‘ആരോഗ്യകേരളം നമ്പർ വൺ’? ഇല്ലാത്ത രോഗങ്ങളില്ല, ‘പൊള്ളാതെ’ ചികിത്സയുമില്ല

തി​രു​വ​ന​ന്ത​പു​രം: ആ​രോ​ഗ്യ​കേ​ര​ളം ‘ന​മ്പ​ർ വ​ൺ’ എ​ന്ന്​ സ​ർ​ക്കാ​റും സം​വി​ധാ​ന​ങ്ങ​ളും അ​വ​കാ​ശ​പ്പെ​ടു​മ്പോ​ഴും രോ​ഗാ​തു​ര​ത​യി​ലും ചി​കി​ത്സാ​ചെ​ല​വി​ലും രാ​ജ്യ​ത്ത് ത​ന്നെ ഒ​ന്നാം സ്ഥാ​ന​ത്താ​ണ് കേ​ര​ളം. പേ​വി​ഷ​ബാ​ധ​യ​ട​ക്കം പ​ക​ർ​ച്ച​പ്പ​നി ഉ​ൾ​പ്പെ​ടെ 25 ഇ​നം സാം​ക്ര​മി​ക രോ​ഗ​ങ്ങ​ളാ​ണ്​ കേ​ര​ള​ത്തി​ന്‍റെ അ​ന്ത​രീ​ക്ഷ​ത്തി​ൽ ഭീ​ഷ​ണി പ​ര​ത്തു​ന്ന​ത്. പു​റ​മെ ജീ​വി​ത​ശൈ​ലി രോ​ഗ​ങ്ങ​ളാ​യ പ്ര​മേ​ഹ​വും അ​മി​ത ര​ക്ത​സ​മ്മ​ർ​ദ്ദ​വും അ​ട​ക്കം അ​ർ​ബു​ദ രോ​ഗ​ങ്ങ​ളും മാ​ന​സി​ക രോ​ഗ​ങ്ങ​ളും റോ​ഡ​പ​ക​ട​ങ്ങ​ളും വെ​ല്ലു​വി​ളി ഉ​യ​ർ​ത്തു​ന്നു.

ചെ​റു​പ്പ​ക്കാ​ർ​ക്കി​ട​യി​ലെ കു​ഴ​ഞ്ഞു​വീ​ണു​ള്ള മ​ര​ണ​ങ്ങ​ളും ഉ​ത്ത​രം​കി​ട്ടാ​ത്ത ചോ​ദ്യ​മാ​യി. വൃ​ദ്ധ​ജ​നാ​നു​പാ​ത വ​ർ​ധ​ന​വും രോ​ഗാ​തു​ര​ത വ​ർ​ധി​ക്കു​ന്ന​തി​ന് കാ​ര​ണ​മാ​ണ്. ഈ ​വ​ർ​ഷം എ​ട്ടു​മാ​സ​ത്തി​നി​ടെ മാ​ത്രം സാം​ക്ര​മി​ക രോ​ഗ​ങ്ങ​ൾ ക​വ​ർ​ന്ന​ത്​ 473 ജീ​വ​നു​ക​ളാ​ണ്. അ​തി​ൽ ഏ​റ്റ​വും കൂ​ടു​ത​ൽ എ​ലി​പ്പ​നി ബാ​ധി​ച്ചാ​ണ്​. ലോ​ക​ത്തെ​വി​ടെ​യും പു​തി​യൊ​രു​രോ​ഗം റി​പ്പോ​ർ​ട്ട്​ ചെ​യ്താ​ൽ ദി​വ​സ​ങ്ങ​ൾ​ക്ക​കം കേ​ര​ള​ത്തി​ൽ അ​തി​ന്‍റെ ല​ക്ഷ​ണ​ങ്ങ​ൾ ക​ണ്ടു​തു​ട​ങ്ങും.

