ഇ​ന്ന് വാ​യ​നാ​ദി​നം; പുസ്തകാലംകൃത​ം ഈ വഴിയോര കാത്തിരിപ്പുകേന്ദ്രം

കി​ളി​മാ​നൂ​ര്‍: ഖ​സാ​ക്കി​ന്‍റെ ഇ​തി​ഹാ​സ​ത്തി​ലെ ര​വി​യും അ​പ്പു​ക്കി​ളി​യും മൈ​മു​ന​യും, ര​ണ്ടാ​മൂ​ഴ​ത്തി​ലെ ഭീ​മ​ൻ, ര​ണ്ടി​ട​ങ്ങ​ഴി​യി​ലെ കോ​ര​നും ചി​രു​ത​യും, ബ​ഷീ​റും പാ​ത്തു​മ്മ​യു​ടെ ആ​ടും, ആ​ടു​ജീ​വി​ത​ത്തി​ലെ ന​ജീ​ബും, മ​ഞ്ഞി​ലെ വി​മ​ല​യു​മൊ​ക്കെ ഈ ​കു​ഞ്ഞ് വ​ഴി​യോ​ര വി​ശ്ര​മ​കേ​ന്ദ്ര​ത്തി​ൽ വ​ഴി​യാ​ത്രി​ക​രെ​യും കാ​ത്തി​രി​ക്കു​ക​യാ​ണ്, അ​വ​രു​ടെ ജീ​വി​ത​ക​ഥ പ​റ​യാ​ൻ.

നാ​ലോ അ​ഞ്ചോ പേ​ർ​ക്കു​മാ​ത്രം ഇ​രി​ക്കാ​വു​ന്ന ഒ​രു കു​ഞ്ഞി​ട​ത്തെ എ​ങ്ങ​നെ അ​ക്ഷ​ര​ന​ഗ​രി​യാ​ക്കാ​മെ​ന്ന് കാ​ട്ടി​ത്ത​രു​ക​യാ​ണ് നാ​ട്ടി​ൻ​പു​റ​ത്തെ കു​റേ അ​ക്ഷ​ര സ്നേ​ഹി​ക​ളാ​യ ചെ​റു​പ്പ​ക്കാ​ർ. വ​രാ​ന്‍ ബ​സു​ക​ളൊ​ന്നു​മി​ല്ലെ​ങ്കി​ലും ഇ​വി​ടെ​യൊ​രു ബ​സ് കാ​ത്തി​രു​പ്പു കേ​ന്ദ്ര​മു​ണ്ട്. ചു​റ്റി​നും ചെ​ടി​ച്ച​ട്ടി​ക​ളി​ൽ ത​ളി​ർ​ത്തു​നി​ൽ​ക്കു​ന്ന ചെ​ടി​ക​ൾ, അ​കം നി​റ​യെ പു​സ്ത​ക​ങ്ങ​ൾ നി​ര​ന്ന ക​ണ്ണാ​ടി​ഷെ​ൽ​ഫ്, ഇ​രി​ക്കാ​നി​ടം, കു​ടി​ക്കാ​ൻ മ​ൺ​കൂ​ജ​യി​ൽ വെ​ള്ളം, അ​രി​കി​ൽ ക്ലോ​ക്കും, പ​ക്ഷി​ക്കൂ​ടും.. ആ​കെ​ക്കൂ​ടെ ഒ​രു പു​സ്ത​ക പൂ​ന്തോ​ട്ടം. തോ​പ്പി​ൽ - പു​ളി​മ്പ​ള്ളി​കോ​ണം ഇ​ട​റോ​ഡി ലാ​ണ് ഈ ​വി​ശ്ര​മ കേ​ന്ദ്രം.

കി​ളി​മാ​നൂ​ർ മു​ള​യ്ക്ക​ല​ത്തു​കാ​വ് തോ​പ്പി​ൽ ‘വി​സ്മ​യ’​എ​ന്ന യു​വ​ജ​ന​ക്കൂ​ട്ടാ​യ്മ​യാ​ണ് ത​ങ്ങ​ളു​ടെ കു​ഞ്ഞ് ക​വ​ല​യി​ൽ അ​വ​ർ ത​ന്നെ നി​ർ​മി​ച്ച കാ​ത്തി​രു​പ്പു കേ​ന്ദ്ര​ത്തെ ഒ​രു വാ​യ​ന​ശാ​ല​യാ​ക്കി മാ​റ്റി​യ​ത്. ഇ​തി​ന് മ​ല​യാ​ള​ത്തി​ന്‍റെ പ്രി​യ​പ്പെ​ട്ട എ​ഴു​ത്തു​കാ​ര​ൻ എം.​ടി​യു​ടെ ഓ​ർ​മ്മ​ക്കാ​യി എം.​ടി സ്മാ​ര​ക കാ​ത്തി​രി​പ്പു​കേ​ന്ദ്ര​മെ​ന്ന് പേ​രും ന​ൽ​കി.വ​ഴി​പോ​ക്ക​ർ​ക്ക് അ​ല്പ​നേ​രം വെ​റു​തെ​യി​രി​ക്കാ​നും, എ​ന്നാ​ൽ കാ​ര്യ​ഗൗ​ര​വ​മു​ള്ള വാ​യ​ന​യ്​​ക്കു​മാ​യി​ട്ടാ​ണ് വി​ശ്ര​മ​കേ​ന്ദ്ര​ത്തെ വാ​യ​ന​ശാ​ല​യാ​ക്കി​യ​തെ​ന്ന് ര​ക്ഷാ ധി​കാ​രി എം. ​അ​ജ​യ​കു​മാ​ര്‍ പ​റ​യു​ന്നു.

കേ​ന്ദ്ര​ത്തി​ന് മു​ന്നി​ലൂ​ടെ ബ​സ് സ​ർ​വീ​സു​ക​ൾ ഒ​ന്നു​മി​ല്ല. ഒ​ന്ന​ര വ​ർ​ഷം മു​മ്പ്​ വി​ശ്ര​മ​കേ​ന്ദ്രം നി​ർ​മി​ച്ചു. പി​ന്നീ​ടാ​ണ് ഇ​വി​ടെ ഒ​രു വാ​യ​ന​ശാ​ല​യെ​ന്ന ആ​ശ​യം രൂ​പ​പ്പെ​ട്ട​ത്. പ​ല​യി​ട​ങ്ങ​ളി​ൽ നി​ന്ന് സം​ഘ​ടി​പ്പി​ച്ചും, കൂ​ട്ടാ​യ്മ വി​ഹി​ത​മെ​ടു​ത്ത് വാ​ങ്ങി​യും അ​റു​നൂ​റോ​ളം പു​സ്ത​ക​ങ്ങ​ൾ സം​ഘ​ടി​പ്പി​ച്ചു. പൊ​തു​വാ​യ​ന​ക്ക് മാ​സി​ക​ക​ളു​മു​ണ്ട്. ആ​വ​ശ്യ​ക്കാ​ർ​ക്ക് പു​സ്ത​ക​ങ്ങ​ൾ കൊ​ണ്ടു​പോ​യി വാ​യി​ക്കാ​നും ന​ൽ​കു​ന്നു​ണ്ട്. ഗ്ര​ന്ഥ​ശാ​ല​യു​ടെ ഉ​ദ്ഘാ​ട​നം ക​വി​യും ഗാ​ന​ര​ച​യി​താ​വു​മാ​യ രാ​ധാ​കൃ​ഷ്ണ​ന്‍ കു​ന്നും​പു​റം നി​ര്‍വ​ഹി​ച്ചു.