ഏയ് ഓട്ടോ, ഖിസ്സകളിലേക്കൊരു ഓട്ടം വരുമോ...സു​ധീ​ർ പെ​രു​മ്പി​ലാ​വി​ന്റെ നാ​ലാ​മ​ത്തെ പു​സ്ത​കം ഇ​ന്ന് പ്ര​കാ​ശ​നം ചെയ്യും

പെ​രു​മ്പി​ലാ​വ്: മു​ച്ച​ക്ര​ങ്ങ​ളി​ൽ ചു​റ്റി​ത്തി​രി​യു​മ്പോ​ഴും ആ​ശ​യ​ലോ​ക​ത്തെ സ​ഞ്ചാ​ര​ങ്ങ​ളി​ലാ​യി​രി​ക്കും സു​ധീ​ർ പെ​രു​മ്പി​ലാ​വ്. ക​ഥ​ക​ളെ​യും സ്മ​ര​ണ​ക​ളെ​യും വാ​യ​ന​ക്കാ​രി​ലെ​ത്തി​ക്കാ​നു​ള്ള സ​ർ​ഗാ​ത്മ​ക യാ​ത്ര​ക​ൾ. ഒ​ന്ന​ര പ​തി​റ്റാ​ണ്ടാ​യി ഓ​ട്ടോ​യു​ടെ ഹാ​ൻ​ഡി​ൽ പി​ടി​ച്ച് ജീ​വി​ത​ത്തി​ന്റെ ര​ണ്ട​റ്റം കൂ​ട്ടി​മു​ട്ടി​ക്കാ​നു​ള്ള തി​ര​ക്കു​ക​ൾ​ക്കി​ട​യി​ലും അ​ദ്ദേ​ഹ​ത്തി​ന്റെ കൈ​ക​ളി​ലെ തൂ​ലി​ക​യി​ൽ​നി​ന്ന് ഉ​തി​ർ​ന്നു​വീ​ണ​ത് നാ​ലു പു​സ്ത​ക​ങ്ങ​ൾ. നാ​ലാ​മ​ത്തെ പു​സ്ത​കം ‘ഒ​രു ഓ​ട്ടോ​ക്കാ​ര​ന്റെ ഓ​ർ​മ​ക്കു​റി​പ്പു​ക​ൾ’ വ്യാ​ഴാ​ഴ്ച പ്ര​കാ​ശ​നം​ചെ​യ്യും.

അ​ക്ഷ​ര​ങ്ങ​ൾ​ക്കി​ട​യി​ലൂ​ടെ​യു​ള്ള ഓ​ട്ട​മാ​ണ് സു​ധീ​റി​നെ എ​ഴു​ത്തു​കാ​ര​നാ​ക്കി​യ​ത്. എ​സ്.​എ​സ്.​എ​ൽ.​സി പ​ഠ​ന​ത്തി​നു​ശേ​ഷ​മു​ള്ള അ​ഞ്ചു വ​ർ​ഷം ജീ​വി​തം തീ​ർ​ത്തും വാ​യ​ന​യി​ലാ​യി​രു​ന്നു​വെ​ന്ന് ഇ​ദ്ദേ​ഹം പ​റ​യു​ന്നു. 20 വ​യ​സ്സി​നു​ള്ളി​ൽ 2000ത്തി​ല​ധി​കം പു​സ്ത​ക​ങ്ങ​ൾ വാ​യി​ച്ചു തീ​ർ​ത്തു. ത​ക​ഴി​യു​ടെ നോ​വ​ൽ ‘ക​യ​ർ’ ഒ​റ്റ​യി​രി​പ്പി​ൽ വാ​യി​ച്ചു​തീ​ർ​ക്കാ​ൻ വേ​ണ്ടി​വ​ന്ന​ത് 12 മ​ണി​ക്കൂ​ർ മാ​ത്രം.

വാ​യ​ന​യി​ലൂ​ടെ നേ​ടി​യ സ​ർ​ഗ​ശേ​ഷി​യു​ടെ ബ​ല​ത്തി​ൽ വ​ർ​ഷ​ങ്ങ​ൾ​ക്കു​മു​മ്പാ​ണ് സു​ധീ​ർ എ​ഴു​തി​ത്തു​ട​ങ്ങി​യ​ത്. സ​മൂ​ഹ​മാ​ധ്യ​മ​ങ്ങ​ളി​ലെ കു​റി​പ്പു​ക​ളാ​യി അ​വ പ്ര​ച​രി​ച്ചു. എ​ഴു​ത്തു​ക​ൾ പു​സ്ത​ക​മാ​ക്കി​ക്കൂ​​ടേ​യെ​ന്ന് പ​ല​രും ക​മ​ന്റു​ക​ളി​ൽ ചോ​ദി​ച്ചു. ആ ​ചോ​ദ്യ​ങ്ങ​ളി​ലൂ​ടെ പ്ര​ചോ​ദി​ത​നാ​യി 2019ൽ ‘​ഇ​ന്ന​ലെ​യ​ല്ലി​ന്ന്’ എ​ന്ന ഓ​ർ​മ​ക്കു​റി​പ്പു​ക​ളു​ടെ സ​മാ​ഹാ​രം ല​ഭി​ച്ചു. പ്ര​സി​ദ്ധീ​ക​രി​ക്കാ​നാ​യി സു​ഹൃ​ത്തു​ക്ക​ളും എ​ഴു​ത്തു​കാ​രു​മാ​യ ജാ​ബി​ർ മ​ല​യി​ൽ, ര​മേ​ഷ് പെ​രു​മ്പി​ലാ​വ് എ​ന്നി​വ​രെ സ​മീ​പി​ച്ച് അ​ഭി​പ്രാ​യം തേ​ടി. തു​ട​ർ​ന്നാ​യി​രു​ന്നു ആ​ദ്യ പു​സ്ത​ക​ത്തി​ന്റെ പ്ര​സി​ദ്ധീ​ക​ര​ണം.

