വ​ഴി​യ​റി​യാ​തെ വ​ട്ടം ക​റ​ങ്ങി ച​ന്ത​മു​ള്ള ചാ​വ​ക്കാ​ട്

ചാ​വ​ക്കാ​ട്: ചാ​വ​ക്കാ​ട് സെ​ന്റ​റി​ൽ ദി​ശാ ബോ​ർ​ഡി​ല്ലാ​തെ യാ​ത്ര​ക്കാ​ർ വ​ല​യു​ന്നു. ചേ​റ്റു​വ, ചാ​വ​ക്കാ​ട് ബീ​ച്ച്, പു​തു​പൊ​ന്നാ​നി ഭാ​ഗ​ങ്ങ​ളി​ൽ നി​ന്നും ചാ​വ​ക്കാ​ട് ടൗ​ണി​ൽ പ്ര​വേ​ശി​ക്കു​ന്ന ദീ​ർ​ഘ​ദൂ​ര യാ​ത്ര​ക്കാ​രാ​ണ് വ​ഴി​യാ​റി​യാ​തെ വ​ല​യു​ന്ന​ത്. ച​ന്ത​മു​ള്ള ചാ​വ​ക്കാ​ടി​ന്റെ ഭാ​ഗ​മാ​യി സെ​ന്റ​റി​ലെ ട്രാ​ഫി​ക് ഐലന്‍റിന്റെ സൗ​ന്ദ​ര്യം വ​ർ​ധി​പ്പി​ച്ച​പ്പോ​ഴാ​ണ് ദി​ശാ ബോ​ർ​ഡു​ക​ൾ അ​പ്ര​ത്യ​ക്ഷ​മാ​യ​ത്.

വ​ർ​ഷ​ങ്ങ​ൾ​ക്ക് മുമ്പ് ട്രാ​ഫി​ക് ഐ​ല​ൻ​ഡ് പു​തു​ക്കി പ​ണി​ത​പ്പോ​ൾ സ്ഥാ​പി​ച്ച ദി​ശാ സൂ​ചി​ക​ക​ക​ളാ​ണ് നി​ല​വി​ൽ ഉ​ള്ള​ത്. ന​ഗ​ര​ത്തി​ൽ ഗ​താ​ഗ​ത പ​രി​ഷ്ക​ര​ണം, വ​ൺ​വേ സ​മ്പ്ര​ദാ​യം ന​ട​പ്പാ​ക്കു​ക​യും ചെ​യ്ത​തോ​ടെ ആ ​ദി​ശാ സൂ​ചി​ക​ക​ൾ ഉ​പ​കാ​ര​മി​ല്ലാ​തെ​യാ​യി. ര​ണ്ടു ഭാ​ഗ​ങ്ങ​ളി​ൽ​നി​ന്ന് മാ​ത്ര​മാ​ണ് ഇ​പ്പോ​ൾ ന​ഗ​ര​മ​ധ്യ​ത്തി​ലേ​ക്ക് പ്ര​വേ​ശ​നം.

ചേ​റ്റു​വ ഭാ​ഗ​ത്ത് നി​ന്ന് വ​രു​ന്ന​വ​ർ​ക്ക് ഒ​രു വ​ഴി അ​ട​യാ​ള​വും ഇ​ല്ല. പു​തി​യ പാ​ലം ഇ​റ​ങ്ങി ചാ​വ​ക്കാ​ട് ടൗ​ണി​ൽ പ്ര​വേ​ശി​ക്കു​ന്ന​വ​ർ​ക്ക് കു​ന്നം​കു​ളം എ​ന്നെ​ഴു​തി​യ ദി​ശാ സൂ​ചി​ക മാ​ത്ര​മാ​ണ് കാ​ണാ​ൻ ക​ഴി​യു​ന്ന​ത്. അ​ക​ലെ​നി​ന്ന് ത​ന്നെ വാ​ഹ​ന​ങ്ങ​ൾ​ക്ക് ദി​ശ​യി​റി​യാ​നാ​യി വി​ള​ക്ക് കാ​ലു​ക​ളി​ൽ സ്ഥാ​പി​ച്ചി​ട്ടു​ള്ള വ​ലി​യ ബോ​ർ​ഡു​ക​ളി​ലും മെ​ഡി​ക്ക​ൽ സ്ഥാ​പ​ന​ത്തി​ന്റെ പ​ര​സ്യം മാ​ത്ര​മാ​ണ് ഉ​ള്ള​ത്.