ന​മ്പ​ർ​വ​ൺ ആ​രോ​ഗ്യ കേ​ര​ള​ത്തി​ൽ ഇ​തെ​ങ്ങ​നെ സം​ഭ​വി​ക്കു​ന്നു എ​ന്ന​ത്​​ ഉ​ത്ത​രം​കി​ട്ടാ​ത്ത ചോ​ദ്യ​മാ​ണ്. ശാ​സ്ത്രീ​യ​മ​ല്ലാ​ത്ത മാ​ലി​ന്യ​സം​സ്ക​ര​ണം, മാ​ലി​ന്യം നി​റ​ഞ്ഞ ജ​ല​സ്രോ​ത​സു​ക​ൾ, ജ​ന്തു​ക്ക​ളു​മാ​യു​ള്ള സ​ഹ​വാ​സം തു​ട​ങ്ങി​യ​വ ഒ​രു​പ​രി​ധി വ​രെ​യു​ള്ള കാ​ര​ണ​ങ്ങ​ളാ​ണ്. എ​ന്നാ​ൽ മു​ൻ​കൂ​ട്ടി രോ​ഗ​ങ്ങ​ളെ തി​രി​ച്ച​റി​യാ​ൻ വേ​ണ്ടി​യു​ള്ള ശാ​സ്ത്രീ​യ പ​ഠ​ന​ങ്ങ​ളു​ടെ കാ​ര്യ​ത്തി​ൽ കേ​ര​ളം പി​ന്നാ​ക്കം ത​ന്നെ​യാ​ണ്​ ഇ​പ്പോ​ഴും. ഡെ​ങ്കി​പ്പ​നി വ്യാ​പ​നം തൊ​ട്ട്​ ഇ​ങ്ങോ​ട്ട്​ ഇ​ൻ​ഫ്ലു​വ​ൻ​സ, നി​പ്പ, കോ​വി​ഡ്, അ​മീ​ബി​ക്​ മ​സ്തി​ഷ്ക​ജ്വ​രം അ​ട​ക്കം വ​ലി​യ ഭീ​ഷ​ണി ഉ​യ​ർ​ത്തി​യി​ട്ടും ശാ​സ്ത്രീ​യ​പ​ഠ​ന​ങ്ങ​ൾ കാ​ര്യ​മാ​യി ന​ട​ന്നി​ട്ടി​ല്ല.

‘ത​ല​ച്ചോ​ർ തീ​നി’ എ​ന്ന​റി​യ​പ്പെ​ടു​ന്ന ‘നൈ​ഗ്ലേ​രി​യ ഫൗ​ള​രി’ എ​ന്ന ഒ​റ്റ​യി​നം അ​മീ​ബ​യാ​ണ്​ മു​ൻ​പ്​ കേ​ര​ള​ത്തി​ൽ അ​മീ​ബി​ക് മ​സ്തി​ഷ്ക ജ്വ​ര​ത്തി​ന്​ കാ​ര​ണ​മാ​യി​രു​ന്ന​ത്. എ​ന്നാ​ൽ, അ​ടു​ത്ത​കാ​ല​ത്ത്​ റി​പ്പോ​ർ​ട്ട് ചെ​യ്ത ഇ​ത്ത​രം കേ​സു​ക​ളി​ൽ മ​റ്റ് അ​മീ​ബ വ​ക​ഭേ​ദ​ങ്ങ​ളും കാ​ര​ണ​മാ​യെ​ന്നാ​ണ് ക​ണ്ടെ​ത്ത​ൽ. അ​മീ​ബി​ക് മ​സ്തി​ഷ്ക​ജ്വ​ര ബാ​ധ​യെ​ക്കു​റി​ച്ച്​ പ​ഠി​ക്കാ​ൻ ആ​രോ​ഗ്യ​വ​കു​പ്പ് നി​യോ​ഗി​ച്ച വി​ദ​ഗ്ധ സ​മി​തി​ക​ൾ പ​ഠ​നം തു​ട​രു​ന്ന​തേ​യു​ള്ളൂ.

ഇ​തി​നൊ​ക്കെ പു​റ​മെ​യാ​ണ്​ പൊ​ള്ളു​ന്ന ചി​കി​ത്സാ​നി​ര​ക്ക്. സ​ർ​ക്കാ​ർ ആ​ശു​പ​ത്രി​ക​ളി​ലും പ​ണ​ച്ചെ​ല​വു​ണ്ടാ​കു​ന്നു. അ​ര​നൂ​റ്റാ​ണ്ട്​ മു​മ്പ്​ ആ​ഗോ​ള ആ​രോ​ഗ് ഭൂ​പ​ട​ത്തി​ൽ കേ​ര​ളം മാ​തൃ​ക​യാ​യി വി​ശേ​ഷി​പ്പി​ക്ക​പ്പെ ട്ടി​രു​ന്നു. കു​റ​ഞ്ഞ ചെ​ല​വി​ൽ മെ​ച്ച​പ്പെ​ട്ട ആ​രോ​ഗ്യം എ​ന്ന​താ​ണ് ഈ ​വി​ശേ​ഷ​ണ​ത്തി​ന് അ​ർ​ഹ​മാ​ക്കി​യ​ത്. കു​റ​ഞ്ഞ മ​ര​ണ​നി​ര​ക്കു​ക​ളും ഉ​യ​ർ​ന്ന ആ​യു​ർ ദൈ​ർ​ഘ്യ​വും എ​ന്ന​തി​നൊ​പ്പം ആ​രോ​ഗ്യ ചെ​ല​വു​ക​ളും താ​ര​ത​മ്യേ​നെ കു​റ​വാ​യി​രു​ന്നു ഇ​വി​ടെ.

