വികസനത്തിന്​ വഴിമാറുമോ : ഓർമകൾക്ക്​ തണലായ വഴിയമ്പലം

കി​ളി​മാ​നൂ​ർ: പ​ഴ​മ​യു​ടെ ശേ​ഷി​പ്പാ​യി നി​ല​നി​ൽ​ക്കു​ന്ന വ​ഴി​യ​മ്പ​ലം നാ​ടി​ന്‍റെ വി​ക​സ​ന​ത്തി​ൽ വ​ഴി​മാ​റു​മോ? പ​ള്ളി​ക്ക​ൽ ആ​ന​കു​ന്നം നി​വാ​സി​ക​ളെ ആ​ഴ്ച​ക​ളാ​യി അ​ല​ട്ടു​ന്ന ചോ​ദ്യ​മാ​ണി​ത്. പോ​ങ്ങ​നാ​ട്- പ​ള്ളി​ക്ക​ൽ റോ​ഡി​ൽ ആ​ന​കു​ന്നം ജ​ങ്ഷ​നി​ലാ​ണ് ഈ ​വ​ഴി​യ​മ്പ​ലം. പു​റ​ത്തു​ള്ള​വ​ർ​ക്ക് ഓ​ല മേ​ഞ്ഞൊ​രു ചെ​റു​പു​ര​യെ​ങ്കി​ലും ആ​ന​കു​ന്ന​ത്തു​കാ​രു​ടെ ച​രി​ത്ര​മാ​ണ് വ​ഴി​യ​മ്പ​ല​ത്തി​ന് പ​റ​യാ​നു​ള്ള​ത്. കാ​ർ​ഷി​ക സം​സ്കാ​ര​ത്തി​ന്‍റെ ഭാ​ഗ​മാ​യി നാ​ട്ടി​ൻ​പു​റ​ങ്ങ​ളി​ൽ വ​ഴി​യ​മ്പ​ല​ങ്ങ​ളും ഇ​തി​നോ​ട് ചേ​ർ​ന്ന് ചു​മ​ടു​താ​ങ്ങി​ക​ളും കി​ണ​റും നി​ർ​മി​ച്ചി​രു​ന്നു. ച​ന്ത​ക​ളി​ലേ​ക്ക് ത​ല​യി​ൽ ചു​മ​ടു​മാ​യി പോ​കു​ന്ന​വ​ർ​ക്ക് പ​ര​സ​ഹാ​യ​മി​ല്ലാ​തെ ചു​മ​ടു​താ​ങ്ങി​യി​ൽ ഇ​റ​ക്കി​വെ​ക്കാം. ​കി​ണ​റ്റി​ൽ​നി​ന്ന് വെ​ള്ള​വും കോ​രി​ക്കു​ടി​ച്ച് വ​ഴി​യ​മ്പ​ല​ത്തി​ൽ വി​ശ്ര​മി​ച്ച​ശേ​ഷം മ​ട​ങ്ങാ​നാ​ണ് ഇ​വ നി​ർ​മി​ച്ച​ത്. പ​ള്ളി​ക്ക​ൽ, ക​ട​യ്ക്ക​ൽ ച​ന്ത​ക​ളാ​ണ്​ അ​ക്കാ​ല​ത്തെ പ്ര​ധാ​ന മ​ല​ഞ്ച​ര​ക്ക് വ്യാ​പാ​ര​കേ​ന്ദ്ര​ങ്ങ​ൾ.