ര​ണ്ടാ​ഴ്ച മു​മ്പാ​ണ് ട്രാ​ഫി​ക് ഐ​ല​ന്‍റ് സൗ​ന്ദ​ര്യ​വ​ത്ക​ര​ണം ന​ട​ത്തി​യ​ത്. ചെ​ടി​ക​ളും പ്ലാ​സ്‌​റ്റി​ക് പൂ​ക്ക​ൾ വെ​ച്ചും സ്വ​കാ​ര്യ സ്ഥാ​പ​ന​ത്തി​ന്റെ പ​ര​സ്യം പ​തി​ച്ച ഫ്ലെ​ക്സ് ഉ​പ​യോ​ഗി​ച്ചു​മാ​യി​രു​ന്നു സൗ​ന്ദ​ര്യ​വ​ത്ക​ര​ണം.

സം​ഭ​വം വി​വാ​ദ​മാ​യ​തോ​ടെ ന​ഗ​ര​സ​ഭ സെ​ക്ര​ട്ട​റി ഇ​ട​പ്പെ​ട്ട് അ​ടു​ത്ത ദി​വ​സം ത​ന്നെ പ്ലാ​സ്‌​റ്റി​ക് പൂ​ക്ക​ളും ട്രാ​ഫി​ക് ഐ​ല​ന്‍റി​നെ പൊ​തി​ഞ്ഞ പ​ര​സ്യം പ​തി​ച്ച ഫ്ലെ​ക്സും നീ​ക്കി​യി​രു​ന്നു. നീ​ക്കം ചെ​യ്ത പ​ര​സ്യം അ​നു​വ​ദ​നീ​യ​മാ​യ രീ​തി​യി​ൽ പു​നഃ​സ്ഥാ​പി​ച്ചെ​ങ്കി​ലും ദി​ശ​ബോ​ർ​ഡു​ക​ൾ ഇ​നി​യും തി​രി​ച്ചെ​ത്തി​യി​ല്ല. നാ​ട്ടു​കാ​ർ​ക്ക് വ​ഴി​ക​ൾ സു​പ​രി​ചി​ത​മാ​ണെ​ങ്കി​ലും ദേ​ശീ​യ​പാ​ത വ​ഴി​വ​ന്ന് ചാ​വ​ക്കാ​ട് എ​ത്തു​ന്ന ദീ​ർ​ഘ​ദൂ​ര യാ​ത്ര​ക്കാ​ർ വ​ഴി​യാ​റി​യാ​തെ വ​ല​യു​ക​യാ​ണ്. യാ​ത്ര​ക്കാ​ർ​ക്ക് വ​ഴി പ​റ​ഞ്ഞു​കൊ​ടു​ത്ത് വ​ല​ഞ്ഞെ​ന്ന് സെ​ന്റ​റി​ലെ ക​ച്ച​വ​ട​ക്കാ​ർ പ​റ​യു​ന്നു.

ഗു​രു​വാ​യൂ​ർ, എ​റ​ണാ​കു​ളം, തൃ​ശൂ​ർ, പാ​വ​റ​ട്ടി എ​ന്നീ​വ​ഴി​ക​ളി​ൽ യാ​ത്ര ചെ​യ്യേ​ണ്ട​വ​ർ ടൗ​ണി​ൽ വാ​ഹ​നം നി​ർ​ത്തി വ​ഴി ചോ​ദി​ക്കു​ന്ന​ത് ഗ​താ​ഗ​ത ത​ട​സ്സ​ത്തി​നും കാ​ര​ണ​മാ​കു​ന്നു​ണ്ട്. ര​ണ്ടാ​ഴ്ച പി​ന്നി​ട്ടി​ട്ടും ദി​ശാ സൂ​ചി​ക​ക​ൾ സ്ഥാ​പി​ക്കാ​ത്ത​ത് അ​ധി​കൃ​ത​രു​ടെ വ​ലി​യ അ​നാ​സ്ഥ​യാ​ണ് കാ​ണി​ക്കു​ന്ന​ത്.