രു​ന്നു​വെ​ന്നാ​ണ് പ​ഴ​മ​ക്കാ​ർ പ​റ​യു​ന്ന​ത്.

1967-1968 കാ​ല​ഘ​ട്ട​ത്തി​ൽ ഇ.​എം.​എ​സ് മ​ന്ത്രി​സ​ഭ​യി​ലെ ഗ്രാ​മ​സ​ഭ മ​ന്ത്രി​യാ​യി​രു​ന്ന എം.​പി.​എം. അ​ഹ​മ്മ​ദ് കു​രി​ക്ക​ളു​ടെ കാ​ല​ത്താ​ണ് പാ​ട​വും മ​ണ​ൽ കു​ന്നു​ക​ളും നി​ര​ത്തി തെ​ങ്ങി​ൻ​തൈ​ക​ൾ വെ​ച്ച് പി​ടി​പ്പി​ക്കാ​നും വീ​ടു​ക​ൾ പ​ണി​യാ​നും തു​ട​ങ്ങി​യ​തെ​ന്ന് സാ​മൂ​ഹി​ക പ്ര​വ​ർ​ത്ത​ക​നാ​യ എ​ൺ​പ​തു​കാ​ര​ൻ കാ​ട്ടി​ൽ കു​ഞ്ഞാ​ലു പ​റ​ഞ്ഞു. വ​ർ​ഷ​ങ്ങ​ൾ അ​ധി​കം ക​ഴി​ഞ്ഞി​ല്ല ക​ട​ലേ​റ്റ​വും ക​ട​ൽ​ക്ഷോ​ഭ​വും തു​ട​ർ​ക്ക​ഥ​യാ​യി. കി​ലോ​മീ​റ്റ​റു​ക​ൾ​ക്ക് അ​പ്പു​റ​മു​ണ്ടാ​യി​രു​ന്ന ക​ട​ൽ 30 വ​ർ​ഷ​ങ്ങ​ൾ​ക്കു​ളി​ൽ ക​വ​ർ​ന്ന​ത് ഏ​ക്ക​ർ ക​ണ​ക്കി​ന് ഭൂ​മി​യാ​ണ്.

ക​ഴി​ഞ്ഞ​വ​ർ​ഷ​ത്തെ ക​ട​ൽ​ക്ഷോ​ഭ ദു​രി​ത​സ​മ​യ​ത്ത് അ​ഹ​മ്മ​ദ് കു​രി​ക്ക​ൾ റോ​ഡി​ൽ​നി​ന്ന് കേ​വ​ലം അ​ഞ്ചു​മീ​റ്റ​ർ ദൂ​രം​വ​രെ ക​ട​ൽ ഇ​ര​ച്ചെ​ത്തി​യ​താ​ണ്. ഇ​നി​യൊ​രു ക​ട​ൽ​ക്ഷോ​ഭ​ത്തി​ൽ റോ​ഡ് ത​ക​രാ​നും സാ​ധ്യ​ത​യു​ണ്ട്. റോ​ഡി​നു​കി​ഴ​ക്ക് വ​ശം താ​ഴ്ന്നു​കി​ട​ക്കു​ന്ന ഭൂ​മി​യാ​ണ്. അ​ഹ​മ്മ​ദ് കു​രി​ക്ക​ൾ റോ​ഡ് ത​ക​രു​ന്ന സാ​ഹ​ച​ര്യ​മു​ണ്ടാ​യാ​ൽ ക​ട​പ്പു​റം പ​ഞ്ചാ​യ​ത്തി​ലെ വ​ലി​യൊ​രു​ഭാ​ഗം ക​ട​ലി​ന​ടി​യി​ലാ​കും.

ക​ട​പ്പു​റം പ​ഞ്ചാ​യ​ത്തി​ലെ തീ​ര​ദേ​ശ പ്ര​ദേ​ശം കോ​സ്റ്റ​ൽ ഹോ​ട്ട് സ്പോ​ട്ടി​ൽ ഉ​ൾ​പ്പെ​ടു​ത്ത​ണം എ​ന്ന ആ​വ​ശ്യ​വു​മാ​യി പ​ഞ്ചാ​യ​ത്ത്‌ ഭ​ര​ണ​സ​മി​തി ഉ​ൾ​പ്പെ​ടെ​യു​ള്ള​വ​ർ നി​വേ​ദ​ന​വും പ​രാ​തി​ക​ളു​മാ​യി മ​ന്ത്രി​മാ​രു​ടെ​യും ഉ​ദ്യോ​ഗ​സ്ഥ​രു​ടെ​യും ഓ​ഫി​സു​ക​ൾ നി​ര​വ​ധി ത​വ​ണ ക​യ​റി ഇ​റ​ങ്ങി​യി​രു​ന്നെ​ങ്കി​ലും ഫ​ലം ക​ണ്ടി​ല്ല.