പൊലീസ് സ്റ്റേഷന്‍റെ വിഡിയോ എടുത്തുവെന്നാരോപണം: യുവാവിന് മർദിച്ചതായി പരാതി

കി​ളി​മാ​നൂ​ർ: പൊ​ലീ​സ് സ്റ്റേ​ഷ​ന്‍റെ വിഡി​യോ എ​ടു​ത്തു​വെ​ന്നാ​രോ​പി​ച്ച് പ​ട്ടി​ക​ജാ​തി​ക്കാ​ര​നെ ജാ​തി വി​ളി​ച്ച് ആ​ക്ഷേ​പി​ക്കു​ക​യും സ്റ്റേ​ഷ​നി​ൽ കൊ​ണ്ടു​പോ​യി ക്രൂ​ര​മാ​യി മ​ർ​ദി​ച്ച​താ​യും പ​രാ​തി.

ന​ഗ​രൂ​ർ ദ​ർ​ശ​നാ​വ​ട്ടം ചെ​ക്കാ​ല​ക്കോ​ണം വാ​റു​വി​ള വീ​ട്ടി​ൽ സു​രേ​ഷി​നെ (45) ആ​ണ് ന​ഗ​രൂ​ർ പൊ​ലീ​സ് മ​ർ​ദി​ച്ച​ത്. വി​ഷ​യ​ത്തി​ൽ സു​രേ​ഷ് ആ​റ്റി​ങ്ങ​ൽ ഡി​വൈ.​എ​സ്‌.​പി​ക്ക് പ​രാ​തി ന​ൽ​കി. പൊ​ലീ​സ് മ​ർ​ദ​ന​ത്തി​ൽ സാ​ര​മാ​യി പ​രി​ക്കേ​റ്റ സു​രേ​ഷ് ആ​റ്റി​ങ്ങ​ൽ വ​ലി​യ​കു​ന്ന് സ​ർ​ക്കാ​ർ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

ശ​വ സം​സ്കാ​ര തൊ​ഴി​ലാ​ളി​യാ​യ സു​രേ​ഷ് ദീ​പാ​വ​ലി ദി​വ​സം ജോ​ലി ക​ഴി​ഞ്ഞ് ന​ഗ​രൂ​ർ സ്റ്റേ​ഷ​ന് മു​ന്നി​ലെ​ത്തി​യ​പ്പോ​ൾ സ്റ്റേ​ഷ​ൻ ദീ​പ​ങ്ങ​ൾ കൊ​ണ്ട് അ​ല​ങ്ക​രി​ച്ചി​രി​ക്കു​ന്ന​ത് ക​ണ്ടു. മൊ​ബൈ​ൽ ഫോ​ണി​ൽ വിഡി​യോ പ​ക​ർ​ത്തു​ന്ന​ത് ക​ണ്ട സ്റ്റേ​ഷ​നി​ലെ ഒ​രു പൊ​ലീ​സ് ഉ​ദ്യോ​ഗ​സ്ഥ​ൻ പു​റ​ത്തി​റ​ങ്ങി വ​ന്ന് വി​ഡി​യോ പ​ക​ർ​ത്തി​യ​ത് എ​ന്തി​നെ​ന്ന് ചോ​ദി​ച്ചു. കൂ​ടെ മ​റ്റൊ​രു പൊ​ലീ​സ് ഉ​ദ്യോ​ഗ​സ്ഥ​ൻ കൂ​ടി വ​ന്ന് സ്റ്റേ​ഷ​നി​ൽ കൊ​ണ്ടു​പോ​യി ജാ​തി പ​റ​ഞ്ഞ് മ​ർ​ദി​ച്ചു. മ​ർ​ദ​ന​ത്തി​ൽ ബോ​ധം ന​ഷ്ട​മാ​യെ​ന്നും പ​രാ​തി​യി​ൽ പ​റ​യു​ന്നു. കൂ​ടെ​യു​ണ്ടാ​യി​രു​ന്ന സു​ഹൃ​ത്താ​ണ് വി​വ​രം വീ​ട്ടി​ല​റി​യി​ച്ച​ത്. തു​ട​ർ​ന്ന് ഭാ​ര്യ വ​ന്ന് കൂ​ട്ടി​കൊ​ണ്ട് പോ​വു​ക​യാ​യി​രു​ന്നു.

ജോ​ലി​ക്ക് പോ​കാ​ൻ ക​ഴി​യാ​ത്ത​തി​നെ തു​ട​ർ​ന്ന് കേ​ശ​വ​പു​രം സാ​മൂ​ഹി​കാ​രോ​ഗ്യ കേ​ന്ദ്ര​ത്തി​ലും, തു​ട​ർ​ന്ന് വ​ലി​യ​കു​ന്ന് ആ​ശു​പ​ത്രി​യി​ലും ചി​കി​ത്സ തേ​ടി. മു​ഖ്യ​മ​ന്ത്രി​യ​ട​ക്കം ഉ​ന്ന​ത​ർ​ക്ക് പ​രാ​തി ന​ൽ​കു​മെ​ന്ന് സു​രേ​ഷ് പ​റ​ഞ്ഞു.