ചി​കി​ത്സാ​ചെ​ല​വും കു​തി​ക്കു​ന്നു

നാ​ഷ​ണ​ൽ ഹെ​ൽ​ത്ത് അ​ക്കൗ​ണ്ട്സ് റി​പ്പോ​ർ​ട്ട് (2021-22) പ്ര​കാ​രം, ജ​ന​ങ്ങ​ളു​ടെ സ്വ​കാ​ര്യ ആ​രോ​ഗ്യ ചെ​ല​വ് ഏ​റ്റ​വും കൂ​ടു​ത​ലു​ള്ള സം​സ്ഥാ​ന​ങ്ങ​ളി​ലൊ​ന്നാ​ണ്​ കേ​ര​ളം. മൊ​ത്തം ആ​രോ​ഗ്യ ചെ​ല​വി​ന്റെ 60 ശ​ത​മാ​ന​വും ജ​ന​ങ്ങ​ൾ അ​വ​രു​ടെ സ്വ​ന്തം പോ​ക്ക​റ്റി​ൽ നി​ന്ന് ത​ന്നെ ചെ​ല​വ​ഴി​ക്കേ​ണ്ട സാ​ഹ​ച​ര്യ​മാ​ണ്. ആ​രോ​ഗ്യ​ത്തി​ന്റെ പൊ​തു​വി​ഹി​തം 32.5 ശ​ത​മാ​നം മാ​ത്ര​മാ​ണു​ള്ള​ത്. 2011 സെ​ൻ​സ​സ് പ്ര​കാ​രം കേ​ര​ള​ത്തി​ലെ വ​യോ​ജ​ന അ​നു​പാ​തം ആ​കെ ജ​ന​സം​ഖ്യ​യു​ടെ 12.6 ശ​ത​മാ​നം ആ​യി​രു​ന്നെ​ങ്കി​ൽ ഇ​പ്പോ​ഴ​ത് 19 ശ​ത​മാ​ന​മാ​യി, അ​ഞ്ചി​ലൊ​ന്ന്.

പ​ത്തു​വ​ർ​ഷം കൂ​ടി ക​ഴി​യു​മ്പോ​ൾ കേ​ര​ള​ത്തി​ലെ വ​യോ​ജ​ന അ​നു​പാ​തം ആ​കെ ജ​ന​സം​ഖ്യ​യു​ടെ നാ​ലി​ലൊ​ന്നും 2051ൽ ​അ​ത് മൂ​ന്നി​ലൊ​ന്നു​മാ​യി മാ​റും. നി​ല​വി​ൽ വ​യോ​ജ​ന​ങ്ങ​ളി​ലെ 35 ശ​ത​മാ​നം പേ​ർ​ക്ക് പ്ര​മേ​ഹ​വും 53 ശ​ത​മാ​നം പേ​ർ​ക്ക് അ​മി​ത ര​ക്ത​സ​മ്മ​ർ​ദ​വു​മു​ണ്ട്. ഒ​രേ​സ​മ​യം മൂ​ന്നി​ല​ധി​കം രോ​ഗ​ങ്ങ​ളു​ള്ള​വ​ർ 20 ശ​ത​മാ​ന​മാ​ണ്.

രോ​ഗാ​തു​ര​ത​യി​ലും ചി​കി​ത്സാ​ചെ​ല​വി​ലും രാ​ജ്യ​ത്തെ ‘ന​മ്പ​ർ വ​ൺ’ സം​സ്ഥാ​ന​മെ​ന്ന പ​ദ​വി​യും കേ​ര​ള​ത്തി​ന്​ സ്വ​ന്ത​മാ​ണ്. കേ​ര​ള​ത്തി​ന്റെ ആ​രോ​ഗ്യ മേ​ഖ​ല​യി​ലേ​ക്ക് ആ​ഗോ​ള കോ​ർ​പ​റേ​റ്റു​ക​ൾ കൈ​ക​ട​ത്തു​ക​യാ​ണ്. ചി​കി​ത്സ​ക്ക് ആ​വ​ശ്യ​മാ​യ രോ​ഗി​ക​ളെ ല​ഭി​ക്കു​ന്ന​തും ആ ​രോ​ഗി​ക​ളു​ടെ കൈ​വ​ശം സ്വ​ന്തം ചി​കി​ത്സ​ക്കാ​യി ചെ​ല​വ​ഴി​ക്കാ​ൻ പ​ണ​മു​ണ്ടാ​യി​രി​ക്കു​ന്ന​തും നി​ക്ഷേ​പം ന​ട​ത്തു​ന്ന​വ​രെ ആ​ക​ർ​ഷി​ക്കു​ന്ന ഘ​ട​ക​ങ്ങ​ളാ​ണ്. രോ​ഗാ​തു​ര​ത കു​റ​ക്കു​ക​യും പൊ​തു​ആ​രോ​ഗ്യ സം​വി​ധാ​ന​ങ്ങ​ൾ ശ​ക്തി​പ്പെ​ടു​ത്തു​ക​യു​മാ​ണ് ഇ​ത്​ മ​റി​ക​ട​ക്കാ​നു​ള്ള പോം​വ​ഴി.