അ​ക്കി​ക്കാ​വ് ജ​ങ്ഷ​നി​ൽ അ​പ​ക​ടം പ​തി​വ്​; ഒ​രാ​ഴ്ച​ക്കു​ള്ളി​ൽ നാ​ല് അ​പ​ക​ട​ങ്ങ​ൾ, പൊ​ലി​ഞ്ഞ​ത് ര​ണ്ട് ജീ​വ​ൻ

പെ​രു​മ്പി​ലാ​വ്: സം​സ്ഥാ​ന പാ​ത​യി​ലെ പ്ര​ധാ​ന ജ​ങ്ഷ​നാ​യ താ​ഴ​ത്തെ അ​ക്കി​ക്കാ​വി​ൽ അ​പ​ക​ട​ങ്ങ​ൾ ആ​വ​ർ​ത്തി​ക്കു​ന്ന​തി​നാ​ൽ സു​ര​ക്ഷ സം​വി​ധാ​ന​ങ്ങ​ൾ പു​നഃ​സ്ഥാ​പി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. വ​ർ​ഷ​ങ്ങ​ൾ​ക്ക് മു​മ്പ് സ്ഥാ​പി​ച്ച ട്രാ​ഫി​ക് സി​ഗ്ന​ൽ പ്ര​വ​ർ​ത്തി​ക്കാ​തെ​യാ​യി​ട്ട് ര​ണ്ട് വ​ർ​ഷം പി​ന്നി​ട്ടു. ഇ​തോ​ടെ അ​പ​ക​ട​ങ്ങ​ൾ പ​തി​വ് കാ​ഴ്ച​യാ​യി. തൃ​ശൂ​ർ-​ക​ട​വ​ല്ലൂ​ർ റോ​ഡ് ന​വീ​ക​ര​ണ പ്ര​വൃ​ത്തി​ക​ൾ ഏ​റെ​ക്കു​റെ പൂ​ർ​ത്തി​യാ​യി​ട്ടും വ​ർ​ഷ​ങ്ങ​ളാ​യി പ്ര​വ​ർ​ത്ത​ന​ര​ഹി​ത​മാ​യ സി​ഗ്ന​ൽ ലൈ​റ്റു​ക​ൾ പു​നഃ​സ്ഥാ​പി​ക്കാ​ൻ അ​ധി​കാ​രി​ക​ൾ ത​യാ​റാ​കു​ന്നി​ല്ലെ​ന്ന നാ​ട്ടു​കാ​രു​ടെ പ​രാ​തി നി​ല​നി​ൽ​ക്കു​ക​യാ​ണ്.

സീ​ബ്രാ ക്രോ​സി​ങ്, മു​ന്ന​റി​യി​പ്പ് ബോ​ർ​ഡു​ക​ൾ, വാ​ഹ​ന​ങ്ങ​ളു​ടെ വേ​ഗം നി​യ​ന്ത്രി​ക്കു​ന്ന സം​വി​ധാ​ന​ങ്ങ​ൾ, സി.​സി ടി.​വി കാ​മ​റ​ക​ൾ, രാ​ത്രി​കാ​ല സു​ര​ക്ഷാ ക്ര​മീ​ക​ര​ണ​ങ്ങ​ൾ തു​ട​ങ്ങി​യ അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​ത്ത​ത് അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്ന​താ​യി പ്ര​ദേ​ശ​വാ​സി​ക​ൾ ചൂ​ണ്ടി​ക്കാ​ട്ടു​ന്നു.

