ഇ​രി​ങ്ങാ​ല​ക്കു​ട​ സ്റ്റേഷന് നി​ര​ന്ത​ര അ​വ​ഗ​ണ​ന; ട്രെ​യി​ൻ യാ​ത്ര​ക്കാ​ർ പ്ര​ക്ഷോ​ഭ​ത്തി​ലേ​ക്ക്

ഇ​രി​ങ്ങാ​ല​ക്കു​ട: വ​രു​മാ​ന​ത്തി​ലും യാ​ത്ര​ക്കാ​രു​ടെ എ​ണ്ണ​ത്തി​ലും ജി​ല്ല​യി​ൽ ര​ണ്ടാം സ്ഥാ​ന​ത്തു​ള്ള ഇ​രി​ങ്ങാ​ല​ക്കു​ട റെ​യി​ൽ​വേ സ്റ്റേ​ഷ​നോ​ടു​ള്ള നി​ര​ന്ത​ര അ​വ​ഗ​ണ​ന​യി​ൽ പ്ര​തി​ഷേ​ധി​ച്ച് യാ​ത്ര​ക്കാ​ർ പ്ര​ക്ഷോ​ഭ​ത്തി​ലേ​ക്ക്. അ​മൃ​ത് പ​ദ്ധ​തി​യും കോ​വി​ഡ് കാ​ല​ത്ത് നി​ർ​ത്ത​ലാ​ക്കി​യ അ​ഞ്ച് ട്രെ​യി​നു​ക​ൾ പു​നഃ​സ്ഥാ​പി​ക്ക​ലും സം​ബ​ന്ധി​ച്ച് അ​ധി​കൃ​ത​ർ ന​ൽ​കി​യ ഉ​റ​പ്പു​ക​ൾ എ​ങ്ങു​മെ​ത്താ​ത്ത സാ​ഹ​ച​ര്യ​ത്തി​ലാ​ണ് റെ​യി​ൽ​വേ പാ​സ​ഞ്ചേ​ഴ്സ് അ​സോ​സി​യേ​ഷ​ൻ നേ​തൃ​ത്വ​ത്തി​ൽ സ​മ​ര പ​രി​പാ​ടി​ക​ളി​ലേ​ക്ക് നീ​ങ്ങു​ന്ന​ത്.

2023 മാ​ർ​ച്ച് 23 നാ​ണ് റെ​യി​ൽ​വേ സ്റ്റേ​ഷ​ൻ സ​ന്ദ​ർ​ശി​ച്ച റെ​യി​ൽ​വേ പാ​സ​ഞ്ചേ​ഴ്സ് അ​മി​നി​റ്റീ​സ് ക​മ്മി​റ്റി ചെ​യ​ർ​മാ​ൻ പി.​കെ. കൃ​ഷ്ണ​ദാ​സ് ഇ​രി​ങ്ങാ​ല​ക്കു​ട സ്റ്റേ​ഷ​നെ അ​മൃ​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി പ​ത്ത് കോ​ടി രൂ​പ​യു​ടെ പ​ദ്ധ​തി​ക​ൾ ന​ട​പ്പി​ലാ​ക്കു​മെ​ന്ന് പ്ര​ഖ്യാ​പി​ച്ച​ത്. ര​ണ്ടാം ന​മ്പ​ർ പ്ലാ​റ്റ്ഫോ​മി​ൽ കോ​ഫി ഷോ​പ്പി​നാ​യി ഉ​ട​ൻ ടെ​ൻ​ഡ​ർ വി​ളി​ക്കു​മെ​ന്നും പ്ര​ഖ്യാ​പി​ച്ചി​രു​ന്നു.

