ഭയക്കണം, തോൽവിയറിയാത്ത കടുവകളെ

തി​രു​വ​ന​ന്ത​പു​രം: വേ​ട്ട​യാ​ടാ​നി​റ​ങ്ങി​യാ​ൽ ഇ​ര​ക​ൾ​ക്ക് മു​ന്നി​ൽ ക​ടു​വ​ക​ൾ ഗ​ർ​ജി​ക്കാ​റി​ല്ല. പ​ക്ഷേ ഇ​ര മു​ന്നി​ൽ​പ്പെ​ട്ടാ​ൽ ക​രു​ത്ത് കാ​ട്ടാ​തെ തി​രി​ച്ച് മ​ട​ങ്ങി​യ ച​രി​ത്ര​വു​മി​ല്ല. അ​ന​ന്ത​പു​രി​യി​ൽ കാ​ൽ​പ​ന്തി​ന്‍റെ രാ​ജാ​ക്ക​ന്മാ​ർ ആ​രെ​ന്ന​റി​യാ​നു​ള്ള എ​ലൈ​റ്റ് ഡി​വി​ഷ​ൻ പോ​രാ​ട്ട​ത്തി​ന് പ​ന്തു​രു​ളാ​ൻ നാ​ലു​നാ​ൾ മാ​ത്രം ശേ​ഷി​ക്കെ എ​തി​രാ​ളി​ക​ൾ ഭ​യ​ക്ക​ണം, നെ​യ്യാ​റി​ന്‍റെ ആ​ഴ​ങ്ങ​ൾ നീ​ന്തി​ക്ക​യ​റി​യെ​ത്തു​ന്ന കേ​ര​ള ടൈ​ഗേ​ഴ്സി​നെ.

മു​ഹ​മ്മ​ദ​ൻ സ്പോ​ർ​ട്ടി​ങ് ക്ല​ബി​ന്‍റ മു​ൻ ഗോ​ളി​യും റി​സ​ർ​വ് ബാ​ങ്ക് ഓ​ഫ് ഇ​ന്ത്യ മാ​നേ​ജ​രും ജി​ല്ല ഫു​ട്ബാ​ൾ അ​സോ​സി​യേ​ഷ​ൻ സെ​ക്ര​ട്ട​റി​യു​മാ​യ കെ.​എം. റ​ഫീ​ക്കി​ന്‍റെ ഉ​ട​മ​സ്ഥ​ത​യി​ൽ 2013ലാ​ണ് നെ​യ്യാ​ർ എ​ഫ്.​സി എ​ന്ന ഇ​പ്പോ​ഴ​ത്തെ കേ​ര​ള ടൈ​ഗേ​ഴ്സ് ജി​ല്ല ഫു​ട്ബാ​ൾ അ​സോ​സി​യേ​ഷ​നി​ൽ ര​ജി​സ്റ്റ​ർ ചെ​യ്യു​ന്ന​ത്. 2014ൽ '​എ​ഫ്' ഡി​വി​ഷ​നി​ൽ അ​ര​ങ്ങേ​റി​യ ടീം ​തു​ട​ർ​ന്ന്​ എ​തി​രാ​ളി​ക​ൾ​ക്ക് സ​മ്മാ​നി​ച്ച​ത് ഉ​റ​ക്ക​മി​ല്ലാ​ത്ത രാ​ത്രി​ക​ൾ.

നെ​യ്യാ​റി​ന്‍റെ പി​ള്ളേ​രു​ടെ കാ​ലി​ന്‍റെ ചൂ​ട് ത​ല​സ്ഥാ​ന​ത്തെ ക്ല​ബു​ക​ളെ​ല്ലാം അ​റി​ഞ്ഞു. ഇ, ​ഡി, സി ​ഡി​വി​ഷ​നു​ക​ളി​ൽ കീ​രീ​ടം നേ​ടി 2018ൽ ​ത​ന്നെ ടീം '​ബി' ഡി​വി​ഷ​നി​ലെ​ത്തി. കൊ​ച്ചു​വേ​ളി സെ​ന്‍റ് ജോ​ർ​ജ് ഫു​ട്ബാ​ൾ ക്ല​ബു​മാ​യി തു​ല്യ പോ​യ​ന്‍റാ​യ​തോ​ടെ ടോ​സി​ൽ ര​ണ്ടാം​സ്ഥാ​ന​ത്താ​യി. തു​ട​ർ​ന്ന് 2019ൽ ​ബി ഡി​വി​ഷ​ൻ എ​ല്ലാ ക​ളി​ക​ളും ആ​ധി​കാ​രി​ക​മാ​യി ജ​യി​ച്ചു. 2020ൽ '​എ' ഡി​വി​ഷ​ൻ, 2024ൽ ​സൂ​പ്പ​ർ ഡി​വി​ഷ​ൻ ചാ​മ്പ്യ​ന്മാ​രാ​യി.