ക​ഴി​ഞ്ഞ ദി​വ​സം പു​ല​ർ​ച്ചെ അ​ക്കി​ക്കാ​വി​ൽ ലോ​റി​യി​ടി​ച്ച് 24 കാ​ര​നാ​യ ഇ​രു​ച​ക്ര​വാ​ഹ​ന യാ​ത്രി​ക​ൻ മ​രി​ച്ച സം​ഭ​വം പ്ര​ദേ​ശ​ത്തെ ന​ടു​ക്കി. റോ​ഡി​ൽ കി​ട​ന്ന് ര​ക്തം വാ​ർ​ന്നാ​ണ് യു​വാ​വ് മ​ര​ിച്ചത്. അ​തി​ന്റെ ഞെ​ട്ട​ൽ മാ​റും മു​മ്പാ​ണ് ചൊ​വ്വാ​ഴ്ച രാ​ത്രി കെ.​എ​സ്.​ആ​ർ.​ടി.​സി ലോ ​ഫ്ലോ​ർ ബ​സ് റോ​ഡ​രി​കി​ലെ പൂ​ട്ടി​ക്കി​ട​ന്ന കെ​ട്ടി​ട​ത്തി​ലേ​ക്ക് ഇ​ടി​ച്ചു​ക​യ​റി ഡ്രൈ​വ​ർ മ​രി​ച്ച​ത്. ക​ണ്ട​ക്ട​ർ ഉ​ൾ​പ്പെ​ടെ യാ​ത്ര​ക്കാ​രാ​യ എ​ട്ട് പേ​ർ​ക്ക് പ​രി​ക്കേ​റ്റു.സം​സ്ഥാ​ന​പാ​ത​യും ബൈ​പാ​സ് റോ​ഡും സം​ഗ​മി​ക്കു​ന്ന അ​ക്കി​ക്കാ​വ് ജ​ങ്ഷ​ൻ പ്ര​ദേ​ശ​ത്തെ ഏ​റ്റ​വും തി​ര​ക്കേ​റി​യ കേ​ന്ദ്ര​ങ്ങ​ളി​ലൊ​ന്നാ​ണി​ത്. ആ​രാ​ധ​നാ​ല​യ​ങ്ങ​ൾ, സ്വ​കാ​ര്യ ഡെ​ന്റ​ൽ കോ​ള​ജ്, എ​ൻ​ജി​നി​യ​റി​ങ് കോ​ള​ജ്, ബി.​എ​ഡ് കോ​ള​ജു​ക​ൾ, വ​നി​ത കോ​ള​ജ്, ര​ജി​സ്ട്രാ​ർ ഓ​ഫി​സ് തു​ട​ങ്ങി നി​ര​വ​ധി വ്യാ​പാ​ര സ്ഥാ​പ​ന​ങ്ങ​ൾ സ്ഥി​തി ചെ​യ്യു​ന്ന ജ​ങ്ഷ​നി​ൽ ദി​വ​സേ​ന നൂ​റു​ക​ണ​ക്കി​ന് വി​ദ്യാ​ർ​ഥി​ക​ളും ജീ​വ​ന​ക്കാ​രും ഭ​ക്ത​ജ​ന​ങ്ങ​ളും കാ​ൽ​ന​ട​യാ​യും മ​റ്റു​മാ​യി എ​ത്തു​ന്നു​ണ്ട്.

കോ​ഴി​ക്കോ​ട് ഭാ​ഗ​ത്തു​നി​ന്ന് എ​ത്തു​ന്ന വാ​ഹ​ന​ങ്ങ​ൾ അ​ക്കി​ക്കാ​വ് ഹൈ​സ്കൂ​ൾ ക​ഴി​ഞ്ഞാ​ലു​ള്ള ഇ​റ​ക്ക​മാ​യ​തി​നാ​ൽ പ​ല വാ​ഹ​ന​ങ്ങ​ളും അ​തി​വേ​ഗ​ത്തി​ൽ എ​ത്തു​ന്ന​ത് അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്ന​താ​യും നാ​ട്ടു​കാ​ർ ചൂ​ണ്ടി​ക്കാ​ട്ടി.

ജ​ങ്ഷ​നി​ൽ വേ​ഗ​നി​യ​ന്ത്ര​ണ സം​വി​ധാ​ന​ങ്ങ​ളോ മു​ന്ന​റി​യി​പ്പ് ബോ​ർ​ഡു​ക​ളോ നാ​ളി​തു​വ​രെ സ്ഥാ​പി​ച്ചി​ട്ടു​മി​ല്ല. കൂ​ടാ​തെ വ​ഴി​വി​ള​ക്കു​ക​ൾ പോ​ലും വേ​ണ്ട​ത്ര ഇ​ല്ലാ​ത്ത അ​വ​സ്ഥ​യാ​ണ്.