ബ​സു​ക​ൾ നി​ർ​ത്തു​ന്ന​ത് പ​ഴ​യ സ്റ്റോ​പ്പി​ൽ ത​ന്നെ​; ബസ് കാത്തിരിപ്പ്​ കേന്ദ്രം വിശ്രമ കേന്ദ്രമായി

തൃ​പ്ര​യാ​ർ: ര​ണ്ട്​ ല​ക്ഷ​ത്തോ​ളം രൂ​പ ചെ​ല​വ​ഴി​ച്ച് വ​ല​പ്പാ​ട് പ​ഞ്ചാ​യ​ത്ത് നി​ർ​മി​ച്ച ബ​സ് കാ​ത്തി​രി​പ്പ്​ കേ​ന്ദ്ര​ത്തി​ന്​ മു​ന്നി​ൽ ബ​സു​ക​ൾ നി​ർ​ത്താ​താ​യ​തോ​ടെ വ​യോ​ധി​ക​രു​ടെ വി​ശ്ര​മ കേ​ന്ദ്ര​മാ​യി.പ​ഞ്ചാ​യ​ത്തി​ലെ പ്ര​ധാ​ന ബ​സ് കാ​ത്തി​രി​പ്പ്​ സ്ഥ​ല​മാ​യ ച​ന്ത​പ്പ​ടി​യി​ൽ നി​ർ​മി​ച്ച ഷെ​ഡാ​ണ് വി​ശ്ര​മ കേ​ന്ദ്ര​മാ​യ​ത്.

ച​ന്ത​പ്പ​ടി ഓ​പ​ൺ ഓ​ഡി​റ്റോ​റി​യ​ത്തി​നു മു​ന്നി​ൽ ദേ​ശീ​യ​പാ​ത​ക്ക് അ​ഭി​മു​ഖ​മാ​യും കി​ഴ​ക്കോ​ട്ടു​ള്ള റോ​ഡി​നോ​ട്​ ചേ​ർ​ന്നു​മാ​ണി​ത് നി​ർ​മി​ച്ച​ത്. സ​മീ​പ​ത്ത് മ​ര​മു​ള്ള​തി​നാ​ൽ ത​ണ​ലും ല​ഭി​ക്കും.

പു​തി​യ കാ​ത്തി​രി​പ്പു കേ​ന്ദ്രം തു​റ​ന്നി​ട്ടും ബ​സു​ക​ൾ പ​ഴ​യ സ്റ്റോ​പ്പി​ൽ ത​ന്നെ​യാ​ണ് നി​ർ​ത്തു​ന്ന​ത്. ഇ​താ​ക​ട്ടെ പു​തി​യ സ്റ്റോ​പ്പി​ൽ​നി​ന്ന് ഏ​താ​നും മീ​റ്റ​ർ മാ​ത്രം ദൂ​രെ​യാ​ണ്.

പ​ഞ്ചാ​യ​ത്ത് ഓ​ഫി​സി​ന്‍റെ​യും വ​ല​പ്പാ​ട് പൊ​ലീ​സ് സ്റ്റേ​ഷ​ന്‍റെ​യും തൊ​ട്ട​ടു​ത്ത ബ​സ് കാ​ത്തി​രി​പ്പു കേ​ന്ദ്രം യാ​ത്ര​ക്കാ​ർ​ക്ക് ഗു​ണ​ക​ര​മാ​ക്കാ​ൻ അ​ധി​കൃ​ത​ർ ശ്ര​മി​ക്കു​ന്നി​ല്ലെ​ന്നാ​ണ് യാ​ത്ര​ക്കാ​രു​ടെ ആ​ക്ഷേ​പം.