വി​ഷ​യ​ത്തി​ൽ സ​ജീ​വ​മാ​യി ഇ​ട​പെ​ടു​മെ​ന്ന് മ​ന്ത്രി സു​രേ​ഷ് ഗോ​പി​യും വ്യ​ക്ത​മാ​ക്കി​യി​രു​ന്ന​താ​യി അ​സോ​സി​യേ​ഷ​ൻ പ്ര​തി​നി​ധി​ക​ൾ ചൂ​ണ്ടി​ക്കാ​ണി​ക്കു​ന്നു. 2024 ഡി​സം​ബ​ർ വ​രെ സ​മ​യം അ​ധി​കൃ​ത​ർ ആ​വ​ശ്യ​പ്പെ​ട്ട​താ​യും അ​സോ​സി​യേ​ഷ​ൻ പ​റ​യു​ന്നു. ക​ഴി​ഞ്ഞ ദി​വ​സ​ത്തെ കേ​ന്ദ്ര​ബ​ജ​റ്റി​ലും അ​മൃ​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി വി​ക​സി​പ്പി​ക്കു​ന്ന 35 സ്റ്റേ​ഷ​നു​ക​ളു​ടെ പ​ട്ടി​ക​യി​ൽ ഇ​രി​ങ്ങാ​ല​ക്കു​ട സ്ഥാ​നം പി​ടി​ച്ചി​ട്ടി​ല്ല. ചാ​ല​ക്കു​ടി ലോ​ക്സ​ഭ മ​ണ്ഡ​ല​ത്തി​ൽ മൂ​ന്ന് സ്റ്റേ​ഷ​നു​ക​ൾ പ​ട്ടി​ക​യി​ൽ ഇ​ടം പി​ടി​ച്ചി​ട്ടു​ള്ള വ​സ്തു​ത​യും ഇ​രി​ങ്ങാ​ല​ക്കു​ട​യി​ൽ​നി​ന്നു​ള്ള യാ​ത്ര​ക്കാ​ർ ചൂ​ണ്ടി​ക്കാ​ണി​ക്കു​ന്നു​ണ്ട്. എ​ല്ലാം പാ​ഴാ​യ സാ​ഹ​ച​ര്യ​ത്തി​ലാ​ണ് സ​മ​ര​പ​രി​പാ​ടി​ക​ളി​ലേ​ക്ക് നീ​ങ്ങാ​ൻ തീ​രു​മാ​നി​ച്ചി​രി​ക്കു​ന്ന​ത്.

വി​പു​ല​മാ​യ സ​മ​ര​പ്ര​ഖ്യാ​പ​ന ക​ൺ​വെ​ൻ​ഷ​ൻ ഉ​ട​ൻ വി​ളി​ച്ചു​ചേ​ർ​ക്കാ​നും നി​ര​ന്ത​ര സ​മ​ര​പ​രി​പാ​ടി​ക​ളി​ലേ​ക്ക് നീ​ങ്ങാ​നു​മാ​ണ് ക​ല്ലേ​റ്റും​ക​ര ഫാ ​ആ​ൻ​ഡ്രൂ​സ് ഹാ​ളി​ൽ ക​ഴി​ഞ്ഞ ദി​വ​സം ചേ​ർ​ന്ന യാ​ത്ര​ക്കാ​രു​ടെ യോ​ഗം തീ​രു​മാ​നി​ച്ചി​രി​ക്കു​ന്ന​ത്. അ​സോ​സി​യേ​ഷ​ൻ പ്ര​സി​ഡ​ന്റ് ഷാ​ജു ജോ​സ​ഫ് അ​ധ്യ​ക്ഷ​ത വ​ഹി​ച്ചു. പ​ഞ്ചാ​യ​ത്ത് പ്ര​സി​ഡ​ന്റ് കെ.​ആ​ർ. ജോ​ജോ ര​ക്ഷാ​ധി​കാ​രി​യും ഐ.​എ​ൻ. ബാ​ബു, ബാ​ബു തോ​മ​സ്, പി. ​സി. സു​ഭാ​ഷ്, ടി.​സി. അ​ർ​ജു​ന​ൻ എ​ന്നി​വ​ർ ഭാ​ര​വാ​ഹി​ക​ളാ​യും ക​മ്മി​റ്റി​ക്ക് രൂ​പം ന​ൽ​കി​യി​ട്ടു​ണ്ട്.