കി​ളി​മാ​നൂ​ർ, പ​ള്ളി​ക്ക​ൽ മേ​ഖ​ല​ക​ളി​ൽ നി​ര​വ​ധി വ​ഴി​യ​മ്പ​ല​ങ്ങ​ളും ചു​മ​ടു​താ​ങ്ങി​ക​ളു​മു​ണ്ടാ​യി​രു​ന്നെ​ങ്കി​ലും റോ​ഡ് വി​ക​സ​ന​ത്തി​നാ​യി എ​ല്ലാം ന​ശി​പ്പി​ക്ക​പ്പെ​ട്ടു. പ​ള്ളി​ക്ക​ൽ ടൗ​ണി​ൽ പൊ​ലീ​സ് സ്റ്റേ​ഷ​നോ​ട് ചേ​ർ​ന്നും കി​ളി​മാ​നൂ​ർ പു​തി​യ​കാ​വ് ക്ഷേ​ത്ര​ത്തി​ന് സ​മീ​പ​ത്തും ആ​റ്റി​ങ്ങ​ൽ - കി​ളി​മാ​നൂ​ർ റോ​ഡി​ൽ രാ​ലൂ​ർ​ക്കാ​വ് ക​വ​ല, ന​ഗ​രൂ​ർ ജ​ങ്ഷ​ൻ എ​ന്നി​വി​ട​ങ്ങ​ളി​ലു​മൊ​ക്കെ​യു​ള്ള ചു​മ​ടു​താ​ങ്ങി​ക​ൾ റോ​ഡ് വി​ക​സ​ന​ത്തി​ന്​ വ​ർ​ഷ​ങ്ങ​ൾ​ക്കു​മു​മ്പേ നീ​ക്കം ചെ​യ്തു. അ​പ്പോ​ഴും നൂ​റ്​ വ​ർ​ഷ​ത്തി​ലേ​റെ പ​ഴ​ക്ക​മു​ള്ള ആ​ന​കു​ന്ന​ത്തെ വ​ഴി​യ​മ്പ​ലം ത​ല​യെ​ടു​പ്പോ​ടെ​നി​ന്നു. എ​ന്നാ​ൽ, ചു​മ​ടു​താ​ങ്ങി​യും കി​ണ​റും ന​ശി​ച്ചു. ആ​ന​കു​ന്നം ഏ​റ​ത്ത് കു​ടും​ബ​ത്തി​ന്‍റെ പു​ര​യി​ട​ത്തി​ൽ ചെ​റി​യ റോ​ഡി​നോ​ട് ചേ​ർ​ന്നാ​ണ് വ​ഴി​യ​മ്പ​ല​വും അ​നു​ബ​ന്ധ സം​വി​ധാ​ന​ങ്ങ​ളു​മൊ​രു​ക്കി​യി​രു​ന്ന​ത്. പാ​റ​കെ​ട്ടി​യു​യ​ർ​ത്തി മു​ക​ളി​ൽ പ​ല​ക നി​ര​ത്തി​യ ഇ​രി​പ്പി​ട​വും ഒ​റ്റ ഉ​ത്ത​ര​ത്തി​ൽ ക​ഴു​ക്കോ​ലു​ക​ൾ കോ​ർ​ത്ത് ഓ​ടു​മേ​ഞ്ഞു​മാ​ണ് വ​ഴി​യ​മ്പ​ലം നി​ർ​മി​ച്ച​ത്.

കെ​ട്ടി​ട​ത്തി​ന്‍റെ ഉ​ത്ത​ര​ത്തി​ൽ പ​ഴ​യ ലി​പി​യി​ൽ എ​ഴു​ത്തു​മു​ണ്ട്. നാ​ല്​ പ​തി​റ്റാ​ണ്ട്​ മു​മ്പ്​ വ​ഴി​യ​മ്പ​ല​ത്തി​ന്‍റെ പ​രി​പാ​ല​നം കു​ടും​ബം നാ​ട്ടു​കാ​ർ​ക്ക് കൈ​മാ​റി. ഓ​ടു​മേ​ഞ്ഞ മേ​ൽ​ക്കൂ​ര പി​ന്നീ​ട് ഓ​ല​യി​ലേ​ക്ക് മാ​റി. പൊ​ളി​ഞ്ഞ ഇ​രി​പ്പി​ട​ത്തി​ലെ പ​ല​ക​ക​ൾ മാ​റ്റി നാ​ട്ടു​കാ​ർ കാ​ത്തു​സൂ​ക്ഷി​ച്ച്​ പോ​രു​ന്നു. ഇ​ന്ന് ക​വ​ല​യി​ലെ ബ​സ് കാ​ത്തി​രി​പ്പ് കേ​ന്ദ്രം കൂ​ടി​യാ​ണി​വി​ടം. കൊ​ല്ലം ജി​ല്ല​യി​ലെ ക​ട​മ്പാ​ട്ടു​കോ​ണ​ത്തു​നി​ന്ന്​ ആ​രം​ഭി​ച്ച് ചെ​ങ്കോ​ട്ട​യി​ലേ​ക്ക് പോ​കു​ന്ന ഗ്രീ​ൻ​ഫീ​ൽ​ഡ് ഹൈ​വേ​യു​ടെ നി​ർ​മാ​ണ​ത്തി​ൽ ഈ ​സ്മാ​ര​കം ‘ര​ക്ത​സാ​ക്ഷി’​യാ​കേ​ണ്ടി വ​രു​മെ​ന്നാ​ണ് നി​ല​വി​ലെ സ​ർ​വേ സൂ​ചി​പ്പി​ക്കു​ന്ന​ത്. നാ​ടി​ന്‍റെ ച​രി​ത്ര​സ്മാ​ര​ക​ത്തെ നി​ല​നി​ർ​ത്താ​നാ​യി​ല്ലെ​ങ്കി​ൽ അ​നു​യോ​ജ്യ​മാ​യ മ​റ്റൊ​രി​ട​ത്തേ​ക്ക് പു​നഃ​സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.