'എ​ഫ്' മു​ത​ൽ 'എ' ​ഡി​വി​ഷ​ൻ വ​രെ ന​ട​ന്ന നാ​ൽ​പ​തോ​ളം മ​ത്സ​ര​ങ്ങ​ളി​ൽ ഒ​രു ഗോ​ളു​പോ​ലും വ​ഴ​ങ്ങാ​തെ​യു​ള്ള നെ​യ്യാ​റി​ന്‍റെ വി​ജ​യം റെ​ക്കോ​ഡാ​ണ്. ക​ഴി​ഞ്ഞ​വ​ർ​ഷം ന​ട​ന്ന സൂ​പ്പ​ർ ഡി​വി​ഷ​നി​ലാ​യി​രു​ന്നു ആ​ദ്യ​മാ​യി നെ​യ്യാ​റി​ന്‍റെ പ്ര​തി​രോ​ധം എ​തി​രാ​ളി​ക​ൾ​ക്ക് പൊ​ളി​ച്ച​ത്. മൂ​ന്ന്​ ഗോ​ളു​ക​ൾ അ​ടി​ച്ചെ​ങ്കി​ലും നെ​യ്യാ​റി​ന്‍റെ വി​ജ​യ​മു​ന്നേ​റ്റം ത​ട​യാ​ൻ ത​ല​സ്ഥാ​ന​ത്തെ പേ​രു​കേ​ട്ട ക്ല​ബു​ക​ൾ​ക്ക് ക​ഴി​ഞ്ഞി​ല്ല. 2018ൽ ​ബി ഡി​വി​ഷ​നി​ൽ കൊ​ച്ചു​വേ​ളി സെ​ന്‍റ് ജോ​ർ​ജി​നോ​ട് സ​മ​നി​ല​യി​ൽ പി​രി​ഞ്ഞ​തൊ​ഴി​ച്ചാ​ൽ നാ​ളി​തു​വ​രെ പ​രാ​ജ​യം രു​ചി​ച്ചി​ട്ടി​ല്ല.

ഒ​രു പ്ര​ഫ​ഷ​ന​ൽ ഫു​ട്ബാ​ൾ ക്ല​ബാ​ക്കി മാ​റ്റു​ക​യെ​ന്ന പ​രി​ശീ​ല​ക​നും ടീം ​മാ​നേ​ജ​രു​മാ​യ കെ.​എം. റ​ഫീ​ക്കി​ന്‍റെ സ്വ​പ്ന​മാ​ണ് ഈ ​വ​ർ​ഷം മു​ത​ൽ നെ​യ്യാ​ർ എ​ഫ്.​സി​യെ പേ​രു​മാ​റ്റി കേ​ര​ള ടൈ​ഗേ​ഴ്​​സാ​യി ക​ള​ത്തി​ലി​റ​ക്കു​ന്ന​ത്. റി​സ​ർ​വ് ബാ​ങ്ക് ടീ​മി​നെ എ​ലൈ​റ്റ് ഡി​വി​ഷ​ൻ വ​രെ എ​ത്തി​ച്ച റ​ഫീ​ക്കി​ന്‍റേ​ത്​​ തൊ​ട്ട​തെ​ല്ലാം പൊ​ന്നാ​ക്കി​യ ച​രി​ത്ര​മാ​ണ്. ഡി​വി​ഷ​നി​ൽ ന​വാ​ഗ​ത​രാ​ണെ​ങ്കി​ലും 'ക​ടു​വ'​ക​ളു​ടെ ആ​ക്ര​മ​ണ​സ്വ​ഭാ​വ​ത്തി​ൽ മാ​റ്റ​മു​ണ്ടാ​കി​ല്ലെ​ന്ന് റ​ഫീ​ക്ക് പ​റ​യു​ന്നു.

സ​ന്തോ​ഷ് ട്രോ​ഫി താ​ര​വും ദേ​ശീ​യ ഗെ​യിം​സി​ൽ സ്വ​ർ​ണ​മെ​ഡ​ൽ നേ​ടി​യ കേ​ര​ള ടീം ​അം​ഗ​വു​മാ​യ സെ​ബാ​സ്റ്റ്യ​നാ​ണ്​ നാ​യ​ക​ൻ. മ​ധ്യ​നി​ര​യി​ൽ സ​ന്തോ​ഷ് ട്രോ​ഫി ക്യാ​മ്പ് അം​ഗം ജി​ജോ ജ​യ്സ​ൺ ത​ന്ത്ര​ങ്ങ​ൾ മെ​ന​യും. പ്ര​തി​രോ​ധ​കോ​ട്ട കാ​ക്കു​ന്ന​ത്​ ഖോ​ലോ ഇ​ന്ത്യ താ​ര​വും കേ​ര​ള യൂ​നി​വേ​ഴ്സി​റ്റി ഫു​ട്ബാ​ൾ ടീം ​അം​ഗ​വു​മാ​യ ഷെ​യ്​​നാ​യി​രി​ക്കും. ജൂ​ൺ ഒ​മ്പ​തി​ന് എ​സ്.​ബി.​ഐ കേ​ര​ള​യു​മാ​യാ​ണ് ആ​ദ്യ മ​ത്സ​രം.