2022ൽ ​ജ​ന്മ​ഗ്രാ​മ​ത്തി​ന്റെ ക​ഥ​ക​ളാ​യ ‘പെ​രു​മ്പി​ലാ​യി ഖി​സ്സ’​യും 2023ൽ ‘​ഓ​ട്ടോ​മാ​ൻ​സ് ഡ​യ​റി’​യും പു​റ​ത്തി​റ​ങ്ങി.

വ്യ​തി​രി​ക്ത​രാ​യ യാ​ത്രി​ക​രും പ​രി​ചി​ത​വും അ​പ​രി​ചി​ത​രു​മാ​യ ക​ഥ​ക​ളും അ​നു​ഭ​വ​ങ്ങ​ളും ക​യ​റി​യി​റ​ങ്ങി​പ്പോ​കു​ന്ന​താ​ണ് ഓ​ട്ടോ​ഡ്രൈ​വ​റു​ടെ​യും ജീ​വി​തം. നി​റ​ഞ്ഞ യാ​ത്ര​ക്കാ​രു​ള്ള വാ​ഹ​ന​ത്തി​ലും ഏ​കാ​ന്ത​ത​യു​ടെ​യും ഏ​കാ​ഗ്ര​ത​യു​ടെ​യും ഒ​റ്റ​ക്ക​ല്ലി​ൽ ച​ട​ഞ്ഞി​രു​ന്ന് ചു​റ്റു​പാ​ടും കാ​ണു​ന്ന സം​ഗ​തി​ക​ളെ ക​ഥ​ക​ളാ​യും ഓ​ർ​മ​ക​ളാ​യു​മൊ​ക്കെ ഒ​പ്പി​യെ​ടു​ത്ത കാ​ഴ്ച​ക​ളാ​ണ് സു​ധീ​റി​ന്റെ പു​സ്ത​ക​ത്തി​ലു​ള്ള​ത്.

‘ഒ​രു ഓ​ട്ടോ​ക്കാ​ര​ന്റെ ഓ​ർ​മ​ക്കു​റി​പ്പു​ക​ൾ’ പു​സ്ത​ക​ത്തി​ന്റെ പ്ര​കാ​ശ​നം വ്യാ​ഴാ​ഴ്ച തൃ​ശൂ​ർ ടൗ​ൺ ഹാ​ളി​ൽ ന​ട​ക്കും.

എ​ഴു​ത്തു​കാ​രാ​യ സ്മി​ത ഗി​രീ​ഷ്, ശി​ഹാ​ബു​ദ്ദീ​ൻ പൊ​യ്ത്തും​ക​ട​വ്, മു​ഹ​മ്മ​ദ് അ​ബ്ബാ​സ് എ​ന്നി​വ​ർ ചേ​ർ​ന്നാ​ണ് പ്ര​കാ​ശ​നം ചെ​യ്യു​ന്ന​ത്. ക​വ​ർ പേ​ജും ചി​ത്രീ​ക​ര​ണ​വും പി.​ആ​ർ. ബി​ജു, എ.​എ​സ്. വേ​ദാ​ന്ത് എ​ന്നി​വ​രാ​ണ് നി​ർ​വ​ഹി​ച്ച​ത്.

പെ​രു​മ്പി​ലാ​വ് ആ​ൽ​ത്ത​റ ആ​ലും​തൈ പാ​ക്കി​നി​ക്ക​ള​ത്തി​ൽ കു​ടും​ബാം​ഗ​മാ​ണ് സു​ധീ​ർ. ജ​മീ​ല​യാ​ണ് ഭാ​ര്യ.

ബി​രു​ദാ​ന​ന്ത​ര​ബി​രു​ദ വി​ദ്യാ​ർ​ഥി​നി അ​സ്‍ല, പ്ല​സ് വ​ൺ വി​ദ്യാ​ർ​ഥി അ​ൽ സാ​ബി​ത്ത് എ​ന്നി​വ​ർ മ​ക്ക​ളാ​ണ്.