എം.എൽ.എ ഫണ്ടിൽ നിന്ന് 20ലക്ഷം അനുവദിച്ചിട്ട് ഒരു വർഷം; റോഡ് നവീകരണം ഫ്ലക്സ് ബോർഡിൽ മാത്രം

കി​ളി​മാ​നൂ​ർ: ന​ഗ​രൂ​ർ പ​ഞ്ചാ​യ​ത്തി​ലെ ആ​റാം വാ​ർ​ഡി​ൽ ഉ​ൾ​പ്പെ​ട്ട ക​ല്ലി​ങ്ങ​ൽ-​മു​ണ്ട​യി​ൽ​കോ​ണം-​കൊ​പ്പം റോ​ഡ് ന​വീ​ക​ര​ണം ഇ​നി​യു​മ​ക​ലെ. വ​ർ​ഷ​ങ്ങ​ളാ​യി ത​ക​ർ​ന്നു കി​ട​ന്ന റോ​ഡി​ന്‍റെ റീ​ടാ​റി​ങ്ങി​ന് എം.​എ​ൽ.​എ ഫ​ണ്ട് അ​നു​വ​ദി​ച്ച​താ​യി ഫ്ല​ക്സ് ബോ​ർ​ഡ് സ്ഥാ​പി​ച്ചി​ട്ട് ഒ​രു​വ​ർ​ഷ​മാ​യി​ട്ടും തു​ട​ർ​ന​ട​പ​ടി​യാ​യി​ല്ല. കാ​ട്ടു​ച്ചെ​ടി​ക​ൾ വ​ള​ർ​ന്നു ബോ​ർ​ഡ് മൂ​ടി​യി​ട്ടും റോ​ഡി​ന്‍റെ അ​വ​സ്ഥ​ക്ക് മാ​റ്റ​മി​ല്ല. ക​ല്ലി​ങ്ങ​ൽ-​കൊ​പ്പം-​വ​ലി​യ​കാ​ട്, ആ​ലി​ന്‍റെ​മൂ​ട്-​വ​ലി​യ​കാ​ട്-​ക​ണ്ണ​ൻ​മു​ക്ക് എ​ന്നീ റോ​ഡു​ക​ളു​മാ​യി ബ​ന്ധി​പ്പി​ക്കു​ന്ന പ്ര​ധാ​ന റോ​ഡാ​ണി​ത്.

ന​ഗ​രൂ​ർ ക​വ​ല​യി​ലെ വ​ലി​യ​പാ​ലം പ​ണി ന​ട​ക്കു​ന്ന സ​മ​യ​ത്ത് ആ​റ്റി​ങ്ങ​ൽ, ക​ല്ല​മ്പ​ലം മേ​ഖ​ല​ക​ളി​ലേ​ക്ക് സ്വ​കാ​ര്യ ബ​സു​ക​ള​ട​ക്കം നൂ​റു​ക​ണ​ക്കി​ന് വാ​ഹ​ന​ങ്ങ​ളാ​ണ് ഇ​തു​വ​ഴി ക​ട​ന്നു​പോ​യ​ത്. അ​മി​ത​ഭാ​രം ക​യ​റ്റി​യ ടോ​റ​സു​ക​ള​ട​ക്കം നി​ര​ന്ത​രം സ​ർ​വീ​സ് ന​ട​ത്തി​യ​തോ​ടെ​യാ​ണ് റോ​ഡ് ത​ക​ർ​ന്ന​ത്. ക​ഴി​ഞ്ഞ മ​ഴ​ക്കാ​ല​ത്ത് റോ​ഡ് പൂ​ർ​ണ​മാ​യി ത​ക​ർ​ന്നു. ഈ ​സ​മ​യ​ത്താ​ണ് ന​വീ​ക​ര​ണ​ത്തി​നാ​യി 20 ല​ക്ഷം രൂ​പ അ​നു​വ​ദി​ച്ച​താ​യി വാ​ർ​ഡ് മെ​മ്പ​ർ നാ​ട്ടു​കാ​രെ അ​റി​യി​ച്ച​ത്. പി​ന്നാ​ലെ എം.​എ​ൽ.​എ​യു​ടെ​യും വാ​ർ​ഡ് മെ​മ്പ​റു​ടെ​യും ചി​ത്രം സ​ഹി​തം ഒ​ന്നി​ലേ​റെ ഫ്ല​ക്സ് ബോ​ർ​ഡു​ക​ൾ സ്ഥാ​പി​ച്ചു. മ​ഴ​ക്കാ​ല​ത്ത് വെ​ള്ളം നി​റ​ഞ്ഞു​കി​ട​ക്കു​ന്ന കു​ഴി​ക​ളി​ൽ വീ​ണ് ഇ​രു​ച​ക്ര വാ​ഹ​ന​യാ​ത്രി​ക​ർ​ക്ക് പ​രി​ക്കേ​ൽ​ക്കു​ന്ന​ത് നി​ത്യ​സം​ഭ​വ​മാ​ണ്.

നാ​ട്ടു​കാ​ർ സ​മ​ര​ങ്ങ​ൾ​ക്ക് ത​യാ​റെ​ടു​ക്കു​ക​യാ​ണ്. ഫ​ണ്ട് അ​നു​വ​ദി​ച്ച​ത് റോ​ഡി​ന്‍റെ റീ​ടാ​റി​ങ്ങി​ന് പ​ര്യാ​പ്ത​മ​ല്ലാ​ത്ത​തു​കൊ​ണ്ടാ​ണ് പ​ണി ന​ട​ക്കാ​തി​രു​ന്ന​തെ​ന്നും എ​സ്റ്റി​മേ​റ്റ് പു​തു​ക്കി 40 ല​ക്ഷ​മാ​യി ഉ​യ​ർ​ത്തി​യെ​ന്നും റീ​ടാ​റി​ങ് ഉ​ട​ൻ ആ​രം​ഭി​ക്കു​മെ​ന്നും വാ​ർ​ഡ് മെ​മ്പ​ർ നി​സാം നാ​ല​പ്പാ​ട് പ​റ​ഞ്ഞു. 2023-24 സാ​മ്പ​ത്തി​ക വ​ർ​ഷം റോ​ഡ് അ​റ്റ​കു​റ്റ​പ്പ​ണി​ക്കാ​യി ഒ​രു രൂ​പ പോ​ലും സ​ർ​ക്കാ​ർ അ​നു​വ​ദി​ച്ചി​ല്ലെ​ന്നും, എം.​എ​ൽ.​എ ഫ​ണ്ട് വ​ച്ച റോ​ഡി​ൽ ജി​ല്ല പ​ഞ്ചാ​യ​ത്ത് ഫ​ണ്ട് വ​ക്കു​ന്ന​ത് അ​നൗ​ചി​ത്യ​മാ​ണെ​ന്നും ഡി​വി​ഷ​ൻ അം​ഗം ജി.​ജി. ഗി​രി​കൃ​ഷ്ണ​ൻ പ​റ​ഞ്ഞു. റോ​ഡി​ന്‍റെ പു​ന​ർ​നി​ർ​മാ​ണ​ത്തി​നാ​യി 40 ല​ക്ഷം അ​നു​വ​ദി​ച്ച് നി​ർ​മാ​ണ പ്ര​വൃ​ത്തി ഉ​ട​ൻ ആ​രം​ഭി​ക്കു​മെ​ന്ന് ഒ.​എ​സ്. അം​ബി​ക എം.​എ​ൽ.​എ പ​റ​ഞ്ഞു.